پرویز خٹک کا صوبائی ارکان سمیت پارلیمنٹ ہاؤس کے سامنے دھرنا ،وفاق نے خیبرپختونخوا کے تحفظات دور کرنے کی یقین دہانی کرا دی، معاملات طے پا گئے، پرویز خٹک کو پارلیمنٹ ہاؤ س میں داخل ہونے سے روک دیا گیا ، خواجہ آ صف خود آ کر وزیر اعلی کے پی کے کو اپنے چیمبر میں لے کر گئے،لوڈشیڈنگ اور اقتصادی راہداری پر تقریباً ایک گھنٹہ بات چیت، خیبر پختونخواہ حکومت نے وفاق کو 24 نکاتی مطالبات پیش کئے، مسائل کے حل کیلئے ایک ہفتے کی مہلت دینے پر اتفاق، مذاکرات کافی حد تک کامیاب ہو گئے ہیں،پرویز خٹک کی میڈیا سے گفتگو
اسلام آباد (اُردو پوائنٹ اخبارآن لائن۔13 مئی۔2015ء) وفاق اور خیبرپختونخواحکومت کے درمیان معاملات طے پا گئے جس کے تحت بجلی سمیت دیگر مسائل کے حل کیلئے وفاق کو ایک ہفتے کی مہلت دینے پر اتفاق ہو گیا ہے‘ وفاقی حکومت نے صوبے کے تحفظات دور کرنے کی یقین دہانی کرا دی ہے۔ تفصیلات کے مطابق وزیراعلیٰ خیبرپختونخواہ پرویز خٹک نے منگل کے روز بجلی کی لوڈشیڈنگ سمیت صوبے کے حقوق کیلئے پارلیمنٹ ہاؤس کے سامنے صوبائی اسمبلی کے اراکین کے ہمراہ دھرنا دیا جس میں صوبائی اسمبلی میں تمام سیاسی جماعتوں کے اراکین شریک تھے اس دوران وزیراعلیٰ خیبرپختونخواہ کو پارلیمنٹ کے اندر جانے سے روک لیا گیا جس پر وفاقی وزیر بجلی و پانی خواجہ آصف سخت سیکیور ٹی میں باہر آئے اور وزیر اعلیٰ خیبرپختونخواہ کو اپنے ساتھ لیکر چیمبر میں چلے گئے جہاں دونوں کے درمیان لوڈشیڈنگ اور اقتصادی راہداری پر تقریباً ایک گھنٹہ بات چیت جاری رہی۔
(جاری ہے)
مزید متعلقہ خبریں پڑھئیے :
