لاہور/کوئٹہ/کراچی (اُردو پوائنٹ اخبارتازہ ترین۔16 مارچ۔2015ء)یوحنا آباد خودکش حملوں کے خلاف لاہور سمیت ملک کے مختلف شہرو ں میں مسیحی برادری کااحتجا ج جاری ہے ، لاہور میں پرتشدد مظاہروں کے نتیجے صورتحال میں 2افراد جاں بحق اور12زخمی ہوگئے جنہیں فوری طور پر قریبی ہسپتال منتقل کردیاگیا ، علاقے میں صورتحال کشیدہ ہوگئی ،حالات پر قابوپانے کے لئے رینجرز کو طلب کرلیا گیا جس نے کنٹرول سنبھال لیا ، سانحے کے خلاف صوبے بھر میں تمام مشنری اسکولز ایک روز کے لئے بند رہے۔
پیر کو سانحہ یوحنا آباد کے خلاف پنجاب سمیت ملک کے مختلف شہروں میں مسیحی برادری سراپا احتجاج دوسرے روز بھی جاری رہا تاہم یہ احتجاج پرتشد د مظاہروں کی شکل اختیار کر گیا لاہور کے فیروز پور روڈ پر مظاہرین نے احتجاج کرتے ہوئے میٹرو بس سروس بند کردی جب کہ مشتعل مظاہرین نے متعدد گاڑیوں کے شیشے بھی توڑ دیئے تاہم اس دوران جب مظاہرین نے ایک گاڑی کو روکنے کی کوشش کی تو اس میں سوار خاتون نے جان بچانے کے لئے کار تیزی سے دوڑا دی جس کی زد میں آکر 5 افراد زخمی ہوئے جنہیں جنرل اسپتال منتقل کردیا گیا جہاں زخموں کی تاب نہ لاتے ہوئے 2 زخمی دم توڑ گئے۔
(جاری ہے)
کشیدہ صورت حال کے پیش نظر پولیس کی بھاری نفری فیروزپور روڈ پہنچ گئی جنہیں منتشر کرنے کے لئے اہلکاروں نے ہوائی فائرنگ کی جس پر غم و غصے میں مبتلا مظاہرین نے پولیس پارٹی پر پتھراوٴ کیا تاہم جب حالات پولیس کے قابو سے باہر ہوگئے تو صورتحال کو قابو میں لانے کے لئے انتظامیہ نے رینجرز کو طلب کرلیا۔سانحے کے خلاف صوبے بھر میں تمام مشنری اسکولز ایک روز کے لئے بند رہے جب کہ وکلا برادری کی جانب سے یوم سیاہ منایا گیا، ہائیکورٹ اور ماتحت عدالتوں میں وکلا بازووٴں پر سیاہ پٹیاں باندھ کر پیش ہوئے اور بار ایسوی ایشن کے دفاتر پر سیاہ پرچم بھی لہرائے گئے۔
اسی طرح فیصل ا ٓباد کے ملت روڈ پرمسیحی برادری کی جانب سے شدید احتجاج کیا گیا اورمشتعل افراد نے ٹائر جلا کر سڑک ٹریفک کے لئے بلاک کردی۔دوسری جانب کراچی، حیدرا ٓباد، میرپورخاص سمیت سندھ کے مختلف شہروں میں احتجاجاً مشنری اسکولز بند رہے۔ کوئٹہ میں کیتھولک بورڈ آف ایجوکیشن انتظامیہ کی جانب سے مشنری اسکولز بند رہے، پاکستان نرسنگ فیڈریشن بلوچستان کی جانب سے یوحنا ا ٓباد خودکش دھماکوں کے خلاف 3 روزہ سوگ منایا جارہا ہے اور تمام نرسیں بازووٴں پر سیاہ پٹیاں باندھ کر ڈیوٹی دینے کے لئے اسپتالوں میں آئیں جب کہ ایس ایس پی آپریشن اعتزاز گورایہ کا کہنا تھاکہ مسیحی آبادیوں اور ارد گرد کے علاقوں میں سیکیورٹی بڑھادی گئی جب کہ کوئٹہ میں تمام چرچوں کی حفاظت کے لئے اہلکار تعینات کردیئے گئے ۔
ادھرشدید مظاہروں کے پیش نظر وزارت داخلہ پنجاب کی جانب سے امن و امان قائم کرنے کے لیے رینجرز کو طلب کیا گیا تھا جبکہ رینجرز نے فیروز پور روڈ کا کنٹرول سنبھال لیا ۔رینجرز کی جانب سے پولیس کے ساتھ مل کر کاروائیوں کا آغاز کیا گیا ہے جبکہ پولیس اور رینجرز نے مشترکہ طور پر کاروائی کرتے ہوئے مظاہرین کو منتشر کرنے کے لیے واٹر کینن کا استعمال کیا گیا ہے۔
