عاصم حسین ہسپتال سے ڈسچارج، رینجرز نے دوبارہ تحویل میں لے لیا،ڈاکٹر عاصم حسین کو 22 ستمبر کو دل کی تکلیف کی شکایت کے بعد قومی ادارہ امراض قلب میں داخل کیا گیا تھا ، میڈیکل بورڈ نے ٹیسٹ کے بعد ڈاکٹر عاصم کی تمام رپورٹس کونارمل قرار دیا تھا

منگل 29 ستمبر 2015 08:58

کراچی (اُردو پوائنٹ اخبارآن لائن۔29ستمبر۔2015ء) پیپلزپارٹی کے رہنما ڈاکٹرعاصم حسین کو رینجرز نے اپنی تحویل میں لے کر قومی ادارہ امراض قلب سے منتقل کر دیا۔ قومی ادارہ امراض قلب کراچی میں زیر علاج ڈاکٹر عاصم کو رینجرز نے اپنی تحویل لے لیا ہے اور میٹھا رام ہاسٹل منتقل کر دیا ہے۔

(جاری ہے)

ڈاکٹر عاصم 90 دن کے لئے رینجرز کی تحویل میں ہیں۔ رینجرز نے 27 اگست کو انسداد دہشت گردی عدالت سے اپنی تحویل میں لیا تھا۔ ڈاکٹر عاصم حسین کو 22 ستمبر کو دل کی تکلیف کی شکایت کے بعد قومی ادارہ امراض قلب میں داخل کیا گیا تھا جہاں ان کے ضروری ٹیسٹ کئے گئے اور زیر علاج رہے۔ ذرئع کے مطابق میڈیکل بورڈ نے ٹیسٹ کے بعد ڈاکٹر عاصم کی تمام رپورٹس کونارمل قرار دیا تھا۔