ایم کیو ایم کے بے گناہ کارکنان کو ماورائے عدالت قتل کیا جارہا ہے ، الطاف حسین ،تحریک انصاف کے کارکن کی شہادت پر ملک بھر میں احتجاج ہوا تو کسی نے فتویٰ جاری نہیں لیکن ہم کارکنان کی ہلاکت پر احتجاج کریں تو ہمیں دہشت گرد قرار دیا جاتا ہے،متحدہ قومی موومنٹ سندھی عوام کے ساتھ ہے ،ہمیں مار مار کر آزمائش کرتے رہو مگر ہم پھر بھی بھارت واپس نہیں جائیں گے، ایم کیو ایم کے یوم شہداء کی تقریب سے ٹیلی فونک خطاب
کراچی(اُردو پوائنٹ اخبارآن لائن۔10دسمبر۔2014ء ) ایم کیو ایم کے قائد الطاف حسین نے کہا ہے کہ فیصل آباد میں تحریک انصاف کے کارکن کی شہادت پر ملک بھر میں احتجاج کیا گیا جس پر کسی نے فتویٰ جاری نہیں کیا لیکن ایم کیو ایم کے کارکنان کی ہلاکت پر احتجاج ہو تو ہمیں دہشت گرد قرار دیا جاتا ہے۔کراچی میں ایم کیو ایم کے”یوم شہدا“ کی تقریب سے ٹیلی فونک خطاب کر تے ہوئے الطاف حسین نے کہا کہ موت کی تکلیف ایک جیسی ہوتی ہے اور مذہب کوئی بھی ہو، خون کا رنگ سب کا ایک ہی ہوتا ہے، کل فیصل آباد میں تحریک انصاف کے کارکن کی شہادت پر ملک بھر میں احتجاج کیا گیا جس پر کسی نے فتویٰ جاری نہیں کیا لیکن ایم کیو ایم کے کارکنان کی ہلاکت پر احتجاج ہو تو ہمیں دہشت گرد قرار دیا جاتا ہے، 65 سال میں بھی ہمیں پاکستانی نہیں سمجھا گیا اور جب میں اس کی بات کروں تو مجھ پر تعصب کا الزام لگایا جاتا ہے، فرزند زمین کی غلطی معاف کی جاتی ہے لیکن پاکستان بنانے والے پاکستانی نہیں سمجھے جاتے، کیا پاکستان کی تیسری بڑی جماعت کا کوئی حق نہیں جب کہ سرکاری ٹی وی کسی بھی دور میں ہماری ایک فیصد بھی خبر نشر نہیں کرتا کیونکہ شاید ان کی نظر میں ہم پاکستانی نہیں ہیں۔
(جاری ہے)
مزید متعلقہ خبریں پڑھئیے :
