ورلڈ کپ 2015:متعدد خراب ریکارڈ اب پاکستان کے نام،310رنز ویسٹ انڈیز کا پاکستان کیخلاف ..
تازہ ترین : 1
ورلڈ کپ 2015:متعدد خراب ریکارڈ اب پاکستان کے نام،310رنز ویسٹ انڈیز کا پاکستان ..

ورلڈ کپ 2015:متعدد خراب ریکارڈ اب پاکستان کے نام،310رنز ویسٹ انڈیز کا پاکستان کیخلاف سب سے زیادہ رنز کا ریکارڈ ، ورلڈ کپ مقابلوں میں 150رنز سے شکست بھی ریکارڈ ، ایک رنز پر چار کھلاڑی پویلین واپس ہوکر کینیڈا کا ریکارڈ بھی اپنے نام کرلیا ،پاکستان آج تک آسٹریلین یا نیوزی لینڈ پچز پر 280 یا اس سے زائد رنز کے ہدف کا تعاقب نہیں کر سکا اور اس طرح کا گیارہواں موقع تھا

کرائسٹ چرچ(اُردو پوائنٹ اخبارآن لائن۔ 22فروری۔2015ء) ورلڈ کپ میں جہاں پاکستان کو لگاتر دوسری شکست کا صدمہ جھیلنا پڑا تو ساتھ ساتھ متعدد منفی ریکارڈ بھی اپنے نام کے ساتھ درج کرا لیے۔ویسٹ انڈیز نے میچ میں پاکستان کے خلاف 310 رنز بنا ڈالے جو کہ ورلڈ کپ میں ویسٹ انڈیز کا پاکستان کے خلاف سب سے ذیادہ رنز کا ریکارڈ ہے۔ اس سے پہلے ورلڈ کپ 1979 کے سیمی فائنل میں ویسٹ انڈیز نے 293 رنز بنا کر پاکستان کے خلاف سب سے ذیادہ رنز اسکور کرنے کا ریکارڈ قائم کیا تھا۔

پاکستان کو میچ میں 150 رنز سے شکست ہوئی تو ورلڈ کپ مقابلوں میں پاکستان کی رنز کے اعتبار سے سب سے بڑی شکست ہے، اس سے قبل 2011 کے ورلڈ کپ میں نیوزی لینڈ نے پاکستان کو 110 رنز کے بڑے مارجن سے شکست سے دوچار کیا تھا۔یہ ایک روزہ کرکٹ میں بھی رنز کے اعتبار سے ویسٹ انڈیز کی پاکستان کے خلاف سب سے بڑی فتح ہے۔صرف یہی نہیں بلکہ پاکستان نے ایک ایسا ریکارڈ بھی بنایا جو بہت عرصے تک نہ ٹوٹ سکے۔

پاکستانی ٹیم 310 رنز کے ہدف کے تعاقب میں ایسی گھبرائی کہ صرف ایک رن پر چار کھلاڑی پویلین جا پہنچے جو اپنے آپ میں نہ صرف ورلڈ کپ بلکہ ایک روزہ کرکٹ میں بھی ایک ریکارڈ ہے۔اس سے پہلے یہ ریکارڈ کینیڈا نے 2006 میں زمبابوے کے خلاف 4 رنز پر 4 وکٹوں کے نقصان پر اپنے نام کیا تھا۔پاکستان آج تک آسٹریلین یا نیوزی لینڈ پچز پر 280 یا اس سے زائد رنز کے ہدف کا تعاقب نہیں کر سکا اور اس طرح کا گیارہواں موقع تھا۔

وقت اشاعت : 22/02/2015 - 09:04:46

متعلقہ عنوان :

اپنی رائے کا اظہار کریں