پانامہ لیکس،ٹی او آرز پارلیمانی کمیٹی کا اجلاس پھر بے نتیجہ ختم،ڈیڈلاک برقرار
اپوزیشن کے ٹی او آرز پرحکومت کا نکتہ نظر سامنے آگیا،حکومتی ٹی اور آرز پرقانونی مشاورت کرکے آئندہ اجلاس میں جواب دیں گے،شاہ محمود قریشی چاہتے ہیں کہ ٹی او آرز کا حل نکلے، یہ کام ختم ہو اور اگلا کام شروع کیا جائے،سیاست میں مذاکرات کے دروازے بند نہیں ہوتے،سعد رفیق
اسلام آباد (اُردو پوائنٹ اخبارآن لائن۔5جون۔2016ء) پانامہ لیکس کی تحقیقات کے حوالے سے قائم پارلیمانی کمیٹی کا پانچواں اجلاس بھی بے نتیجہ رہا، اپوزیشن کا کہنا ہے کہ کوئی پش رفت نہیں ہوئی، ڈیڈ لاک برقرار اور صورتحال جوں کی توں ہے، صرف حکومت کی طرف سے جار ٹی او آرز پیش کئے گئے جبکہ حکومت کا کہنا ہے کوئی ڈیڈ لاک ہے نہ تھا، حکومت کو کسی حکومتی شخصیت کی فیملی کیلئے کوئی رعایت نہیں چاہیے، حکومت اپوزیشن کے ساتھ مل بیٹھ کر آگے بڑھنا چاہتی ہے، حکومت ٹیم نے اجلاس میں نئے ٹی او آرز تقسیم کئے ہیں، اپوزیشن حکومتی ٹی او آرز پر قانونی مشاورت کے بعد منگل کے اجلاس میں ردعمل پیش کرے گی، کمیٹی کا اجلاس ہفتہ کے روز پارلیمنٹ میں منعقد ہوا، اجلاس میں حکومتی رکن میر حاصل بزنجو کے علاوہ تمام حکومتی اور اپوزیشن کے ممبران نے شرکت کی، کمیٹی کے اجلاس کے بعد پارلیمنٹ کے باہر میڈیا سے گفتگو کرتے ہوئے شاہ محمود قریشی نے کہا کہ اپوزیشن نے حکومت کو اپنے ٹی او آر دیئے تھے جس میں 15 سوال تھے حکومت نے اپوزیشن سے ٹائم مانگا تھا کہ وہ ان کا جواب دیں گے آج حکومت کی طرف سے اپوزیشن کے ٹی او آرز پر نکتہ نظر سامنے آگیا ہے، اپوزیشن نے فیصلہ کیا ہے کہ وہ حکومتی ٹی اور آرز پر مشاورت کریں گے اور کمیٹی کے آئندہ اجلاس میں قانونی مشاورت کے بعد اس حوالے سے جواب دیں گے،حکومت نے اپوزیشن کے ٹی او آرز کا جیسا جواب دیا ہے ویسا اپوزیشن جواب دے گی، حکومت نے سپریم کورٹ میں اپنے ٹی او آرز بھجنے تھے ان کو مسترد کر دیا گیا،ہم چاہتے ہیں کہ ہم مذاکرات کے ذریعے متفقہ ٹی او آرز پر پہنچ جائیں مگر ٹی او آرز پر متفق ہونا ناکافی ہوگا، بلکہ انکوائری کمیشن پر بھی متفق ہونا بہت ضروری ہے، اپوزیشن کی کوشش ہے کہ ٹائم فریم میں ٹی او آرز پر متفق ہوجائیں، لیکن موجودہ صورتحال جوں کی توں ہے، اس حوالے سے متحدہ اپوزیشن کا اجلاس پیر کو ہوگا اور منگل کو کمیٹی میں حکومتی ٹی او آرز کے حوالے سے جواب دیا جائے گا، انہوں نے کہا کہ ہم سپیکر قومی اسمبلی کا بہت احترام کرتے ہیں، انہوں نے اپنے چیمبر میں حکومتی اور اپوزیشن کو مل بیھٹنے کا موقع فراہم کیا اور معاملات کو آگے بڑھنے کی خواہش رکھتے ہیں قائد حزب اختلاف خورشید شاہ بھی بات کو آگے بڑھانے کی کوشش کرتے ہیں لیکن کمیٹی کو مداخلت کے بغیر کام کرنے دیں۔
(جاری ہے)
مزید متعلقہ خبریں پڑھئیے :
متعلقہ عنوان :
