ہندوستانی میڈیا پاکستان کیخلاف سازش کررہا ہے، محمد حفیظ،چیف سلیکٹر معین خان اور کوچ وقار یونس قومی ٹیم کے کپتان مصباح الحق کو سائیڈ لائن کر رہے کی خبر میں کوئی صداقت نہیں ،سختی سے تردید کرتا ہوں ،پاکستانی ٹیم اور کھلاڑی متحد ہیں، ڈریسنگ روم میں کسی بھی قسم کے اختلافات یا سیاست نہیں، ہار اور جیت کھیل کا حصہ ہے لیکن ہمیں اس طرح کی سازشی کہانیوں کو ختم کرنا چاہیے، میں یہ معاملہ پی سی بی کے نوٹس میں لاؤنگا ، میڈیا سے گفتگو،حفیظ کو جب سے ٹیم مینجمنٹ نے انجری کے باعث آسٹریلیا سے واپس پاکستان بھیجا ہے، وہ متعدد مواقوں پر میڈیا سے رابطہ کرتے رہے اور ہمیشہ ہی ان کے پاس کہنے کے لیے بہت کچھ ہوتا ہے

جمعرات 19 فروری 2015 08:48

کراچی(اُردو پوائنٹ اخبارآن لائن۔ 19فروری۔2015ء) قومی ٹیم کے آل راوٴنڈر محمد حفیظ نے ہندوستانی ویب سائٹ کی رپورٹس کی سختی سے تردید کی ہے جس میں انہیں کہتے ہوئے بتایا گیا کہ چیف سلیکٹر معین خان اور کوچ وقار یونس قومی ٹیم کے کپتان مصباح الحق کو سائیڈ لائن کر رہے ہیں۔ میڈیا سے گفتگو کرتے ہوئے حفیظ نے ان الزامات کی سختی سے تردید کرتے ہوئے کہا کہ وہ معاملہ کو پی سی بی کے علم میں لائیں ے۔

جب حفیظ سے اس حوالے سے پوچھا گیا تو انہوں نے پریس ٹرسٹ آف انڈیا کی رپورٹس سے مکمل لاعلی ظاہر کرتے ہوئے کہا کہ میں نے ایسا کچھ نہیں کہا، یہ پاکستانی ٹیم کو نقصان پہنچانے اور بدنام کرنی کی سازش ہے۔انہوں نے کہا کہ پاکستانی ٹیم اور کھلاڑی متحد ہیں، ڈریسنگ روم میں کسی بھی قسم کے اختلافات یا سیاست نہیں، ہار اور جیت کھیل کا حصہ ہے لیکن ہمیں اس طرح کی سازشی کہانیوں کو ختم کرنا چاہیے۔

(جاری ہے)

حفیظ نے کہا کہ میرے ٹی وی چینل کو دیے گئے انٹرویو کو سیاق و سباق سے ہٹ کر پیش کیا گیا۔’پریس ٹرسٹ آف انڈیا نے جو کچھ میرے نام سے لکھا ہے، انہیں وہ سب ثابت کرنا پڑے گا، میں یہ معاملہ پاکستان کرکٹ بورڈ کے علم میں لاوٴں گا کیونکہ یہ بہت شدید الزامات ہیں۔ہندوستانی ویب سائٹ لگی خبر میں پرئیس ٹرسٹ آف انڈیا کا حوالہ دیتے ہوئے گیا ہے کہ آل راوٴنڈر محمد حفیظ نے ورلڈ کپ میں شریک قومی ٹیم کو درپیش اندرونی مسائل کے حوالے سے ایک بحث چھیڑ دی ہے۔

ہندوستانی ویب سائٹ نے لکھا ہے کہ حفیظ کو جب سے ٹیم مینجمنٹ نے انجری کے باعث آسٹریلیا سے واپس پاکستان بھیجا ہے، وہ متعدد مواقوں پر میڈیا سے رابطہ کرتے رہے اور ہمیشہ ہی ان کے پاس کہنے کے لیے بہت کچھ ہوتا ہے جس سے اندازہ ہوتا ہے کہ چیف سلیکٹر معین خان اور ہیڈ کوچ وقار یونس ٹیم میں فیصلے کر رہے ہیں اور کپتان مصباح الحق کو فیصلے کرنے کا اختیار نہیں۔ویب سائٹ کے مطابق ذرائع نے بتایا کہ حفیظ کو کوچ وقار یونس کے ٹریینگ کے طریقہ کار پر اختلاف تھا اور وہ محسوس کرتے تھے کہ اس وجہ سے کھلاڑی میچ سے قبل تھک جاتے ہیں۔اس معاملے پر کوچ اور آل راوٴنڈر کے درمیان سڈنی میں تلخ گفتگو بھی ہوئی تھی۔