ہائی کورٹ راولپنڈی بنچ نے فو جی عدالت سے سزائے مو ت پا نے والے5سویلین (ملزمان) کی سزاؤں پر عملدرآمد روک دیا، پٹیشنر کو اس حوالے سے تمام ریکارڈ فراہم کیا جائے،وزارت دفاع کو ہدایت ، احسان ملزم احسان عظیم کی والدہ نے پٹیشن دائر کی تھی ، حکومت نے عدالت سے حکم امتناع حاصل کرنے والے سزائے موت کے 5 مجرموں کے خلاف اپیل دائر کردی،سندھ ہائیکورٹ نے بھی2ملزمان کی سزائے موت پر عملدرآمد رکوا دیا
راولپنڈی(اُردو پوائنٹ اخبارآن لائن۔23دسمبر۔2014ء) ہائی کورٹ راولپنڈی بنچ کے جسٹس ارشد تبسم نے فو جی عدالت سے سزائے مو ت پا نے والے احسان عظیم سمیت5سویلین (ملزمان) کی سزاؤں پر عملدرآمد روک دیا ہے اور وزارت دفاع کو ہد ایت کی ہے کہ پٹیشنر کو اس حوالے سے تمام ریکارڈ فراہم کیا جائے جبکہ عدالت کے احکامات فوجی عدالت سے سزائے موت پانے والے احسان عظیم کی والدہ ساجدہ پروین نے لئیق الرحمان کے ذریعے ہائی کورٹ میں دائر پٹیشن میں موقف اختیار کیا تھا کہ اس کا بیٹا احسان عظیم 25جولائی2013کو اپنے بھائی نعمان سمیت واہ کینٹ سے لاپتہ ہوا تاہم نعمان بعد ازاں گھر واپس آگیا تھا جبکہ احسان کا کیس لاپتہ افراد کے حوالے سے سپریم کورٹ میں بھی زیر سماعت تھا جہاں سے سپریم کورٹ نے تحقیقات کا حکم دیا تھا بعد ازاں معلوم ہوا کہ اسے فوجی عدالت سے موت کی سزا سنائی گئی ہے حالانکہ ہمیں آج تک نہ تو یہ پتہ چل سکا کہ اسے کس جرم میں اٹھایا گیا اس کے خلاف ٹرائل کب اور کن بنیادوں پر ہوا اور اب یہ بات سامنے آئی کہ اسے پھانسی دی جارہی ہے لہٰذا اس کی سزا پر عملدرآمد روک کر ہمیں تفصیلات سے آگاہ کیا جائے جس پر عدالت نے وازرت دفاع سے جواب طلب کیا تھا لیکن پیر کے روز جواب داخل نہ ہونے پر عدالت احسان عظیم سمیت پانچوں ملزمان کی سزاؤں پر عملدرآمد معطل کر دیا ہے جس کے باعث پانچوں ملزمان کو پیر کے روز دی جانے والی موت کی سزا روک دی گئی ہے ادھر عدالتی احکامات کے بعد وفاق کی جانب سے آ ئینی در خو است دائر کر دی گئی ہے جس کی سماعت آ ج(بروز منگل ) ہو گی وفاق کی جا نب سے اسسٹنٹ ایڈ وکیٹ جنر ل سا جد الیا س بھٹی نے ہا ئیکورٹ میں دائر درخو است میں مو قف اختیار کیا ہے کہ ہا ئی کورٹ نے فو جی عدالت سے سزائے مو ت پا نے والے احسان عظیم کی والدہ وپٹیشنرساجدہ پروین کی جس در خو است پر احسان عظیم سمیت پا نچ ملز ما ن کی سزا ئے موت پر عملدرآ مد روکا گیاہے اس میں پٹیشنر ساجدہ پر وین کی ہائی کورٹ پہلے ہی ایک در خو است نا قا بل سما عت قرار دے کر خارج کر چکی ہے جبکہ وفاق ایسے کسی بھی فیصلے میں مد اخلت نہیں کرتا جس فو جی عدالت نے فیصلہ سنا یا ہو وفاق کی اس در خو است پر آ ج منگل کے روز سما عت ہو گی یاد رہے کہ احسان عظیم کے ساتھ عمر ندیم ،آصف ادریس، کامران اسلم اور عامر یوسف پر مشتمل 5ملزمان کو فوجی تنصیبات اور فوجی و پولیس افسران پر حملوں کے الزام میں فوجی عدالت نے موت کی سزا سنائی تھی جو ان دنوں کوٹ لکھپت جیل لاہور میں ہیں اور ان کی سزا پر آج عملدرآمد ہونا تھا ۔
(جاری ہے)
مزید متعلقہ خبریں پڑھئیے :
متعلقہ عنوان :
