پاکستان اور بھارت اوفا اعلامیہ کے پابندہیں،دفتر خارجہ،فضائی حدود کی خلاف ورزی پر بھارت سے شدید احتجاج کیا،ایل او سی پر کشیدگی سے منفی اثرات مرتب ہوں گے،ہمسایوں ممالک کے ساتھ اچھے تعلقات نواز شریف کا ویژن ہے،کشمیر متنازعہ علاقہ ہے ،کشمیریوں کی خواہشات کے مطابق مسئلہ حل ہونا چاہیے،پاکستان اور روس مختلف شعبوں میں تعاون بڑھا رہے ہیں،عرب امارات میں عمر مبین لاپت ہیں،پاکستانی سفارتخانہ حکام سے رابطہ میں ہے،ترجمان خلیل اللہ قاضی کی ہفتہ وار بریفنگ
اسلام آباد(اُردو پوائنٹ اخبارآن لائن۔17 جولائی۔2015ء)پاکستان نے کہا ہے کہ بھارت نے جاسوس طیارے کے ذریعے پاکستانی فضائی حدود کی خلاف ورزی کی ہے،بھارتی سفیر کو دفتر خارجہ طلب کر کے شدید احتجاج ریکارڈ کرایا ہے،ایل او سی پر کشیدگی سے دونوں ممالک کے درمیان تعلقات پر منفی اثرات مرتب ہوں گے،پاکستان اوفا میں جاری مشترکہ اعلامیہ کا پابند ہے ،بھارت کو بھی پابندی کرنا چاہیے،ترجمان دفتر خارجہ خلیل اللہ قاضی نے جمعرات کے روز ہفتہ وار پریس بریفنگ دیتے ہوئے کہا ہے کہ پاکستان ایک پرامن ملک ہے اور خطے میں امن کیلئے کوشاں ہے اور اس کے لئے لازوال قربانیاں بھی دی ہیں،پاکستان اس وقت دہشت گردی کے خلاف فیصلہ کن جنگ لڑ رہا ہے اور آپریشن ضرب عضب سے دہشت گردی کو ختم کر دیا ہے اور ملک میں امن کی فضاء قائم ہے،انہوں نے کہا کہ ہمسائیوں ممالک کے ساتھ اچھے تعلقات وزیر اعظم نواز شریف کا ویژن ہے اور اس ویژن کے تحت نہ صرف پڑوسی ممالک بلکہ بین الاقوامی سطح پر بھی پاکستان تمام ممالک کے ساتھ تعلقات بہتر انداز میں آگے بڑھا رہاہے،پاکستان اور روس مختلف شعبوں میں تعاون کررہے ہیں اور وزیر اعظم نواز شریف نے دورہ روس کے دوران مختلف شعبوں میں تعاون بڑھانے پر پیش رفت ہوئی ہے۔
(جاری ہے)
مزید متعلقہ خبریں پڑھئیے :
متعلقہ عنوان :
