شادی کو عمر کے ساتھ مشروط نہ کیا جائے لڑکی جب عاقل اور بالغ ہو جائے تو شادی کر دینی چاہیے ،اسلام میں شادی کیلئے عمر کا تعین نہیں ہے ،لڑکی اگر بلوغت کو 15یا 16سال کی عمر میں پہنچ جائے تو شادی کر دینی چاہیے،شرعی طور پر کوئی پابندی نہیں ،مولویوں کو ٹارگٹ کیا جا رہا ہے اگر ایسا ہوا تو کیانکاح خواں نکاح نہیں پڑھائے گا تواسکی جگہ حکومت کے وزراء پڑھائیں گئے،علماء اور سیاسی رہنماؤں کی گفتگو

اتوار 8 مارچ 2015 09:59

اسلام آباد(اُردو پوائنٹ اخبارآن لائن۔8 مارچ۔2015ء)گزشتہ روز پنجاب اسمبلی میں کم عمر ی میں شادی پر نکاح خواں اور سرپرست کو سزا دینے پر جو بل منظور کیا گیا اس پر علماء اور سیاسی رہنماؤں کا کہنا ہے کہ شادی کو عمر کے ساتھ مشروط نہ کیا جائے لڑکی جب عاقل اور بالغ ہو جائے تو شادی کر دینی چاہیے ، اسلام میں شادی کیلئے عمر کا تعین نہیں ہے ،لڑکی اگر بلوغت کو 15یا 16سال کی عمر میں پہنچ جائے تو شادی کر دینی چاہیے،شرعی طور پر کوئی پابندی نہیں ،مولویوں کو ٹارگٹ کیا جا رہا ہے اگر ایسا ہوا تو کیانکاح خواں نکاح نہیں پڑھائے گا تواسکی جگہ حکومت کے وزراء پڑھائیں گئے ،ان خیا لات کا اظہار علماء اور سیاسی رہنماؤں نے خبر رساں ادارے سے بات کرتے ہوئے کیااس موقع پر پاکستان علماء کونسل کے چیئر مین علامہ طاہر اشرفی کا کہنا تھا کہ اگر کوئی عاقل بالغ نہیں ہے تو اسکا نکاح پڑھا کر رخصتی کردی جاتی ہے تو اس پر نکاح خواں کو سزا ملنی چاہیے انہوں نے کہا کہ شادی کو عمر کے ساتھ مشروط نہ کیا جائے لڑکی جب عاقل اور بالغ ہو جائے تو شادی کر دینی چاہیے انہوں نے مزید کہا کہ پاکستا ن میں کم عمری شادی کا مسئلہ ضرور ہے لیکن ڈاکٹرز کی رائے لینے کے بعد اس پر فیصلہ کرنا چاہیے اہل اسنت والجماعت کے سربراہ علامہ محمداحمد لدھیانوی کا کہنا تھا کہ اسلام میں شادی کیلئے عمر کا تعین نہیں ہے لڑکی اگر بلوغت کو 15یا 16سال کی عمر میں پہنچ جائے تو شادی کر دینی چاہیے جماعت اسلامی کے مرکزی سیکرٹری اطلاعات فرید پراچہ کا کہنا تھا کہ یہ معاشرتی معاملہ ہے شریعی طور پر عمرکی کوئی پابندی نہیں ہے موجودہ حکومت ناکام ہو چکی ہے ایسے بل منظور کروا کر مولویوں کو ٹارگٹ کیا جا رہا ہے اگر ایسا ہوا تو کوئی نکاح خواں نکاح نہیں پڑھائے گا تواسکی جگہ حکومت کے وزراء کو نکاح پڑھوانے پڑیں گئے

Facebook Twitter Google + Share on Whatsapp

اتوار 8 مارچ 2015 کی مزید خبریں