لسبیلہ،درگاہ شاہ نورانی میں طوفانی بارش و ژالہ باری نے تباہی مچا دی سیلابی ریلہ میں 20 سے زائد افراد بہہ گئے، گھروں کی چھتیں اڑ گئی متعدد افراد زخمی مرد خواتین اور بچوں سمیت14افراد لا شیں نکالی گئی امدادی ٹیمیں کاروائیوں میں مصروف ، لاشوں کاگھر پہنچنے پر کہرام مچ گیا وزیراعلیٰ بلوچستان کا سانحہ پر افسوس کا اظہار ، امدادی کو متاثرہ علاقوں میں کاروائیاں تیز کرنے کی ہدایت پی ڈی ایم اے کی جانب سے 200خاندانوں کیلئے ٹینٹ اور خوراک سمیت دیگرضروری اشیاء روانہ
لسبیلہ ( اُردو پوائنٹ اخبارآن لائن۔5 جون۔2015ء ) درگاہ شاہ نورانی کے علاقے میں تیز طوفانی بارش و ژالہ باری نے تباہی مچا دی سیلابی ریلہ میں 20 سے زائد افراد بہہ گئے گھروں کی چھتیں اڑ گئی متعدد افراد زخمی مرد خواتین اور بچوں سمیت14افراد لا شیں نکالی گئی امدادی ٹیمیں کاروائیوں میں مصروف ہے لاشوں کاگھر پہنچنے پر کہرام مچ گیا وزیراعلیٰ بلوچستان ڈاکٹر مالک بلوچ نے افسوس کا اظہار کرتے ہوئے ہدایت جاری کی ہے کہ امدادی ٹیمیں متاثرہ علاقوں میں کاروائیاں تیز کریں پی ڈی ایم اے کی جانب سے 200خاندانوں کیلئے ٹینٹ اور خوراک سمیت دیگرضروری اشیاء روانہ کردی گئی ہے تفصیلات کے مطابق لسبیلہ کے قریبی علاقے ضلع خضدار کے علاقے درگاہ شاہ نورانی کے علاقے کوہن میندرواور گلو گوٹھ میں تیز طوفانی ژالہ باری کے ساتھ ہونیوالی بارش نے تباہی مچا دی 20زائدافراد سیلابی ریلہ میں بہہ کر جاں بحق ہوگئے بشیر احمد ،مراد علی اور خواتین حیفظہ ،بے نظیر ،رخسانہ ،ارشاد خاتون،روزبینہ،فریدہ ،فاطمہ،مریم، حسینہ،فہمیدہ،فضیلہ اسلم،رضیہ ودیگر شامل ہیں اورگھروں کی چھتیں گر گئی متعددافراد زخمی ایدھی فاؤنڈیشن کے سربراہ و بانی ملک کی نامور شخصیت عبدالستار ایدھی کی خصوصی ہدایت پر ایدھی بلوچستان کے انچارج ڈاکٹر عبدالحکیم لاسی ایمبولینسوں کے ہمراہ جائے وقوعہ پہنچ گئے اور پیرامیڈیکل سمیت دیگر امدادی ٹیمیں ڈپٹی کمشنر خضدار وحید شاہ متاثرہ علاقے پہنچ گئے تیز بارش سے ندی نالیوں میں طغیانی سے 20سے زائد افراد سیلابی ریلہ میں بہہ گئے اور تیز ہواؤں سے گھروں کی چھتیں گر گئی اور متعدد افراد زخمی ہوگئے اور متعدد مکانات مہند ہونے سے لوگ آسمان تلے زندگی بسرکرنے لگے ڈپٹی کمشنر خضدار سید وحید شاہ نے ”خبر رساں ادارے“ کو بتایا کہ یہ قدرتی آفت ہے اور متاثرہ علاقوں میں فوری طور پر امدادی ٹیمیں روانہ کردی گئی ہیں اور تمام عملے کو سختی سے ہدایت کی ہے کہ جلدازجلد متاثرہ علاقے میں امدادی کاروائیاں تیز کردیں ایدھی بلوچستان کے انچارج ڈاکٹر عبدالحکیم لاسی متاثرہ علاقے روانگی سے قبل انہوں نے خبر رساں ادارے کو بتایا کہ ایدھی فاؤنڈیشن کے بانی عبدالستار ایدھی اور فیصل ایدھی کی خصوصی ہدایت پر امدادی سرگرمیاں شروع کردی ہیں اور متعدد ایمبولینس روانہ کردی ہیں جبکہ پیرامیڈیکل کا عملہ بھی جائے وقوعہ پر پہنچ گئے ہیں اور رات گئے تک آخری معلومات کے مطابق پندرہ نعشوں کو نکال لیا گیا تھا اور تاحال متعدد افراد لاپتہ ہیں اور جاں بحق افراد کا تعلق مقامی علاقے سے ہے اور آپس میں رشتہ دار ہیں معروف بزرگ ہستی درگاہ شاہ نورانی کے خلیفہ محمد ہاشم نے حکومت اور ایدھی فاؤنڈیشن سے مطالبہ کیا ہے کہ فوری متاثر ہ علاقوں میں امدادی سرگرمیاں تیز کریں اور مکینوں کو ریلیف فراہم کیا جائے وزیراعلیٰ بلوچستان ڈاکٹر عبدالمالک بلوچ نے سیلابی ریلے میں بہہ کر جاں بحق افراد کے لواحقین سے دلی ہمدردی کا اظہار کیا ہے اور انہوں نے فوری امدادی سرگرمیاں تیز کرنے کا آغاز کردیا ہے پی ڈی ایم اے کی جانب سے دو سو خاندانوں کیلئے خوراک اور ٹینٹ روانہ کردیئے گئے ہیں جبکہ متاثرہ علاقے میں موبائل سروس کام نہیں کرتی اور راستہ نہ ہونے کی وجہ سے امدادی ٹیموں کو کافی دشواری کا سامنا کرنا پڑا ذرائع سے معلوم ہوا کہ سیلابی ریلہ میں سینکڑوں کی تعداد میں مال مویشی بہہ گئی ہیں ۔
(جاری ہے)
مزید متعلقہ خبریں پڑھئیے :
