پشاور ‘ طیارہ فائرنگ کیس کا دوسرا ملز م کمانڈر ولی اللہ سلیمان خیل سے گرفتار،تفتیش کیلئے نامعلوم مقام پر منتقل ،کمانڈر ولی اللہ بڈھ بیر مسجد حملہ کیس سمیت دیگر اہم بڑی وارداتوں میں مطلوب تھا

جمعہ 4 جولائی 2014 07:02

پشاور(اُردو پوائنٹ اخبار آن لائن۔4جولائی۔2014ء) پشاور طیارہ فائرنگ کیس کا اہم ملز م کالعدم تحریک طالبان کا اہم کمانڈر ولی اللہ سلیمان خیل سے گرفتار کرلیا گیا ، کالعدم تحریک طالبان گروپ شاہد کا اہم کمانڈر ولی اللہ بڈھ بیر مسجد حملہ کیس سمیت دیگر اہم بڑی وارداتوں میں مطلوب تھا۔

(جاری ہے)

جمعرات کے روز پشاور کے نواحی علاقے سلیمان خیل میں سکیورٹی فورسز نے سرچ آپریشن کے دوران پشاور طیارہ فائرنگ کیس کے دوسرے ملز م کالعدم تحریک طالبان شاہد گروپ کے اہم کمانڈر ولی اللہ کو گرفتار کرلیا جبکہ ولی اللہ بڈھ بیر میں مسجد پر دستی بم حملے میں بھی ملوث تھا اور دیگر پانچ بڑے مقدمات بھی ولی اللہ کیخلاف دیگر تھانوں میں درج تھے۔

ولی اللہ کو سکیورٹی فورسز نے حراست میں لے کر تفتیش کیلئے نامعلوم مقام پر منتقل کردیا ہے جبکہ دیگر درجنوں مشتبہ افراد کو بھی حراست میں لیا گیا جن سے پوچھ گچھ کا عمل جاری ہے۔

متعلقہ عنوان :