39کھرب 45ارب روپے کا بجٹ پیش ، خسارے کا تخمینہ 1422 ارب روپے رکھا گیا،سرکاری ملازمین کی تنخواہوں میں 10فیصد ایڈہاک ریلیف اور پنشن میں10فیصد اضافے ، مزدور کی کم سے کم اجرت 10 ہزار سے بڑھا کر 12 ہزار اور کم از کم پنشن 5 ہزار روپے سے بڑھا کر 6 ہزار کر نے کااعلان ، گریڈ1 سے 15تک فکس میڈیکل الاؤنس حاصل کرنیوالے ملازمین کے الاؤنس میں دس فیصد اضافہ،سیلز ٹیکس اور فیڈرل ایکسائز ٹیکسوں کی مد میں کوئی نیا ٹیکس نہیں لگایا جارہا تاہم ٹیکس ریٹرن نہ جمع کروانے والوں پر گاڑی کی رجسٹریشن اور بنک سے رقم نکلوانے پر اضافی ٹیکس لاگو ہوگا، دفاع کیلئے 700 ارب روپے رکھے گئے ہیں ، وفاقی وزیر خزانہ
بدھ 4 جون 2014 06:59
اسلام آباد (اُردو پوائنٹ اخبار آن لائن۔4جون۔2014ء)وفاقی حکومت نے 39کھرب 45ارب روپے کے آئندہ مالی سال 2013-14کیلئے بجٹ پیش کرتے ہوئے سرکاری ملازمین کی تنخواہوں میں 10فیصد ایڈہاک ریلیف اور پنشن میں10فیصد اضافے ، مزدور کی کم سے کم اجرت 10 ہزار سے بڑھا کر 12 ہزار اور کم از کم پنشن 5 ہزار روپے سے بڑھا کر 6 ہزار کر نے کااعلان کیا ہے ، اگلے مالی سال کے وفاقی بجٹ میں گریڈ1 سے 15تک کے ملازمین کو ماہانہ ایک ہزار روپے فکس میڈیکل الاؤنس حاصل کرنیوالے ملازمین کے الاؤنس میں دس فیصد اضافہ کیا جائیگا ،بجٹ خسارے کا تخمینہ 1422 ارب روپے رکھا گیا ہے ،صوبوں کو 1720 ارب روپے فراہم کئے جائیں گے جس کے بعد وفاق کے پاس 2کھرب 25 ارب روپے کے فنڈز ہوں گے ،کارپوریٹ ٹیکس 34 فیصد سے کم کرکے 33 فیصد کم کرنے کی تجویز ہے ،آئندہ سال بجلی اور گیس کے تجارتی و صنعتی کنکشن حاصل کرنے کے لیے نیشنل ٹیکس نمبر ہونا لازمی ہو گا ، ٹیلی فون سروسز پر ودہولڈنگ انکم ٹیکس کی شرح 15 فیصد سے کم کرکے 14 فیصد کرنے کا فیصلہ ، اسٹیٹ بینک کے ذریعے برآمدی قرضے پر مارک اپ کی شرح کو 9.4 فیصد سے کم کرکے 7.5 پانچ کیاجائیگا ،بجٹ میں کراچی لاہورموٹروے کیلئے رواں مالی سال 25ارب رکھے گئے ،دیامر بھاشا ڈیم کیلئے 15 ارب روپے مختص کئے گئے ، ٹیکس ریٹرن جمع نہ کرانیوالوں کے منافع اورحصص کی آمدن پر5فیصداضافی ٹیکس عائدکیا جائیگاجبکہ وفاقی وزیر خزانہ اسحاق ڈار نے کہا ہے کہ وزیراعظم کے مشکل فیصلوں سے ملکی معیشت کی سمت درست ہوچکی ہے،روشنی کایہ سفرجاری رہے گا ،ہمیں مستقل مزاجی کے ساتھ مزید آگے بڑھنا ہوگا، امید ہے پارلیمنٹ کے دونوں جانب سے اس حوالے سے ہماری رہنمائی کی جائیگی ،سیلز ٹیکس اور فیڈرل ایکسائز ٹیکسوں کی مد میں کوئی نیا ٹیکس نہیں لگایا جارہا تاہم ٹیکس ریٹرن نہ جمع کروانے والوں پر گاڑی کی رجسٹریشن اور بنک سے رقم نکلوانے پر اضافی ٹیکس لاگو ہوگابجٹ دستاویز میں دفاع کے لیے 700 ارب روپے رکھے گئے ہیں ، نئے بجٹ میں کسی بھی قسم کا سیلز ٹیکس یا فیڈرل ایکسائز ڈیوٹی نہیں بڑھائی جا رہی ہے۔
