کوئٹہ آنے والی بجلی کی ٹرانسمیشن لائن کے 3 ٹاور اڑا دئیے گئے ،صوبے بھر میں لوڈشیڈنگ میں مزید اضافے کا امکان ہے‘کیسکوذرائع

اتوار 8 فروری 2015 09:53

نصیرآباد(اُردو پوائنٹ اخبارآن لائن۔ 8فروری۔2015ء) بلوچستان کے ضلع نصیر آباد میں تخریب کاروں نے کوئٹہ آنے والی بجلی کی ٹرانسمیشن لائن کے 3 ٹاور اڑا دئیے ،2 سرکٹ بند ہوجانے سے صوبے میں بجلی کا بحران دوبارہ سنگین ہوگیا۔

(جاری ہے)

پولیس کے مطابق ضلع نصیر آباد کے علاقے چھتر کے قریب نامعلوم افراد نے گدو سے کوئٹہٓ نے والی بجلی کی 220 کے وی ٹرانسمیشن لائن کے 3 ٹاورز کو دھماکا خیز مواد سے نقصان پہنچایا ، جس کے نتیجے میں اس ٹرانسمیشن لائن کے دونوں سرکٹ سے بجلی کی فراہمی بند ہوگئی۔

این ٹی ڈی سی ذرائع کے مطابق بلوچستان میں بجلی کی ضرورت 1650میگا واٹ ہے جبکہ ڈیڑھ سو سے دو سو میگاواٹ بجلی دستیاب ہونے سے بجلی کا بحران بڑھ گیا ہے۔دوسری جانب کیسکو ذرائع کا کہنا ہے کہ بجلی کی قلت کے باعث کوئٹہ سمیت صوبے بھر میں لوڈشیڈنگ میں مزید اضافے کا امکان ہے۔