سنگین غداری کیس میں شوکت عزیز سمیت پوری کابینہ کو مرکزی ملزم بنایا جائے، پرویز مشرف کو بری کیا جائے۔ بیرسٹر فروغ نسیم کے دلائل،عدالت کاوقت ختم ہونے کی وجہ سے مزیدسماعت آج تک کے لیے ملتوی، فروغ نسیم آج بھی دلائل جاری ر کھیں گے
اسلام آباد(اُردو پوائنٹ اخبار آن لائن۔15اکتوبر۔2014ء )سابق صدر پرویز مشرف کے وکیل بیرسٹر فروغ نسیم نے دلائل میں موقف اختیار کیاہے کہ سنگین غداری کیس میں شوکت عزیز سمیت پوری کابینہ کو مرکزی ملزم بنایا جائے اور پرویز مشرف کو بری کیا جائے۔جسٹس فیصل عرب کی سربراہی میں تین رکنی خصوصی عدالت میں دلائل دیتے ہوئے سابق صدر کے وکیل بیرسٹر فروغ نسیم نے کہا اگر کوئی کہتا ہے کہ ایمرجنسی کا اقدام پرویز مشرف نے بطور جنرل کیا تو پھر یہ فوج کا اقدام ہوا جبکہ 6 نومبر کو اس وقت کے وزیراعظم شوکت عزیز کی سربراہی میں کابینہ نے ایمرجنسی کی توثیق کی اور 7 نومبر 2007 کو وزیرپارلیمانی امور شیرافگن نیازی نے قرارداد پیش کی، قومی اسمبلی نے ایمرجنسی کے اعلامیہ کی توثیق کی اس کا مطلب ہے کہ یہ قومی اسمبلی کا اقدام ہے اس لیے توثیق کرنے پر کابینہ ارکان مرکزی ملزم بنتے ہیں کیونکہ پرویز مشرف نہ تو کابینہ کے رکن تھے اور نہ ہی اس اجلاس میں شامل تھے لہٰذا اس کیس میں شوکت عزیز سمیت پوری کابینہ کو مزکری ملزم بنایا جائے اور پرویز مشرف کو رہا کیا جائے۔
(جاری ہے)
مزید متعلقہ خبریں پڑھئیے :
متعلقہ عنوان :