(جاری ہے)
بجلی کی ترسیل وتقسیم کے نظام کو بہتربنایا جائیگا، میں ان اقدامات کی تفصیل ترقیاتی منصوبوں کے ضمن میں بیان کرونگا۔برآمدات میں اضافہ :۔ ہمارے سامنے درپیش ایک بڑا چیلنج برآمدات میں اضافے کے ذریعے ادائیگیوں کے توازن کی صورتحال کو مستقل بنیادوں پر بہتر بنانا ہے ، 2000-2001 سے ہماری برآمدات میں اضافے کی شرح آٹھ فیصد رہی ہے جبکہ درآمدات میں تیرہ فیصد کے حساب سے اضافہ ہوا ہے ، اس صورتحال نے تجارتی توازن کو بری طرح متاثر کیا ہے اسی عرصے میں ایکسپورٹ ٹو جی ڈی پی ریشو13 فیصد سے کم ہو کر دس فیصد ہوگئی ہے جبکہ امپورٹ تو جی ڈی پی ریشو 15 فیصد سے بڑھ کر 19 فیصد ہوگئی، تجارتی عدم توازن کی اس صورتحال کو بڑی حد تک بیرون ملک سے ترسیلات زر میں اضافے نے سہارا دیا جو کہ اس عرصے میں پچیس فیصد تک بڑھی ہیں اور نتیجتا ہمارا کرنٹ اکاؤنٹ اس عرصے میں بڑی حد تک مستحکم رہا ہے چنانچہ یہ باعث حیرت نہیں ہے کہ اس عرصے کے دوران ملک کا تجارتی توازن مسلسل خراب ہو رہا ہے اور اس نے ہماری برآمدات کے شعبے میں مسابقت کو بری طرح متاثر کیا ہے یہ کوئی خوش کن صورتحال نہیں ہے برآمدات کی دگرگوں صورتحال سے پیدہ شدہ تجارتی عدم توازن ہمارے اقتصادی پوٹینشل سے مطابقت نہیں رکھتا ہمیں ہر حال میں کم ہوتے ہوئے ایکسپورٹ ٹو جی ڈی پی ریشو کے رجحان کو بہتر بنانا ہے اور اس کیلئے ہمیں اپنی توانائیاں صنعت اور زراعت کے شعبے پر مرکوز کرتے ہوئے برآمدات میں اضافہ کرنا ہے اس مقصد کیلئے اس بجٹ میں بہت سے بنیادی اقدامات کا اعلان کیا جارہا ہے۔نئے روزگار کے مواقع کی فراہمی:۔ نوجوان مردوں اور عورتوں کی بڑھتی ہوئی تعداد کی ضروریات کو پورا کرنے کیلئے ہمیں روزگار کے نئے مواقع پیدا کرنے کی اشد ضرورت ہے جیسا کہ میں نے پہلے عرض کیا کہ اس مقصد کیلئے بنیادی کر دار نجی شعبے کو ادا کر نا ہے اور ہمارا کام نجی شعبے کیلئے ایک ایسا ماحول پیدا کر نا ہے جو سرمایہ کاری کو فروغ دے تھری جی اور فور جی ٹیکنالوجیز جنہیں ہماری حکومت نے بڑی کامیابی سے متعارف کروایا ہے معاشی ترقی میں اضافے کا سبب بنیں گی ان کے ذریعے صارفین کو اپنی استعداد اور پیداوار میں اضافے کاموقع ملے گا تھری جی اور فورجی ٹیکنالوجی کے بیروز گاری پر اثرات کے حوالے سے ایک تفصیلی جائزہ رپورٹ کے مطابق اس عمل سے اگلے چار سالوں میں تقریباً نو لاکھ کو روز گار ملے گا اس کے علاوہ ہمارے دوسرے اقدامات مثلاً