ملک کا لیڈر کرپٹ ہو تو قوم کو تباہ کردیتا ہے ،عمران خان
جب لیڈر خود چور ہو تو ملکی اداروں کو کیسے آزاد ہونے دے گا لیکن میاں صاحب اب اپنے امپائر بھی کھڑے کردو لیکن شکست آپ ہی کی ہوگی،پشاور میں جلسے سے خطاب نواز شریف اگر بے قصور ہیں تو خیبرپختونخوا کی طرح احتساب کا قانون لیکر آئیں،پاناما لیکس کا جواب دینے کے بجائے نواز شریف معصوم بن جاتے ہیں اور آجکل جلسے کرنے نکلے ہوئے ہیں، پشاور میں جلسہ عام سے خطاب
منگل 10 مئی 2016 10:01
پشاور (اُردو پوائنٹ اخبارآن لائن۔10 مئی۔2016ء) چیرمین تحریک انصاف عمران خان نے کہا کہ ملک کا لیڈر کرپٹ ہو تو وہ قوم کو تباہ کردیتا ہے کیوں کہ جب لیڈر خود چور ہو تو ملکی اداروں کو کیسے آزاد ہونے دے گا لیکن میاں صاحب اب اپنے امپائر بھی کھڑے کردو لیکن شکست آپ ہی کی ہوگی۔پشاور میں جلسے سے خطاب کرتے ہوئے عمران خان نے کہاکہ عمران خان نے کہا وزیراعظم نے سوائے میرے پوری اپوزیشن کو بھی قابو کر لیا ہے۔
20 سال سے کہہ رہا تھا کہ نواز شریف نے پیسہ بنایا اور اللہ سچ سامنے لیکر آیا ہے۔ پاناما لیکس کا جواب دینے کے بجائے نواز شریف معصوم بن جاتے ہیں اور آجکل جلسے کرنے نکلے ہوئے ہیں۔ پاناما لیکس میں نام آنے پر آئس لینڈ کے وزیراعظم نے استعفیٰ دیا میاں صاحب آپ کو دوروں کی بجائے جواب دینا ہو گا۔(جاری ہے)
میاں صاحب نے سکھر میں ایئرکنڈیشنڈ جلسہ کیا ہمارا جلسہ دیکھیں چالیس ڈگری میں میرے ٹائیگر کھڑے ہیں اس کو جلسہ کہتے ہیں ۔
نوجوان نیا پاکستان بنائیں گے۔ انہوں نے اپنے خطاب میں ملائیشیا کی ترقی کی مثال دیتے ہوئے کہا مہاتیر محمد نے ملایشیا کو عظیم ملک بنایا۔ مہاتیر محمد نے کہا کہ لیڈر کو ایماندار ہونا چاہیے کیونکہ جب لیڈر کرپٹ ہو تو پورا ملک تباہ ہو جاتا ہے۔ جب لیڈر خود چور ہو تو نیب کو کیسے آزاد ہونے دے گا ورنہ خود پکڑا جائے گا۔ خیبرپختونخوا کی نیب نے وزیر کو پکڑا کبھی ایسا پہلے نہیں ہوا تھا۔ نواز شریف اگر بے قصور ہیں تو خیبرپختونخوا کی طرح احتساب کا قانون لیکر آئیں۔ عمران خان نے کہا نواز شریف نے سپریم کورٹ پر حملہ کرایا تھا کیونکہ کرپٹ آدمی کبھی بھی عدلیہ کو نہیں چلنے دے گا۔ پنجاب پولیس چھوٹو گینگ کا مقابلہ نہیں کر سکی اور فوج بلانا پڑی۔ خیبرپختونخوا پولیس نے سورن سنگھ کے قاتلوں کو 24 گھنٹے میں پکڑ لیا۔ زیادہ دیر نہیں پنجاب پولیس بھی ٹھیک کر کے دکھاؤں گا۔ میاں صاحب نے کرپشن بچانے کیلئے پورے ملک کا نظام تباہ کر دیا۔ کپتان نے اعلان کرتے ہوئے کہا ہمارا اور حکومت کا زبردست ٹوئنٹی ٹوئنٹی میچ ہونے والا ہے کیونکہ ایک طرف کرپٹ لوگ اور دوسری پاکستانی ہیں۔ میاں صاحب آپ کو آپ کے امپائروں کے ساتھ ہراؤں گا۔ عمران خان نے کہا وزیراعظم نے کرکٹ کو تباہ کر دیا ہے اور نجم سیٹھی کو دھاندلی کروانے پر کرکٹ بورڈ کا چیئرمین بنایا۔ پی ٹی وی پر بھی سفارشی لگا دیا گیا تمام ادارے تباہ کر دیئے گئے۔ ضمنی انتخابات میں نئے اور پرانے پاکستان کا مقابلہ ہو گا۔ دھاندلی پر الیکشن کمیشن کا احتساب کروں گا تین حلقے مانگے تھے اب تک 3 وکٹیں گر گئیں چکی ہیں اب چوتھی گرنے والی ہے۔ خواجہ آصف سپریم کورٹ کے پیچھے چھپا ہوا تھا ان کے حلقے میں 30 ہزار جعلی ووٹ نکلے ۔ (ن) لیگ نے الیکشن کمیشن کیساتھ ملکر دھاندلی کی تھی۔ عمران خان نے کہا خیبرپختونخوا میں کرپشن کو نیچے لیکر آئے ہیں۔ ٹرانسپرنسی انٹر نیشنل کے مطابق پہلی حکومت میں سب سے زیادہ کرپشن تھی ۔عمران خان نے کہاکہ بنوں کے جلسے میں اکرم خان درانی نے بہت فنکاریاں دکھائیں، میاں صاحب جب حکم کریں میں بنی گالہ کی اینٹ سے اینٹ بجا دوں گا اور خیبرپختونخوا کی حکومت بھی گرا سکتا ہوں لیکن مجھے یہ تو بتائیں کہ آپ یہ حکومت کیسے گرائیں گے، کیا رشوت کے ذریعے ہمارے اسمبلی ارکان کو خریدا جائے گا، یہ کیسے اسلام کے عالم ہیں جو لوگوں کے ضمیروں کا سودا کرکے حکومت گرانے کی بات کرتے ہیں۔ انہوں نے کہا کہ اسلام کے نام پر سیاست کرنے والوں کو شرم آنی چاہیے، اور میں چاہتا ہوں کہ میرے ارکان اسمبلی کی قیمت لگاؤ تاکہ ہمیں بھی کچرا صاف کرنے کا موقع ملے۔چیرمین تحریک انصاف کا کہنا تھا کہ مولانا فضل الرحمان کے ہوتے ہوئے کسی کو یہودی کا ایجنٹ بننے کی کوئی ضرورت نہیں، جو ظلم آپ پاکستان کے ساتھ کررہے ہیں اتنا تو کوئی یہودی بھی نہیں کرے گا جب کہ فضل الرحمان نے پرویز مشرف، آصف زرداری اور نوازشریف سمیت سب کی حکومتوں کا ساتھ دیا اور خدانخواستہ پاکستان کا وزیراعظم یہودی بن جائے تو مولانا اس کا بھی ساتھ دیں گے اور فتویٰ دیں گے کہ یہودی کے نیچے حکومت کرنا جائز ہے۔ انہوں نے کہا کہ میاں صاحب غلط جگہ نیا خیبرپختونخوا ڈھونڈ رہے ہیں، کیوں کہ سڑکیں اور پل بنانے سے قومیں نہیں بنتی بلکہ لوگوں پر سرمایہ کاری کرکے انہیں روزگار اور تعلیم دیں اور ان کی خدمت کریں کیوں کہ یہی آگے جاکر قوم بنائیں گے۔چیرمین تحریک انصاف نے کہا کہ پاکستان تقسیم ہوچکا ہے، ایک طرف عوام جو کرپشن سے آزادی چاہتی ہے اور دوسری طرف مولانا فضل الرحمان جیسے لوگ ہیں جو کرپشن بچانا چاہتے ہیں لیکن میاں صاحب آپ اپنے امپائر بھی کھڑے کردو لیکن شکست آپ کی ہوگی۔ انہوں نے کہا کہ ہم نے صرف 4 حلقے کھلوانے کا کہا تھا اور 3 وکٹیں ہم گراچکے ہیں جب کہ چوتھی وکٹ بھی جلد گرنے والی ہے کیوں کہ خواجہ آصف کے حلقے سے 30 ہزار جعلی ووٹ نکلیں۔مزید متعلقہ خبریں پڑھئیے :
منگل 10 مئی 2016 کی مزید خبریں
-
وزیراعظم کوپارلیمنٹ میں آکر جواب دیناہوگا،سراج الحق
-
سکھر،مصطفی کمال کا ایک بار پھر متحدہ قائد پررا سے فنڈنگ کا الزام
-
ٹنڈوجام، کراچی سے لاہور ریلوے ٹریک پر دھماکہ، مال گاڑی کے 9ڈبے پٹری سے اتر گئے، کوئی جانی نقصان نہیں ہوا
-
