سینیٹ الیکشن: پیپلزپارٹی نے آئینی ترمیم کی مخالفت کردی،ملک میں دو قوانین نہیں ہو سکتے،عوام خفیہ اور ایم پی اے اوپن ووٹ کیوں دیں‘ راجہ پرویز اشرف کی نجی ٹی وی سے گفتگو

اتوار 1 مارچ 2015 09:40

اسلام آباد( اُردو پوائنٹ اخبارآن لائن۔یکم مارچ۔2015ء )حکومت کو پیپلزپارٹی کا جواب مل گیا، پیپلز پارٹی نے سینٹ الیکشن کے لئے آئینی ترمیم کی مخالفت کردی۔تفصیلات کے مطابق پاکستان کے سابق وزیراعظم اور پاکستان پیپلز پارٹی کے مرکزی رہنما راجا پرویزاشرف نے کہاہے کہ سینیٹ الیکشن کیلئے پیپلزپارٹی آئینی ترمیم کی کسی صورت حمایت نہیں کریگی۔

(جاری ہے)

ان خیالات کا اظہار انہوں نے نجی ٹی وی سے گفتگو کرتے ہوئے کیا، انہوں نے کہا کہ ایک ملک میں دو قوانین نہیں ہو سکتے،عوام خفیہ اور ایم پی اے اوپن ووٹ کیوں دیں؟سابق وزیر اعظم کا کہنا تھا کہ ذاتی مفاد کے لئے کوئی ترمیم عوام قبول نہیں کریں گے۔ انہوں نے پاکستان تحریک انصاف کو کڑی تنقید کا نشانہ بناتے ہوئے کہا کہ اس جماعت کے اصول کہاں گئے؟ پی ٹی آئی بھی حکومت کی ہمنواء بن گئی ہے۔ایک سوال کے جواب میں راجا پرویزاشرف نے کہا کہ ائین کوئی موم کی ناک نہیں کہ جسے جب چاہے مروڑدیا جائے۔ پیپلز پارٹی ہر صورت آئین کا دفاع کریں گے ۔