پاکستان ہر قسم کی دہشت گردی کے خلاف جنگ کیلئے پرعزم ہے، دفتر خارجہ، پاک فوج دہشت گردوں کے خاتمے کے لئے بھرپور کارروائیاں کر رہی، پاک بھارت سیکرٹری خارجہ سطح کی ملاقات کیلئے تاحال کوئی نئی تاریخ طے ہو ئی نہ وزراء اعظم کی ملاقات کا فیصلہ ہوا ہے، لانگ مارچ، سیاسی صورت حال پاکستان کا اندرونی معاملہ ہے، دوسرے ممالک کو تشویش کی ضرورت نہیں ہے، بیرون ممالک کے سفارت خانے بند ہونے کی خبریں بے بنیاد ہیں ، چینی صدر کے دورے پر توانائی اور معاشی تعاون کے معاہدے ہوں گے،ایران پر پابندیوں سے معاملات حل نہیں ہوں گے،لیبیا میں پھنسے پاکستانیوں کی واپسی کیلئے اقدامات کئے جارہے ہی،ترجمان تسنیم اختر کی ہفتہ وار بریفنگ
اسلام آباد(اُردو پوائنٹ اخبار آن لائن۔5ستمبر۔2014ء) دفتر خارجہ نے کہا ہے کہ پاکستان دہشت گردی کے خلاف جنگ کے لئے پر عزم ہے، پاک فوج دہشت گردوں کے خاتمے کے لئے بھرپور کارروائیاں کر رہی ، پاک بھارت سیکرٹری خارجہ سطح کی ملاقات کیلئے تاحال کوئی نئی تاریخ طے ہو ئی نہ جنرل اسمبلی کے موقع پر وزراء اعظم کی ملاقات کا فیصلہ ہوا ہے ،بھارت کو موقف سے آگاہ کردیا گیا ہے ، لانگ مارچ، سیاسی صورت حال پاکستان کا اندرونی معاملہ ہے، دوسرے ممالک کو تشویش کی ضرورت نہیں ہے، بیرون ممالک کے سفارت خانے بند ہونے کی خبریں بے بنیاد ہیں ، چین دیرینہ دوست ملک ہے ، چینی صدر کے دورے پر توانائی اور معاشی تعاون کے معاہدے ہوں گے،ایران کیخلاف پابندیوں سے معاملات حل نہیں ہوں گے۔
ان خیالات کا اظہار ترجمان دفتر خارجہ تسنیم اسلم نے جمعرات کو اسلام آباد میں صحافیوں سے ہفتہ وار بریفنگ کے د ور ان کیا ۔(جاری ہے)
ترجمان دفتر خارجہ کا کہنا تھا کہ پاکستان ہر قسم کی دہشت گردی کے خلاف جنگ کے لئے تیار ہے اور پاک فوج دہشت گردوں کے خاتمے کے لئے بھرپور کارروائیاں کر رہی ہے۔ ان کا کہنا تھا کہ پاک بھارتی سیکرٹری خارجہ سطح کی ملاقات کے لئے تاحال کوئی نئی تاریخ طے نہیں پائی ہے تاہم بھارت کو مذاکرات کے حوالے سے پاکستان کے موقف سے آ گاہ کر دیا ہے۔
اقوام متحدہ کی جنرل اسمبلی کے اجلاس کے موقع پر پاک بھارت وزرائے اعظم کی ملاقات کے حوالے سے تاحال کوئی فیصلہ نہیں ہوا ہے۔ترجمان دفتر خارجہ کا کہنا تھا کہ لانگ مارچ، سیاسی صورت حال پاکستان کا اندرونی معاملہ ہے، دوسرے ممالک کو اس حوالے سے تشویش کی ضرورت نہیں ہے۔چین اور پاکستان ایک دوسرے کے دیرینہ دوست ہیں، چین کے صدر کے دورے کا باضابطہ اعلان نہیں کیا، تاریخ کا اعلان باہمی مشاورت سے کیا جائے گا، چینی صدر کے دورے پر توانائی اور معاشی تعاون کے معاہدے ہوں گے۔
انھوں نے کہا کہ پاک ایران گیس پائپ لائن منصوبے منصوبے پر پیش رفت کے لئے دونوں ممالک کے درمیان بات چیت جاری ہے۔ ایران کے جوہری پروگرام کے حوالے سے ایران پر لگنے والی پابندیوں کے حوالے سے ترجمان دفتر خارجہ کہا کہنا تھا کہ پاکستان کا اس حوالے سے واضح موقف ہے کہ معاملات پابندیوں سے حل نہیں ہوں گے، امید ہے کہ ایران اور مغربی ممالک معاملات کے حل کے لئے مذاکرات کو ترجیح دیں گے۔تسنیم اسلم کا کہنا تھا اسلام آباد میں بیرون ممالک کے سفارت خانے بند ہونے کے حوالے سے میڈیا پر چلنے والی خبریں بے بنیاد ہیں، میڈیا کو اس قسم کی خبروں سے احتیاط سے کام لینا چاہیئے۔ ان کا کہنا تھا کہ سری لنکن صدر مہندا راجہ پاکسے کا دورہ موجودہ سیاسی صورت حال کے باعث پاکستان کی درخواست پر موخر کر دیا ہے۔ لیبیا میں پھنسے پاکستانیوں کے حوالے سے ترجمان دفتر خارجہ کا کہنا تھا کہ آج بھی ایک اسپشل فلائٹ 260 مسافروں کو لے کر لاہور پہنچی ہے، 3 ہزار پاکستانی اب بھی لیبیا میں پاکستانی سفارت خانے کے تحت کیمپس میں موجود ہیں جنھیں وزیراعظم پاکستان کی ہدایت پر واپس لانے کے لئے اقدامات کئے جا رہے ہیں۔مزید متعلقہ خبریں پڑھئیے :