حکومتی قرضوں میں کمی اور نتیجتاً نجی شعبے کو سرمائے کی بہتر فراہمی سے سرمایہ کاری کے رجحان میں اضافہ ہوگا پی ایس ڈی پی کو 525ارب روپے تک بڑھایا جارہاہے جو کہ 2013-14کے 425ارب روپے کے مقابلے میں تقریبا چوبیس فیصد زیادہ ہے انہوں نے کہاکہ شرح نمو میں بہتری کیلئے سرمایہ کاری میں اضافہ ہوا ہے سرمایہ کاری ہماری معیشت کا ایک بڑا چیلنج ہے اس سلسلے میں ہم اپنی تیاریوں کے آخری مراحل میں ہیں اور کچھ میگا پراجیکٹ پر کام کا آغاز ہونے کو ہے تاہم اس سے پہلے نجی شعبہ کو سرمائے کی بہتر فراہمی کیلئے کئے گئے جن اقدامات کا ذکر کیا گیا ہے پچھلے دس ماہ کے اعدادو شمار سرمایہ کاری کے رجحان کی پوری طرح نشاندہی نہیں کرتے آنے والے مہینوں اور سالوں میں ڈ ملک میں سرمایہ کاری کی شرح میں انشاء اللہ نمایاں اضافہ ہوگا حالیہ ملکی تاریخ میں پہلی بار ترقیاتی بجٹ کو تمام تر دستیاب وسائل دیتے ہوئے 425ارب روپے خرچ کئے گئے ہیں یہ ایک بڑی کامیابی ہے کیونکہ اس سال ہم نے مالی خسارے میں بھی 2.4فیصد کمی کی ہے ماضی میں اکثر خسارے میں کمی ترقیاتی اخراجات کم کر نے کے ذریعے کی جاتی رہی ہے ہم نے یہ روایت ختم کر دی ہے انہوں نے کہاکہ قومی قرضے کی ماہیت میں پچھلے کچھ سالوں میں بہت بڑی تبدیلی آ چکی ہے جس کے تحت بیرونی قرضے حاصل نہ ہونے کی وجہ سے تھوڑی مدت کے مقامی قرضوں کا حصہ بڑھ گیا ہے جس کی واپسی جلدی کرنا ہوتی ہے اسی طرح ماضی قریب میں روپے کی قدر میں اچھی خاصی کمی کی وجہ سے قومی قرضے کی کل مقدار میں اضافہ ہوا موجودہ حکومت نے پاکستان کے قومی قرضے کا انتظام بہتر طورپر چلانے کیلئے فوری اقدامات کئے ہیں اس ضمن میں ہماری پالیسی کے چیدہ نکات درج ذیل ہیں قرضوں کے بندوبست کی وسط مدتی حکمت عملی بنائی گئی ہے جس کے تحت ادائیگی کی مدت میں اضافہ کر ن ے اور خاطر خواہ بیرونی ترسیلات کے ذریعے مقامی قرضے کے دباؤ کو کم کر نے کی کوشش کی گئی ہے تاکہ نجی شعبے کو بینکوں سے مزید قرضے مل سکیں سرمایہ کاری کی بنیاد وسیع کر نے اور گور نمنٹ سیکورٹی مارکیٹ میں آسانی پیدا کر نے کیلئے ٹریژری بل کی تجارت تاریخ میں پہلی بار اسٹاک ایکسچینج پر بھی شروع کی گئی ہے اس سے عام سر مایہ کاروں کو سرمایہ کاری کا ایک اضافی ذریعے دستیاب ہوا ہے پاکستان نے سات سال کے وقفے کے بعد کامیابی سے بین الاقوامی سرمائے کی منڈی سے سرمایہ اٹھایا انہوں نے کہا کہ ہماری حکومت کا ایک نمایاں مقصد غریبوں تک رسائی ہے اس سلسلے میں نیشنل اکنامک سپورٹ پروگرام ہمارا سب سے بڑا اقدام ہے بے نظیر انکم سپورٹ پروگرام اور وزیر اعظم کے نو جوانوں کیلئے مختلف پروگرام