اس کے علاوہ پولیس کی جانب سے آنسو گیس کی شیلنگ بھی کی گئی ہے جس کے استعمال سے مظاہرین کو منتشر کیا گیا ۔ دوسری جانب پنجاب حکومت نے یوحنا آباد خود کش دھماکوں کی تحقیقات کیلئے جے آئی ٹی تشکیل دی ہے جس کا سربراہ ڈی آئی جی شہزاد سلطان کو مقرر کیا گیا ہے۔یوحنا آباد میں ایک روز قبل اتوار کو کیتھولک چرچ اور کرائسٹ چرچ میں عبادت جاری تھی کہ دہشت گردوں نے خودکش دھماکے کر دیئے تھے، جس کے نتیجے میں اب تک 16 افراد ہلاک ہو چکے ہیں۔
سانحہ کیخلاف یوحنا آباد میں کل سے شدید احتجاج جاری ہے اور کشیدگی کے باعث پورے علاقے میں خوف و ہراس پھیل چکا ہے۔مظاہروں کی نوعیت اتنی سنگین ہوچکی ہے کہ اعلیٰ حکام نے رینجرز کو طلب کرلیا ہے، جبکہ پولیس کی بھاری نفری کو بھی تعینات کیا گیا ہے۔اور مظاہرین کو منتشر کرنے کیلئے ان پر واٹر کینن کے ذر یعے پانی پھینکا گیا۔دوسری جانب یوحناآباد میں چرچ پر حملوں کے بعد احتجاج کے دوران جلائے جانیوالے دوافرادمیں سے ایک کی شناخت ہوگئی ‘مرنیوالے ایک شخص کی شناخت محمد نعیم کے نام سے ہوئی اوروہ قصور کارہائشی تھا۔
بتایا گیا ہے کہ للیانی کے رہائشی محمد سلیم نے تھانہ نشترٹان میں دی گئی درخواست میں موقف اپنایاکہ محمد نعیم یوحناآباد میں شیشے کا کاروبار کرتاتھا اور دکان مالک نے بتایاکہ دھماکے کے بعد محمد سلیم دکان سے بھاگ کھڑا ہواجس پر مسیحی برادری کے مشتعل ہجوم نے اسے پکڑکرتشدد کرنے کے بعد موت کے گھاٹ اتاردیا اور جلائے جانیوالے افراد میں محمد نعیم بھی شامل ہے محمد سلیم کی درخواست پولیس نے جمع کرلی تاہم اس پر کوئی مزید کارروائی عمل میں نہیں لائی گئی ۔
پولیس حکام نے سلیم کو میڈیا پرآنے سے روکتے ہوئے بتایاکہ اعلی پولیس حکام کی میٹنگ شیڈول ہے اور اس دوران درخواست سامنے رکھی جائے گی جس کے بعد حتمی فیصلہ ہوگاجبکہ وزیر اعلی پنجاب شہباز شریف نے فیروز پور روڈ پر کار کی ٹکر سے 2افراد کی ہلاکت کا نوٹس لیتے ہوئے کار ڈرائیور کے خلاف سخت کاروائی کا حکم دیا ہے اور ڈی آئی جی آپریشنز سے رپورٹ طلب کر لی ۔
وزیر اعلی نے ڈی آئی آپریشنز کو ہدایت جار ی کی ہے کہ کار ڈرائیور کو جلد گرفتار کیا جائے اور اس کے خلاف قانون کے مطابق کاروائی کی جائے۔ادھر سابق وزیر قانون پنجاب رانا ثناء اللہ نے کہا ہے کہ مسیحی برادری سے مذاکرات کامیاب ہو گئے ہیں اور ہلاک افراد کے گھر والوں کو معاوضہ دیا جائے گا۔ پنجاب حکومت نے مسیحی برادری سے مذاکرات کی ذمہ داری رانا ثنا ء اللہ کو دی تھی جس کے بعد رانا ثنا ء اللہ مسیحی برادری سے مذاکرات کیلئے یو حنا آباد گئے تھے۔
پنجاب حکومت اوریوحناآبادکے مظاہرین کے درمیان کامیاب مذاکرات کے بعدحالات معمول پرآگئے ،رینجرزکے 3دستے بھی یوحناآبادپہنچ گئے ،تحقیقات کیلئے کمیٹی قائم ہوگی ،راناثناء اللہ کاکہناہے کہ مسیح برادری کومطالبات کی منظوری کی یقین دہانی کرائی ہے ،تحقیقات کیلئے کمیٹی قائم کی جائے گی ،سانحہ میں جاں بحق افرادکے لواحقین کومناسب امداددی جائے گی ۔
