فرانس : پولیس کی کیلے کیمپ کی مسماری کی کوشش میں جھڑپیں،12جھونپڑیاں جل گئیں،کیمپ میں رہنے والے زیادہ تر تارکینِ وطن کا تعلق مشرقِ وسطیٰ، افغانستان اور افریقہ سے ہے

بدھ 2 مارچ 2016 09:01

پیرس(اُردو پوائنٹ اخبارآن لائن۔ 2مارچ۔2016ء)فرانس کی بندرگاہ کیلے میں واقع ’جنگل‘ کے نام سے مشہور تارکینِ وطن کے کیمپ کو حکام کی جانب سے اکھاڑنے کے عمل کے دوران جھڑپوں کے دوران کم سے کم 12 جھونپڑیاں جل گئیں۔فرانسیسی حکومت اس کیمپ کو ختم کرنے کے بعد وہاں استقبالیہ مراکز قائم کرنا اور تارکینِ وطن کو وہاں منتقل کرنا چاہتی ہے۔حکام کے خیال میں اس منصوبے سے ایک ہزار کے قریب تارکینِ وطن متاثر ہوں گے جبکہ وہاں کام کرنے والے رضاکاروں کے اندازوں کے مطابق یہاں رہنے والوں کی تعداد کہیں زیادہ ہے۔

اس کیمپ میں رہنے والے زیادہ تر تارکینِ وطن کا تعلق مشرقِ وسطیٰ، افغانستان اور افریقہ سے ہے۔ یہ تارکینِ وطن رودبادِ انگلستان کو عبور کر کے غیرقانونی طور پر برطانیہ پہنچنے کی امید میں اکثر انسانی سمگلروں کا سہارا لیتے ہیں۔

(جاری ہے)

انھیں خدشہ ہے کہ فرانسیسی حکام ان سے زبردستی انگلیوں کے نشان حاصل کرنے اور انھیں فرانس میں ہی پناہ کی درخواست دینے پر مجبور کریں گے اور ان کا برطانیہ پہنچنے کا خواب پورا نہیں ہو سکے گا۔

کیمپ میں موجود بی بی سی کی اینا ہولیگن کا کہنا ہے کہ کیمپ خالی کروانے والی ٹیموں اور تارکینِ وطن کے گروہوں کے درمیان جھڑپیں پیر کی شام تک جاری رہیں اور ان کا دائرہ کیلے کی بندرگاہ کی جانب جانے والی مرکزی شاہراہ تک پھیل گیا۔ان کے مطابق تارکینِ وطن کے گروپ اندھیرے میں موٹروے پر جانے والے ٹرکوں تک رسائی کی کوشش میں بندرگاہ کی جانب بڑھے تاہم پولیس نے ان پر اشک آور گیس پھینک کر انھیں واپس جانے پر مجبور کر دیا۔

فرانسیسی میڈیا کے مطابق کم سے کم 150 افراد، جن میں سے چند ایک کے پاس لوہے کی سلاخیں تھیں، گاڑیاں روکنے کے لیے سڑک پر چڑھ گئے تھے۔کیمپ کا صفایا کرنے کے لیے بنائے گئے سکواڈ نے پیر کو تقریباً 100 ٹھکانے مسمار کیے اور اب منگل کی صبح ان کی کیمپ میں واپسی کا امکان ظاہر کیا جا رہا ہے۔پولیس نے تارکینِ وطن کے کیمپ کے نزدیک جھونپٹریوں میں لگنے والی آگ کو بجھانے کے لیے واٹر کینن کا استعمال بھی کیا جبکہ ان جھڑپوں کے دوران چار افراد کو گرفتار بھی کیا گیا ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا

جمعرات 25 اپریل 2024 - 23:46

آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی ..

جمعرات 25 اپریل 2024 - 22:52

خاوند نے بیوی کا گلا کاٹ دیا، مارٹ مالک نے نوکر کو گولی مار دی

جمعرات 25 اپریل 2024 - 22:48

مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری

جمعرات 25 اپریل 2024 - 22:40

مریم نواز کے بعد نوازشریف کی بھی پولیس وردی میں تصویر وائرل

جمعرات 25 اپریل 2024 - 22:39

پنجاب پولیس نے حماد اظہر پر 33مقدمات درج کر رکھے ہیں، رپورٹ عدالت میں پیش کر دی گئی

جمعرات 25 اپریل 2024 - 22:07

فرانس : پولیس کی کیلے کیمپ کی مسماری کی کوشش میں جھڑپیں،12جھونپڑیاں جل گئیں،کیمپ میں رہنے والے زیادہ تر تارکینِ وطن کا تعلق مشرقِ وسطیٰ، افغانستان اور افریقہ سے ہے

مزید متعلقہ خبریں پڑھئیے‎ :

متعلقہ عنوان :

بدھ 2 مارچ 2016 کی مزید خبریں