عنقریب یوم انقلاب کا اعلان کرنے والا ہوں،انقلاب کو سونامی کی کوئی ضرورت نہیں،ڈاکٹر طاہرالقادری،حکومت چند روز کی مہمان ہے،100کھرب سونے کی کان پر چور کو رکھوالا بٹھا دیا ہے،دہشتگرد حکمرانوں کے نوکروں کی وردیاں نوچ لیں گے،لاہور میں پریس کانفرنس سے خطاب
لاہور(اُردو پوائنٹ اخبار آن لائن۔4جولائی۔2014ء)پاکستان عوامی تحریک کے سربراہ ڈاکٹر طاہرالقادری نے کہا ہے کہ عنقریب یوم انقلاب کا اعلان کرنے والا ہوں،انقلاب کو سونامی کی کوئی ضرورت نہیں،حکومت چند روز کی مہمان ہے،100کھرب سونے کی کان پر چور کو رکھوالا بٹھا دیا ہے،دہشتگرد حکمرانوں کے نوکروں کی وردیاں نوچ لیں گے۔لاہور میں پریس کانفرنس کرتے ہوئے انہوں نے کہا کہ عنقریب یوم انقلاب کا اعلان کرنے والا ہوں،ہمارا انقلاب سالوں اور مہینوں پر مشتمل نہیں ہوگا صرف15روز میں فیصلہ ہوجائے گا،ہمارے انقلاب کو کسی سونامی کی ضرورت نہیں،خدا کرے کہ سونامی اور انقلاب کسی ایک پوائنٹ پر ملیں،ہمارے انقلاب کو صرف اللہ اور عوام کی طاقت پر بھروسہ ہے،عوام قاتل حکمرانوں کو سڑکوں پر گھسیٹیں گے،انہوں نے کہا کہ انقلاب اس قوم کے ساتھ میری کمٹمنٹ ہے جو لوگ کہتے ہیں کہ انقلاب پیک ہوگیا ہے وہ اپنی زبانیں بند کریں،انہوں نے کہا کہ حکومت چند روز کی مہمان ہے ملک دشمن اور جمہوریت کش حکمرانوں کا جلد خاتمہ ہوگا۔
(جاری ہے)
مزید متعلقہ خبریں پڑھئیے :
متعلقہ عنوان :