پیرکے روزلاہورمیں یوحناآباددھماکوں کے خلاف مظاہرین کاشدیداحتجاج،صبح سے شروع ہواجوشام تک جاری رہا،مظاہرین وقفے وقفے سے پولیس پرپتھراوٴبھی کرتے رہے اورشدیدتوڑپھوڑکی شام کے وقت مظاہرین کاایک اورگروپ سامنے آگیاجس نے مشتعل مظاہرین پرپتھراوٴکرناشروع کردیااس موقع پرپولیس نے آنسوگیس کی شیلنگ بھی کی اورواٹرکینن کابھی استعمال کیاگیا،تاہم مظاہرین مزیدمشتعل ہوگئے تورینجرزکی نفری کوطلب کیاگیاجبکہ دوسری جانب پنجاب حکومت اورمظاہرین کے وفدکے درمیان مذاکرات کاسلسلہ بھی جاری رہاحکومت کی جانب سے راناثناء اللہ خلیل طاہرسندھوشریک تھے ،جبکہ بشپ آف لاہوراوردیگرچرچ کے بشپ مذاکرات میں شامل رہے ۔
کمشنرلاہوراورڈی سی اولاہوربھی شریک تھے ۔مذاکرات کے بعدمیڈیاسے گفتگوکرتے ہوئے راناثناء اللہ نے کہاکہ مسیح برادری سے مذاکرات کامیاب ہوئے ہیں اوربشپ آف لاہورمظاہرین کومنتشرکرنے کیلئے گئے ہیں ،مذاکرات میں مرنے والوں کے لواحقین کی امداداورسیکورٹی کے حوالے سے بات چیت ہوئی ہے اورہم نے مطالبات کی منظوری کی یقین دہانی کرائی ہے ،لواحقین کومناسب معاوضہ دیاجائیگاجبکہ سیکورٹی کے حوالے سے بھی بہترطریقہ اختیارکیاجائیگا۔
انہوں نے کہاکہ لاہورکے گرجاگھروں میں پانچ ،پانچ سیکورٹی اہلکارتعینات ہیں سیکورٹی کی بہتری کیلئے مزیداقدامات کئے جائیں گے جبکہ 2افرادکوزندہ جلانے والوں کاڈیٹانادراکوبجھوادیاگیاہے دوسری جانب مذاکرات کی کامیابی کے بعدبشپ لاہورنے مظاہرین کومنتشرہونے کی اپیل کی ،جس کے بعدحالات معمول پرآگئے اورمظاہرین اپنے اپنے گھروں کوروانہ ہوگئے ۔
راناثناء اللہ نے مزیدبتایاکہ رینجرزکویوحناآبادکی سیکورٹی کیلئے طلب کیاگیاہے اوررینجرزموجودرہے گی۔پنجاب حکومت نے یوحنا آباد دھماکوں کی تحقیقات کیلئے جے آئی ٹی تشکیل دیدی، زعیم قادری کہتے ہیں کہ مظاہرین پْرامن طور پر اپنا احتجاج ریکارڈ کرائیں، دہشت گردی کے واقعات کیخلاف پوری قوم متحد ہے۔ رانا ثناء اللہ نے کہا ہے کہ مسیحی عبادتگاہوں کی سیکیورٹی مزید سخت کرنے کی ضرورت ہے۔
لاہور کے علاقے یوحن آباد میں مسیحی عبادت گاہ پر حملوں کی تحقیقات کیلئیے پنجاب حکومت نے جوائنٹ انویسٹی گیشن ٹیم تشکیل دیدی، پولیس اور خفیہ اداروں کے افسران پر مشتمل جے آئی ٹی جلد تحقیقات کا آغاز کرے گی۔ترجمان پنجاب حکومت زعیم قادری کا کہنا ہے کہ مسیحی رہنماوٴں سے مذاکرات جاری ہیں، جلد تمام معاملات پر قابو پالیا جائے گا، مظاہرین کو پْرامن طور پر اپنا احتجاج کرنا چاہئے، سانحہ یوحنا آباد پر پوری قوم دکھی ہے۔
انہوں نے کہا کہ ہم چاہتے ہیں کہ دھماکوں میں ملوث ملزمان گرفتار ہوں، دہشتگردی کے واقعات کیخلاف پوری قوم متحد ہے۔دوسری جانب رانا ثناء اللہ نے کہا ہے کہ مسیحی برادری کے غم میں برابر کے شریک ہیں، دہشت گردی کیخلاف جنگ متحد ہوکر لڑنی پڑے گی، گرجا گھروں کی سیکیورٹی میں اضافہ کیا جائے گا۔ سانحہ یوحنا آباد کے بعد کشیدگی کو کنٹرول کرنے کیلئے رینجرز کو طلب کرلیا گیا ۔ ڈی سی او لاہور کے مطابق رینجرز کی تین کمپنیاں طلب کی گئی ہیں رینجرز پولیس کے ساتھ مل کر امن وامان کو یقینی بنائینگی جب تک حالات نارمل نہیں ہوجاتے رینجرز تعینات رہیں گے ۔
