مسلم لیگ (ن) کے سینیٹر ظفرعلی شاہ نے پی ٹی آئی کے اراکین پارلیمنٹ کی واپسی کے اقدام کو اسلام آباد ہائی کورٹ میں چیلنج کردیا
اسلام آباد (اُردو پوائنٹ اخبارآن لائن۔7 اپریل۔2015ء) مسلم لیگ (ن) کے سینیٹر ظفرعلی شاہ نے پاکستان تحریک انصاف کی پارلیمنٹ کے مشترکہ اجلاس میں شرکت اور استعفوں کے بعد پی ٹی آئی کے اراکین پارلیمنٹ کی واپسی کے اقدام کو اسلام آباد ہائی کورٹ میں ایک آئینی رٹ پٹیشن کے ذریعے چیلنج کردیا ہے۔ رٹ پٹیشن میں موقف اختیار کیا گیا ہے کہ پی ٹی آئی کے اراکین پارلیمنٹ نے اپنے استعفے اسپیکر قومی اسمبلی کو بھجوا دیئے گئے جو کہ تاحال سپیکر کی جانب سے منظور نہیں کئے گئے لیکن اس کے باوجود پی ٹی آئی کے ممبران قومی اسمبلی نے پارلیمنٹ کے مشترکہ اجلاس میں شرکت کی اور پارلیمنٹ میں واپسی کا راستہ اختیار کر چکے ہیں جو کہ آئین کے متصادم ہے پی ٹی آئی کا پارلیمنٹ سے استعفے دینے کے بعد پارلیمنٹ میں واپس آنے کا فیصلہ بھی غیر قانونی ہے کیونکہ ایک ممبر قومی اسمبلی جب پارلیمنٹ میں استعفیٰ دے دیتا ہے چالیس دن پارلیمنٹ سے غیر حاضر رہنے پر آئینی طور پر اس کا استعفیٰ منظور تصور کیا جاتا ہے۔
(جاری ہے)
مزید متعلقہ خبریں پڑھئیے :
متعلقہ عنوان :