قومی ائیر لائن میں چیف آپریٹنگ آفیسر کی خالی آسامی پر نا اہل جرمن شہری کی تقرری کا انکشاف
-
نیب بلوچستان نے سابق صوبائی وزیرخوراک اسفندیارکاکڑکے وارنٹ گرفتاری جاری کردئیے
-
پانامہ پیپر لیکس کے بعد اب دوبئی پراپرٹی لیکس میں بھی کسی دینی رہنما اور مذہبی جماعت کا کو ئی نام نہیں ہے، لیاقت بلوچ
-
پنجاب حکومت نے ینگ ڈاکٹرز کے مطالبات تسلیم کر لئے
-
محکمہ موسمیات نے رواں ماہ سخت گرمی کی پیشگوئی کے ساتھ بارش کی بھی نوید سنا دی
-
سی این جی اور پٹرول پمپوں پر کم تولنے اور پیمانوں کیلئے خصوصی سافٹ ویئر تیار
-
پانامہ لیکس کی دوسری قسط کے سارے نام سامنے آگئے،250 آف شور کمپنیوں کے 400 پاکستانی مالک ہیں
-
قومی اسمبلی ،شیخ رشید،قادر بلوچ میں جھڑپ،متحدہ اپوزیشن کا واک آؤٹ، سینیٹ میں بھی اپوزیشن کا واک آوٴٹ
-
نیب کی کاروائیاں تیز، مشتاق رئیسانی کے انکشاف کے بعد ایکسیئن قلات اور ٹھیکیدار گرفتار،سابق چیئر مین بلوچستان پبلک سروس کمیشن ،2ڈپٹی ڈائریکٹر گرفتار
-
ملک کا لیڈر کرپٹ ہو تو قوم کو تباہ کردیتا ہے ،عمران خان
-
آرمی چیف سے امریکی سنٹرل کمانڈ کے سربراہ جنرل جوزف کی ملاقات
-
ہمارا لندن میں کاروبار اور لندن میں ہی رہتے ہیں ،مجھے دانستہ ٹارگٹ کیا جا رہا ہے، زلفی بخاری
-
بیویوں کو پاؤں کی جوتی اور تیسرے درجے کی مخلوق قرار دینے والے جہالت کا شکار ہیں، مولانا طارق جمیل
-
میں اپنے بیان پر ابھی بھی قائم ہوں، رائیونڈ میں میری ماں میری بہن رہتی ہے، زعیم قادری
-
وزیر اعلیٰ سندھ اور کور کمانڈ کراچی کی ملاقات
-
پاکستان کے ساتھ ٹیکسٹائل ، کیمیکل انڈسٹری و زرعی شعبوں میں باہمی تجارت کو فروغ دینے کیلئے کوشاں ہیں،پرتگالی سفیر
-
سندھ حکومت کی سفارش پر کراچی میں رینجرز کے اختیارات میں 77 روز کی توسیع کا نوٹی فکیشن جاری
-
وزیراعظم نوازشریف نے غیر ملکی دوروں پر قومی خزانے کے 630 ملین روپے خرچ کر ڈالے
-
مذہب تبدیل کرنے والے باپ کے خلاف بیٹی کی در خواست
-
ریسلنگ کے وہ 10 کھلاڑی جو طاقت کے نشے میں قاتل بن گئے
-
بھارتی ریاست بہار میں رکنِ اسمبلی کے بیٹے کے ہاتھوں طالبعلم کی ہلاکت کے بعد احتجاجی مظاہروں کا سلسلہ شروع
-
برازیل کی صدر ڈیلما روزیف کے خلاف مواخذے کی تحریک کا عمل التواء کا شکار
-
قاہرہ کے مرکز میں آتش زدگی، کم از کم 50 افراد زخمی
-
شام کے سیاسی قیدیوں کی ہڑتال کے خاتمے کے لیے ڈیل
-
ترکی کو اسلامک اسٹیٹ کے خلاف جنگ میں تنہا چھوڑ دیا گیا، طیب اردوآن
-
جرمنی، گابریل پارٹی قیادت نہیں چھوڑ رہے، ایس پی ڈی
-
بیلجیم میں جیل عملے کی ہڑتال کے بعد فوج طلب
-
متحدہ عرب امارات میں ایک شدت پسند کو عمر قید کی سزا دے دی گئی
-
ایران نے 2 ہزار کلومیٹر تک مار کرنے والے بیلسٹک میزائل کا کامیاب تجربہ کر ڈالا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.