کراچی،حکومت سندھ کا رینجرز اختیارات معاملے پر وزیر اعظم سے ملاقات میں مسئلہ اٹھانے کا فیصلہ ،وزیر اعلیٰ قائم علی شاہ کا وزیراعظم کو خط لکھنے اور ملاقات کا وقت مانگنے کا بھی امکان
کراچی(اُردو پوائنٹ اخبارآن لائن۔29دسمبر۔2015ء)حکومت سندھ نے رینجرز کے اختیارات کے معاملے پر وزیر اعظم کی دعوت پران سے ملاقات کرکے یہ مسئلہ اٹھانے کا فیصلہ کیا ہے اس ضمن میں وزیر اعلیٰ سندھ سید قائم علی شاہ کی جانب سے وزیراعظم کو ایک خط ایک دو روز میں لکھا جائے گا اور وزیر اعظم سے فون کرکے رابطہ کرکے ملاقات کا وقت مانگا جائیگا، حکومت سندھ کے ذرائع نے بتایا کہ وزیر اعلیٰ سندھ نے پیر کے روز آصف علی زرداری ، بلاول بھٹو زرداری اور سید خورشید شاہ سے صلاح ومشورے کرنے کے بعد چیف سیکریٹری، ہوم سیکریٹری اور قائمقام سیکریٹری قانون سے بات چیت کی ان کے مشورے سے ایک خط کا ڈرافٹ تیار کیا جو وزیر اعظم کو دو روز میں ارسال کردیا جائے گا خط روانہ کرنے کے بعد وزیر اعلیٰ سندھ براہ راست فون پر رابطہ کرکے وزیراعظم سے ملاقات کا وقت مانگیں گے اور اس ملاقات میں وہ سندھ کا بینہ کے کچھ وزراء بھی اپنے ساتھ لے جائیں گے۔
(جاری ہے)
مزید متعلقہ خبریں پڑھئیے :
متعلقہ عنوان :
