امریکہ اور بھارت کے درمیان سول نیو کلیئر معاہدے خطے کیلئے خطرناک ہیں، خورشید شاہ،حکومت ..
تازہ ترین : 1

امریکہ اور بھارت کے درمیان سول نیو کلیئر معاہدے خطے کیلئے خطرناک ہیں، خورشید شاہ،حکومت خارجہ پالیسی تبدیل کرے ، تمام سیاسی جماعتوں سے مشاورت کرے،حکومت نے کشکول توڑنے کی بجائے بڑا کشکول تیار کر لیا ہے، اپوزیشن لیڈر کی میڈیا سے گفتگو

اسلام آباد (اُردو پوائنٹ اخبارآن لائن۔29جنوری۔2015ء)قومی اسمبلی میں اپوزیشن لیڈر خورشیدشاہ نے کہا ہے کہ امریکہ اور بھارت کے درمیان ہونے والے سول نیوکلیئر معاہدے خطے کے لئے خطرناک ہے ، امریکہ کی وجہ سے پاک ایران گیس پائپ لائن منصوبہ بند کر دیا ہے جبکہ حکومت کو چا ہیے کہ وہ ملک کی خارجہ پالیسی پر نظر ثانی کرے ۔ان خیالا ت کا اظہار انہوں نے میڈیا سے گفتگو کرتے ہوئے کیا ۔

خورشید شاہ نے کہا ہے کہ امریکہ خود بھارت کے ساتھ ایٹمی معاہدے کر رہا ہے اور ایسے معاہدے خطے کے لئے خطرناک ثابت ہوں گے ۔انہوں نے کہا کہ حکومت کو خارجہ پالیسی پر نظر ثانی کرنی چاہیے اور اس حوالے سے تمام سیاسی جماعتوں سے مشاورت کی جائے گی ۔انہوں نے کہا کہ امریکہ کی وجہ سے پاک ایران گیس پائپ لائن کو بند کر دیا گیا ہے ۔ان کا کہنا تھا کہ مسلم لیگ (ن) نے کشکول توڑنے کی بجائے بڑا کشکول تیار کر لیا ہے ۔ایک سوال کے جواب میں انہوں نے کہا کہ آڈیٹر جنرل کے رویے پر اٹارنی جنرل کو خط لکھ دیا ہے اور کہا ہے کہ آڈیٹر جنرل کی پوزیشن واضح کریں۔ایک سوال کے جواب میں انہوں نے کہا کہ سی ڈی اے کے افسران چیئرمین کو استعمال کرتے ہیں حکومت کو چاہیے سی ڈی اے کے نظام کو ٹھیک کرے ۔

وقت اشاعت : 29/01/2015 - 09:20:16

متعلقہ عنوان :

اپنی رائے کا اظہار کریں