داعش عرب ممالک کی القاعدہ بن سکتی ہے، رحمن ملک ،مقامات مقدسہ کی حفاظت ہر مسلمان ملک کی اولین ذمہ داری ،تمام مسلمان ممالک کو اس خطرے کا ادراک کرنا چاہیے ،عمران خان کو پارلیمنٹ واپسی پر خوش آمدید کہتے ہیں ،سیاسی جرگے کے قائدین مبارکباد کے مستحق ہیں، میڈیا سے گفتگو
اسلام آباد(اُردو پوائنٹ اخبارآن لائن۔7 اپریل۔2015ء) سابق وفاقی وزیر داخلہ سینٹر رحمن ملک نے کہاہے کہ داعش عرب ممالک کی القاعدہ بن سکتی ہے ،تمام مسلمان ممالک کو اس خطرے کا ادراک کرنا چاہیے ،مقامات مقدسہ کی حفاظت ہر مسلمان ملک کی اولین ذمہ داری ہے ،عمران خان کو پارلیمنٹ واپسی پر خوش آمدید کہتے ہیں ،سیاسی جرگے کے قائدین مبارکباد کے مستحق ہیں ان خیالات کا اظہار انہوں نے پارلیمنٹ ہاؤس کے گیٹ پر میڈیا سے گفتگو کے دوران کیا انہوں نے کہاکہ پی ٹی آئی کی پارلیمنٹ واپسی پر میاں نواز شریف اور عمران خان کو مبارکباد پیش کرتا ہوں میں تویہ کہتا ہوں کہ بہت دیر کی مہربان آتے آتے دیر آید درست آیدپی ٹی آئی قومی اسمبلی میں اپنا بھرپور کردار ادا کریں اور یہ امید کرتا ہوں کہ یہ اسمبلی بھی گذشتہ اسمبلی کی طرح اپنا آئینی مدت پوری کریں انہوں نے کہاکہ تمام مسائل کا حل مذاکرات میں پوشیدہ ہے اور میں 7ماہ سے جاری اس مسئلے کو حل کرنے پر سیاسی جرگے کے قائدین کو مبارکباد پیش کرتا ہوں انہوں نے کہاکہ سیاسی جرگے کی کوششوں کے دوران بہت سے لوگوں نے جرگے سے متعلق قسم قسم کی باتیں کیں مگر ہم ثابت قدم رہے اور ہمیں کامیابی نصیب ہوئی اور سیاسی جرگے کی سفارشات کے عین مطابق جوڈئشیل کمیشن کاقیام عمل میں لایا گیا اور دونوں سیاسی جماعتوں نے اپنے موقف میں نرمی کی انہوں نے کہاکہ میرا مطالبہ ہے کہ جوڈیشیل کمیشن نہ صرف 2013کے انتخابات کو دیکھے بلکہ اس سے پہلے ہونے والے انتخابات میں بھی دھاندلی کی تحقیقات کرے۔
(جاری ہے)
مزید متعلقہ خبریں پڑھئیے :
