طاقت ور لوگوں کی شوگر ملیں بچانے کیلئے غریبوں کا بیڑہ غرق کردیا گیا ،عمران خان،بند توڑ کر لاکھوں لوگوں کو بے گھر کرنے کے ساتھ ساتھ ان کو فصلوں اور مال مویشیوں سے بھی محروم کردیا، ایک شوگر مل مالک کو فائدہ پہنچانے کیلئے ڈھائی ارب روپے کی لاگت سے پل بنایا گیا اگر یہ رقم ان غریبوں پر خرچ کی جاتی تو اس علاقے کے غریب لوگ سیلاب کی نذر نہ ہوتے، بڑے بڑے لٹیرے عوام کا خون چوس رہے ہیں مگر یہ اپنے منطقی انجام کو جلد پہنچنے والے ہیں، جھنگ میں سیلاب زدگان ،دھرنے سے خطاب
جھنگ /فیصل آباد(اُردو پوائنٹ اخبار آن لائن۔16ستمبر۔2014ء)پاکستان تحریک انصاف کے چیئرمین عمران خان نے کہا ہے کہ طاقت ور لوگوں کی شوگر ملیں بچانے کیلئے غریبوں کا بیڑہ غرق کردیا گیا ہے ، بند توڑ کر لاکھوں لوگوں کو بے گھر کرنے کے ساتھ ساتھ ان کو فصلوں اور مال مویشیوں سے بھی محروم کردیا ۔ جھنگ میں سیلاب زدگان سے خطاب کرتے ہوئے انہوں نے کہا کہ ایک شوگر مل مالک کو فائدہ پہنچانے کیلئے ڈھائی ارب روپے کی لاگت سے پل بنایا گیا اگر یہ رقم ان غریبوں پر خرچ کی جاتی تو اس علاقے کے غریب لوگ سیلاب کی نظر نہ ہوتے یہ بڑے بڑے لٹیرے عوام کا خون چوس رہے ہیں مگر یہ اپنے منطقی انجام کو جلد پہنچنے والے ہیں ۔
عمران خان نے کہا کہ گزشتہ رات راولپنڈی اسلام آباد پولیس سے ایسے افراد کو بھی چھڑایا جو پڑھے لکھے اور ڈاکٹر تھے اور وہ میرے جلسے میں تقریر سننے آئے تھے انہوں نے کہا کہ حکومت کا بہت جلد خاتمہ ہونے والا ہے اس لئے پولیس افسران اور انتظامیہ ہمارے کارکنوں کے ساتھ غنڈہ گردی بند کرے انہوں نے سی پی او فیصل آباد ڈاکٹر سہیل تاجک اور ڈی سی او فیصل آباد نور الامین مینگل کو متنبہ کرتے ہوئے کہا کہ وہ اپنے اوچھے ہتھکنڈوں سے باز آجائے اور ہمارے کارکنوں کی گرفتاریاں اور ان پر تشدد فوری طور پر بند کیا جائے ۔(جاری ہے)
بعد ازاں پاکستان تحریک انصاف کے چیئرمین عمران خان نے کہاہے کہ دھرنے سے ظلم کی زنجیریں ٹوٹ رہی ہیں ،نوازشریف عنقریب میچ ہارنے والے ہیں ،نوازشریف وہ حرکتیں کررہے ہیں جوکوئی کپتان ہارتے وقت کرتاہے ،دھرنے میں شرکت کرنے والوں کوگرفتارکیاگیا،چیف جسٹس سے درخواست کرتاہوں کہ قوم انصاف کے لئے آپ کی طرف دیکھ رہی ہے ۔ان خیالات کااظہارانہوں نے اسلام آبادمیں آزادی دھرنے کے شرکاء سے خطاب کرتے ہوئے کیا۔
انہوں نے کہاکہ پرامن احتجاج ہماراجمہوری حق ہے ،ہماری لوگ پرامن ہیں ،گارنٹی دیتاہوں کہ کوئی قانون کی خلاف ورزی نہیں ہوگی ،لیکن نوازشریف کے استعفے بغیرنہیں جائیں گے ۔انہوں نے کہاکہ اسمبلی میں بھی کہہ چکاہوں کہ الیکشن صاف وشفاف نہیں ہوئے ،مینڈیٹ کوچورایاگیا۔انہوں نے کہاکہ دھرنے کے شرکاء پرامن ہیں ،حکومت نے تیس ہزارپولیس اہلکارتعینات کررکھے ہیں ،نوازشریف میرے گھرایک لاکھ پولیس اہلکاربجھوادوڈروں گانہیں ،حکمران لوگوں کوغلام رکھناچاہتے ہیں ،چھوٹے صوبوں کے حق مارے جارہے ہیں ،میں بلدیاتی انتخابات ہونی چاہئیں ،پانچ سال میں کسی نے بلدیاتی انتخابات نہیں کرائے ،قوم کے مجرم نوازشریف کے استعفے کے بغیرنہیں جائیں گے ۔نوازشریف تیارہوجاوٴجمعہ کوکال دے رہاہوں ،پولیس تھک جائے گی ،عوام نہیں تھکیں گے ۔جمعہ کوتمام ریکارڈتوڑدیں گے ،ہفتے کوسونامی روکنے کیلئے پولیس بلائی گئی اورہراساں کیاگیا۔مزید متعلقہ خبریں پڑھئیے :
