کراچی، آئی پی پیز کے واجبات 230 ارب روپے سے زائد تک پہنچ گئے، ادائیگی نہ ہونے کی وجہ سے آئی پی پیز مخمصے کا شکار

پیر 15 ستمبر 2014 09:49

کراچی( اُردو پوائنٹ اخبارآن لائن۔15ستمبر۔2014ء)انڈیپنڈنٹ پاور پروڈیوسرز(آئی پی پیز) کے واجبات 230 ارب روپے سے زائد تک پہنچ گئے ہیں اور ادائیگی نہ ہونے کی وجہ سے آئی پی پیز مخمصے کا شکار ہیں کہ بجلی کی فراہمی کو کیسے یقینی بنایا جائے کیونکہ 3 ستمبر 2014 تک کے ان واجبات کے باعث آئی پی پیز کو آپریشن کو جاری رکھنے اور قرضوں کی ادائیگی میں شدید مشکلات درپیش ہیں۔

اس ضمن میں ایک خط کے ذریعے جو 22 آئی پی پیز کے دستخطوں سے وزیر خزانہ اسحق ڈار کو بھیجا گیا ہے اس میں ان سے مطالبہ کیا گیا ہے کہ آئی پی پیز کو مکمل تباہی سے بچایا جائے،خط میں کہا گیا ہے کہ ان کے تمام تر وسائل قرضوں کی مد میں ختم ہوچکے ہیں جس سے ان کے شیئر ہولڈرز کو بھی نقصان ہوا ہے، اگر پاور پرچیز ایگریمنٹ کے تحت باقاعدہ ادائیگیاں کی جاتی ہیں تو آئی پی پیز کو ورکنگ کیپیٹل کی ضرورت نہیں ہے، خط میں اس امر پر بھی افسوس کا اظہار کیا گیا ہے کہ کیپیسٹی ادائیگیوں کو بھی روک لیا گیا ہے جو طویل اور مختصر مدت کے پراجیکٹ کے قرضوں، انشورنس ادائیگیوں اور عملے کی تنخواہوں کی ادائیگیوں کیلئے ضروری ہیں، سی سی پی کی مجموعی ادائیگیاں 54.138 ارب روپے ہوگئی ہیں، اس میں سے 27.945 ارب روپے 90 دن سے بھی زائد عرصے سے ادا نہیں کئے گئے۔

(جاری ہے)

ط میں یہ بات بھی واشگاف کی گئی ہے کہ 50.6 ارب روپے شرح سود کی مد میں ہیں جو پاور پرچیزر کی ادائیگی میں تاخیر کی وجہ سے جمع ہوئے ہیں۔ ماہرین کی رائے ہے کہ یہ غیر ضروری ادائیگی ذمہ نہیں پڑتی اگر پاور پرچیزر بروقت ادائیگیاں کرتا رہتا۔ خط میں کہا گیا ہے کہ 231.558 ارب روپے کی مجموعی ادائیگیوں میں سے زیادہ تر 131.308ارب روپے حبکو اور کیپکو کی ادائیگی کے ضمن میں ہے۔

خط میں وزیر خزانہ پر زور دیا گیا ہے کہ وہ آئی پی پیز کو درپیش صورتحال کا نوٹس لیں۔ اس خط پر جن 22 آئی پی پیز نے دستخط کئے ہیں ان میں حبکو ، کیپکو، اے ای ایس لال پیر، اے ای ایس پاک جین، کے ای ایل، لبرٹی(گیس)، یو سی ایچ، روش، فوجی، حبیب اللہ، اے جی ایل پاور، حبکو ناروال، اٹلس پاور، نشاط پاور، نشاط چونیاں، لبرٹی ٹیک، اورینٹ پاور، سیف پاور، سیفائر پاور، ہالمور پاور، یوسی ایچ II پاور اور اینگرو پاور شامل ہیں۔ خط کے مطابق واجب الادا رقم میں صباء پاور، فاؤنڈیشن پاور اور نیو بونگ ہائیڈرو پاور کے واجبات شامل نہیں ہیں۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں

جمعہ 19 اپریل 2024 - 23:49

وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس

جمعہ 19 اپریل 2024 - 22:11

لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان

جمعہ 19 اپریل 2024 - 21:27

لانڈھی دھماکے کا زخمی دم توڑ گیا، دوسرا وینٹی لیٹر پر منتقل

جمعہ 19 اپریل 2024 - 21:27

چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت

جمعہ 19 اپریل 2024 - 20:46

افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا

جمعہ 19 اپریل 2024 - 20:41

کراچی، آئی پی پیز کے واجبات 230 ارب روپے سے زائد تک پہنچ گئے، ادائیگی نہ ہونے کی وجہ سے آئی پی پیز مخمصے کا شکار

مزید متعلقہ خبریں پڑھئیے‎ :

متعلقہ عنوان :

پیر 15 ستمبر 2014 کی مزید خبریں