قومی ٹیم کی قیادت کبھی بوجھ نہیں رہی ، محمد حفیظ ، میری کپتانی چھوڑنے پر عمران خان بھی اپ سیٹ ہوئے تھے ، دیگر لوگوں کی رائے کا خوش دلی سے احترام کرتا ہوں ، سابق کپتان
موہالی (اُردو پوائنٹ اخبارآن لائن۔ 23مارچ۔2016ء) پاکستانی اوپنر محمد حفیظ کا کہنا ہے کہ میں نے قومی ٹیم کی قیادت کو کبھی بوجھ خیال نہیں کیا بلکہ اس سے لطف اندوز ہوا، 2014 ورلڈ کپ کے بعد میرے کپتانی چھوڑنے پر عمران خان بھی اپ سیٹ ہوئے کیونکہ وہ مجھے سپورٹ کرتے رہے تھے۔ایک بھارتی اخبار کو انٹرویو میں تجربہ کار بیٹسمین نے کہا کہ 2 برس قبل بنگلہ دیش میں منعقدہ میگا ایونٹ میں ہماری ٹیم سیمی فائنل مرحلے تک رسائی حاصل نہیں کرپائی جو ہمارے لیے مایوس کن تھا، اس کے بعد ناقدین کا ردعمل میرے لیے اور بھی زیادہ مایوسی کا سبب بنا، عوام بھی بہت زیادہ ناراض تھی، یہ میرے لیے تکلیف دہ وقت تھا، اس وقت میں نے انداز لگایا کہ کپتانی کوئی اہمیت نہیں رکھتی، انھوں نے مزید کہا کہ میں دیگر لوگوں کی رائے کا خوشدلی سے احترام کرتا ہوں لیکن خراب زبان استعمال کیے جانے پر ایسا نہیں کیا جا سکتا۔
(جاری ہے)
مزید متعلقہ خبریں پڑھئیے :
متعلقہ عنوان :
