سعودی قیادت میں اتحاد نے یمن میں فائربندی کے خاتمے کا اعلان کر دیا

اتوار 3 جنوری 2016 09:55

صنعاء (اُردو پوائنٹ اخبارآن لائن۔3جنوری۔2016ء)سعودی قیادت میں قائم عسکری اتحاد نے یمن میں حوثی باغیوں کے خلاف فائربندی ختم کرنے کا اعلان کر دیا ہے۔ گزشتہ ماہ فائربندی کے اعلان کے بعد سے اب تک اس فائربندی کی خلاف ورزی وقفے وقفے سے دیکھنے میں آتی رہی ہے۔

(جاری ہے)

اتحاد کی جانب سے کہا گیا ہے کہ ہفتے کوعالمی وقت کے مطابق صبح گیارہ بجے سے اس فائربندی کا باقاعدہ خاتمہ کر دیا گیا ہے۔ سعودی اتحاد کے بیان میں کہا گیا ہے کہ حوثی باغیوں نے اس فائربندی کے دوران حملوں کا سلسلہ جاری رکھا اور اپنے زیرقبضہ علاقوں سے سعودی شہروں پر میزائل داغے، سرحدی چوکیوں پر حملے کیے اور امدادی کارروائیوں میں رخنہ ڈالا۔