بھارتی سیاستدانوں کی بلاجوازتنقید اورناروا سلوک پر ثانیہ مرزا رو پڑیں، اس طرح کسی ملک میں نہیں ہوتا جیسا بھارتی سیاستدانوں نے میرے ساتھ کیا، ٹینس سٹار کا ٹی وی انٹرویو

ہفتہ 26 جولائی 2014 06:01

نئی دہلی(اُردو پوائنٹ اخبار آن لائن۔26جولائی۔2014ء) بھارت کی بیٹی اور پاکستان کی بہو ثانیہ مرزا کو ریاست تلنگانہ کا برانڈ ایمبیسیڈر بنانے پر بھارتی سیاست دانوں کی جانب سے بلا جواز تنقید اور ناروا سلوک پر ٹینس اسٹار روپڑیں۔

(جاری ہے)

بھارت کی انتہا پسند حکمران جماعت بی جے پی کی جانب سے ٹینس اسٹار ثانیہ مرزا کو ریاست تلنگانہ کا برانڈ ایمبیسیڈر مقرر کرنے پر تنقید کے بعد بھارتی ٹیلی ویڑن کو انٹرویو دیتے ہوئے ٹینس اسٹار کا کہنا تھا کہ اس طرح کسی ملک میں نہیں ہوتا جیسا بھارتی سیاست دانوں نے میرے ساتھ کیا اورمیں اس پر بہت افسردہ ہوں۔

انہوں نے کہا کہ صرف اس بات کو جواز بنا کر تنقید کرنا کہ میں نے کسی دوسرے ملک میں شادی کی ہے یہ سراسر ناانصافی ہے میں آج بھی ایک محبت وطن بھارتی شہری ہوں اور ہمیشہ رہوں گی۔انٹرویو کے دوران ثانیہ مرزا اپنے ساتھ ہونے والے ناروا سلوک اور بلاجواز تنقید کے باعث اپنے جذبات پر قابو نہ رکھ سکیں اور بے اختیار ان کی آنکھوں سے آنسونکل پڑے۔

متعلقہ عنوان :