پاکستان میں بعض دہشت گرد گروپ سرگرم ہیں‘ وائٹ ہاؤس،اپنے شہریوں کو انتہا پسندوں ..
تازہ ترین : 1
پاکستان میں بعض دہشت گرد گروپ سرگرم ہیں‘ وائٹ ہاؤس،اپنے شہریوں کو ..

پاکستان میں بعض دہشت گرد گروپ سرگرم ہیں‘ وائٹ ہاؤس،اپنے شہریوں کو انتہا پسندوں سے خطرات لاحق ہونے کے بعد پاکستان نے ان کے خلاف کارروائی کا آغاز کیا‘ امریکہ دہشتگردی کے خلاف جنگ میں بھارت کے ساتھ قریبی تعاون جاری رکھے گا۔ترجمان وائٹ ہاوس کی صحافیوں سے گفتگو

واشنگٹن(اُردو پوائنٹ اخبارآن لائن۔25جنوری۔2015ء)وائیٹ ہاؤس نے کہا ہے کہ پاکستان کے مختلف علاقوں میں متعدد دہشتگرد گروپ سرگرم ہیں۔ غیر ملکی خبر رساں ادارے کے مطابق وائیٹ ہاؤس کے ترجمان جوش ایرنسٹ نے صحافیوں کے ساتھ بات چیت کرتے ہوئے کہا کہ طویل عرصے سے امریکی انتظامیہ کو پاکستان کے مختلف علاقوں میں سرگرم ایسے دہشتگرد گروپوں کے بارے میں تشویش لاحق ہے جو کسی قسم کی سزا سے مبرا ہو کر امریکیوں کے خلاف حملوں کی منصوبہ بندی کر رہے ہیں۔

انہون نے کہا کہ اس حوالے سے پاکستانی حکام کیساتھ بھی اپنے خدشات اور ٹسویش کا اظہار کر چکی ہے انہوں نے کہا کہ اگرچہ پاکستانی فوج اب دہشتگردوں کے خلاف بڑے پیمانے پر آپریشن جاری رکھے ہوئے ہے تاہم پاکستان نے یہ اقدام اسوقت اٹھایا جب اسے اس حقیقت کا ادراک ہوا کہ انتہاپسند خود اپنے شہریوں کیلئے خطرہ بن گئے ہیں۔ انہوں نے کہا کہ امریکہ دہشتگردی کے خلاف جنگ میں بھارت کے ساتھ قریبی تعاون جاری رکھے گا۔

وقت اشاعت : 25/01/2015 - 05:20:32

اپنی رائے کا اظہار کریں