ویسٹ انڈین بورڈ اور کھلاڑیوں میں معاہدہ نہ ہوسکا، ٹی ٹونٹی ورلڈ کپ کیلئے دوسرے درجے کی ٹیم بھیجنے کا امکان، گزشتہ سال کھلاڑیوں کے معاوضو ں میں اضافے کے سلسلے میں معاہدہ ہوا تھا ، اب کھلاڑی ایک بار پھر نیا معاہدہ کرنا چاہتے ہیں، ٹورنامنٹ قریب آچکا ہے اس لئے یہ مناسب نہیں، چیف ایگزیکٹو ویسٹ انڈیز بورڈ

جمعرات 11 فروری 2016 09:19

بارباڈوس(اُردو پوائنٹ اخبارآن لائن۔ 11فروری۔2016ء)ویسٹ انڈین کرکٹ بورڈ اور کھلاڑیوں میں معاوضوں کا معاملہ طے نہ ہوسکا جس کے بعد اس بات کا امکان بڑھ گیا ہے کہ ورلڈ ٹی ٹونٹی کپ کیلئے ویسٹ انڈیز کی دوسرے درجے کی ٹیم کو بھارت بھیجا جا ئے گا۔اس بارے میں ویسٹ انڈین کرکٹ بورڈ کے چیف ایگزیکٹومائیکل مور ہیڈ نے کہا ہے کہ گزشتہ سال کھلاڑیوں کے معاوضو ں میں اضافے کے سلسلے میں معاہدہ ہوا تھا لیکن ان کھلاڑی ایک بار پھر نیا معاہدہ کرنا چاہتے ہیں لیکن او وقت ٹورنامنٹ قریب آچکا ہے اس لئے یہ مناسب نہیں کہ معاوضوں میں اضافے کی بات کی جائے۔

(جاری ہے)

ان کا کہنا تھا کہ اگر کسی کھلاڑی نے 14فروری تک اپنی دستیابی کے بارے میں نہ بتایا تو اس کی سلیکشن کے بارے میں غور نہیں کیا جائے گا۔اس سے پہلے ویسٹ انڈین کپتان ڈیرن سمی نے بورڈ کے چیف کو دوسرا خط بھی لکھا تھا جس میں معاوضہ نہ بڑھانے کی بات کو مسترد کیا گیا تھا۔ اب تک بورڈ اور کھلاڑیوں کی یونین اپنے اپنے موقف پر ڈٹے ہوئے ہیں جس سے امکان ظاہر کیا جا رہا ہے کہ اس ٹورنامنٹ کیلئے دوسری درجے کی ٹیم بھیجی جائے گی۔واضح رہے کہ اس وقت ویسٹ انڈیز کی ٹیم ٹی ٹونٹی کی عالمی درجہ بندی میں دوسرے نمبر پر ہے اگر اس کی مکمل ٹیم نہ آئی تو اس کی یہ پوزیشن خطرے میں پڑ سکتی ہے۔