سینیٹ قائمہ کمیٹی خزانہ کی سرکاری ملازمین اور پنشنرز کی تخواہوں میں 20 فیصد اضافہ کی تجویز
حکومت مزدور کے لیے اعلان کردہ اجرت 14 ہزار پر عمل درآمد یقینی بنائے،ٹیکس نہ دینے والے افراد کو کڑے پہنانے کی تجویز اقتصادی راہداری منصوبہ کے مغربی روٹ کو ترجیحی بنیادوں پر تعمیر نہیں کر رہی،مغربی روٹ کو نظرانداز کیا جارہا ہے،سینٹر فرحت اللہ بابر
اسلام آباد (اُردو پوائنٹ اخبارآن لائن۔8جون۔2016ء) سینیٹ کی قائمہ کمیٹی برائے خزانہ نے سرکاری ملازمین اور پنشنرز کی تخواہوں میں 20 فیصد اضافہ کی تجویز دے دی جبکہ حکومت مزدور کے لیے اعلان کردہ اجرت 14 ہزار پر عمل درآمد یقینی بنائے، سینٹر فرحت اللہ بابر نے کہا کہ حکومت اقتصادی راہداری منصوبہ کے مغربی روٹ کو ترجیحی بنیادوں پر تعمیر نہیں کر رہی،مغربی روٹ کو نظرانداز کیا جارہا ہے، مالی سال2016-17 میں مغربی روٹ کے لیے مختص کردہ رقم کو بڑھایا جائے، کمیٹی کی ٹیکس نہ دینے والے افراد کو کڑے پہنانے کی تجویز دے دی، سینیٹ کی قائم کمیٹی خزانہ کا اجلاس چیئرمین کمپنی سلیم ماونڈاوی والا کی زیر صدارت پارلیمنٹ ہاؤس میں ہوا اس موقع پر سینیٹرز کیجانب سے مالی سال 2016-17 کے بجٹ بارے پیش کردہ سفارشات کا جائزہ لیا گیا سینیٹر فرحت اللہ بابر نے کہا کہ سرکاری ملازمین کی تنخواہ اور پنشن میں کم از کم 20 فیصد اضافہ کیا جائے جس پر سیکرٹری خزانہ ڈاکٹر شجاعت علی نے کہاکہ حکومت اپنے وسائل دیکھ کر ملازمین کی تنخواہ میں اضافہ کرتی ہے اس پر چیئرمین کمیٹی نے کہا کہ حکومت پلے بھی تو قرضے لے کر ملازمین کی تنخواہوں میں اضافہ کر رہی ہے مزید قرضے لے لئے جائیں ۔
(جاری ہے)
مزید متعلقہ خبریں پڑھئیے :
