سپریم کورٹ نے مستقل چیف الیکشن کمشنر کی تقرری کیلئے حکومت کو 8دسمبر تک مہلت دے دی ،مہلت تک تقرری نہ ہوئی تو وزیراعظم اور قائد حزب اختلاف کیخلاف کارروائی کی جائے گی، چیف جسٹس ناصرالملک کے ریما رکس
اسلام آباد(اُردو پوائنٹ اخبارآن لائن۔3دسمبر۔2014ء)سپریم کورٹ نے مستقل چیف الیکشن کمشنر کی تقرری کیلئے حکومت کو 8دسمبر تک مہلت دیتے ہوئے واضح کیا ہے کہ اگر تقرری نہ ہوئی تو سپریم کورٹ ایکشن لے گی اور وزیراعظم اور قائد حزب اختلاف کیخلاف کارروائی کی جائے گی۔ یہ حکم چیف جسٹس ناصرالملک کی سربراہی میں تین رکنی بنچ نے منگل کے روز اٹارنی جنرل آف پاکستان سلمان اسلم بٹ کی جانب سے کی گئی استدعاء پر جاری کیا ہے جس میں انہوں نے عدالت کو بتایا ہے کہ وزیراعظم اور قائد حزب اختلاف خورشید شاہ کے درمیان ملاقات ہوئی ہے اور چیف الیکشن کمشنر کی تقرری کیلئے سنجیدہ کوششیں کی جارہی ہیں‘ یقین دلاتے ہیں کہ اگر 5 دسمبر تک وقت دے دیں تو مستقل چیف الیکشن کمشنر کا تقرر کردیا جائے گا اس پر سپریم کورٹ نے ان کی استدعاء منظور کرلی اور خبردار کیا ہے کہ 8 دسمبر تک ہم آپ کو وقت دے رہے ہیں اس وقت تک تقرری یقینی بنائی جائے۔
(جاری ہے)
مزید متعلقہ خبریں پڑھئیے :