اسی کا حصہ ہیں اس سلسلے میں درج ذیل تفصیل ایوان میں پیش کی جارہی ہے 2008 میں میں نے بطور وزیر خزانہ بی آئی ایس پی کیلئے 34ارب روپے مختص کئے تھے لیکن جب پچھلے سال ہمیں یہ پروگرام ملا تو اس کے تحت صرف چالیس ارب روپے خرچ کئے گئے تھے غریبوں کی فلاح میں ہماری گہری دلچسپی کی بناء پر ہم نے فوری طورپر اس رقم کو بڑھا کر 75ارب روپے کر دیا جبکہ اس سکیم میں وزیر اعظم کے نو جوانوں کے پروگرام کا اہم جز بھی شامل کر دیا گیا ہم اس رقم کو بڑھا کر مالی سال 2014-15کیلئے 118ارب روپے کررہے ہیں جو کہ 2012-13کے مقابلے میں تقریباً 200فیصد کا اضافہ ہے 2012-13تک نقد امداد کے پروگرام کے تحت 41لاکھ گھرانوں کو امداد فراہم کی گئی تھی جسے رواں مالی سال میں بڑھا کر 48لاکھ کر دیا گیا ہے مالی سال 2014-15میں ہم یہ امداد مزید بڑھا کر 53لاکھ گھرانوں تک پہنچائیں گے جوکہ 2012-13کے مقابلے میں 29فیصد زیادہ ہے انہوں نے کہاکہ اس پروگرام کے تحت شروع میں ماہانہ وظیفہ 1000روپے مقرر کیا گیا جو پانچ سال تک جاری رہا پچھے سال ہم نے اس میں بیس فیصد اضافے کر کے 1200روپے کر دیا تھااس سال ہم اس میں مزید 25فیصد کا اضافہ کا اعلان کرتے ہوئے اسے 1500روپے کررہے ہیں اس طرح یکم جولائی 20013سے ہم کیش گرانٹ میں 50فیصد اضافہ کیا ہے اس کے علاوہ پہلے سے اعلان شدہ نو جوانوں کیلئے وزیر اعظم کے پروگرام کے تحت خصوصی اسکیموں کیلئے بھی 21ارب روپے رکھے گئے ہیں جن میں سے بیشتر سکیمیں اب پوری طرح فعال ہوچکی ہیں اور باقی وہ ہی ہیں جن کا اس بجٹ میں اعلان کیا گیا ہے، انہوں نے کہا کہ ہم اپنے غریب بہن بھائیوں اور نوجوانوں کی مدد کرنے پر فخر اور اطمینان محسوس کرتے ہیں، یہ ان کا ہی پیسہ ہے جو بوقت ضرورت ان کے کام آرہا ہے میں یہاں اس بات پر زور دینا چاہونگا کہ ہم محتاجی کے کلچر کو فروغ نہیں دینا چاہئے، اس لئے اس سکیم کے تحت امداد حاصل کرنیوالوں کی معاشی حالت کا سلسل اندازہ لگایا جاتا ہے اور اگر کسی کی صورت حال بہتر ہو تو اس کو معاشی خود کفالت کا درجہ حاصل ہو جاتا ہے یہ ضرورتمند خاندانوں کی مدد کرنے کا پروگرام ہے اور اس کے ذریعے انہیں ایسی زندگی اختیار کرنے کی حوصلہ افزائی کی جاتی ہے جس میں انہیں کسی کی مالی مدد کی ضرورت نہ رہے۔ انہوں نے کہا کہ غریبوں کی امداد اور سماجی تحفظ کے پروگرام بہت سی وزارتوں اور محکموں میں بکھرے پڑے ہیں اور ان کا آپس میں کم ہی رابطہ ہوتا ہے ان پروگراموں کو بہتر بنانے کیلئے ایک اعلی سطحی ٹاسک فورس بنانے کا فیصلہ کیا گیا ہے جو ان پروگراموں کی کارکردگی اور غریبوں کو حاصل ہونیوالے فوائد کا جائزہ لیکر یہ طے کرے گی کہ ان پروگراموں سے کس حد تک فائدہ اٹھایا جارہا ہے اور ایک ہی کام ایک سے زیادہ ادارے تو نہیں کررہے، ٹاسک فورس کی رپورٹ کی روشنی میں ایک نئی پالیسی بنائی جائیگی جس کے تحت حکومت کی سماجی تحفظ کی خدمات زیادہ مربوط طور پر فراہم کی جاسکیں گی، انہوں نے کہا کہ حکومت انفارمیشن اینڈ کمیونیکیشن ٹیکنالوجی کی اہمیت اور تجارت ، بیرونی سرمایہ کاری ، خواتین کو اختیار دینے، روزگار ، تعلیم، مسابقت اور معاشی ترقی میں اس کے کردار سے بخوبی آگاہ ہے، ہم نے اس بجٹ میں آئی سی ٹی جیسے اہم شعبے کی ترقی اور فروغ کیلئے مندرجہ ذیل اقدامات اٹھائے ہیں، انہوں نے کہا کہ آئی ٹی کی گونا گوں خدمات مثلا نادرا کی سہولیات، سمز کے اجراء کیلئے بائیو میٹرک تصدیق کے آلات اور صحت زراعت ، تجارت ، گورننس اور تعلیم میں ای فیسیلی ٹیشن وغیرہ کی سہولیات بہم پہہنچانے اور مقامی سطح پر روزگار اور کاروبار کے مواقع پیدا کرنے کیلئے یونیورسل سروسز فنڈ ملک بھر میں یونیورسل ای ٹیلی سنٹرز کے قیام کیلئے بڑے پیمانے پر فنڈ فراہم کریگا، پہلے مرحلے میں اسلام آباد اور چاروں صوبوں میں پانچ سو ٹیلی سنٹرز قائم کئے جائینگے ، آئندہ تین سالوں میں اس پروگرام کے تحت تقریبا بارہ ارب روپے کی سرمایہ کاری کی جائیگی، انہوں نے کہا کہ اس سال دو ارب اسی کروڑ روپے کے خرچ سے بلوچستان، فاٹا، خیبرپختونخواہ کے دیہاتی علاقوں اور ملک کے دیگر دور دراز علاقوں میں بڑے پیمانے پر آپٹک فائبر بچھانے کے ذریعے ان علاقوں کی کنیکٹی ویٹی بہتر بنائی جائیگی اس کے علاوہ یو ایس ایف کے تین ارب ساٹھ کروڑ روپے سے دیہاتوں میں ٹیلی فون کی سہولیات کو مزید وسیع کیاجائیگا، ان اقدامات سے پسماندہ علاقوں میں جدید دور کی آئی سی ٹی سروسز فراہم کی جائیگی، انہوں نے کہا کہ اس پروگرام کے تحت دیہاتی علاقوں کے طلبہ وطالبات کو ملک کی بہترین یونیورسٹیوں میں انفارمیشن اینڈ کمیونیکیشن ٹیکنالوجی کی تعلیم کے مواقع فراہم کئے جائینگے، اس سال آر اینڈ ڈی فنڈ سے ساڑھے بارہ کروڑ روپے شفاف انداز میں پانچ سو وظائف دیئے جائینگے۔ انہوں نے کہا کہ گزشتہ سال کی طرح اس دفعہ بھی ہماری بجٹ کی حکمت عملی تین سالہ وسط مدتی تناظر میں بنائی گئی ہے جس کے چیدہ نکات مندرجہ ذیل ہیں، انہوں نے کہا کہ مجموعی ملکی پیداوار کی شرح نمو کو 2016-17ء تک بتدریج 7.1 فیصد تک لے جایا جائیگا، افراط زر کو سنگل ڈیجٹ تک محدود رکھا جائیگا، سرمایہ کاری کا تناسب بیس فیصد تک بڑھایا جائیگا، مالیاتی خسارے کو 2015-16ء تک چار فیصد کر دیا جائیگا جس کے بعد اس کو اسی سطح پر مستحکم رکھا جائیگا، ٹیکس اور جی ڈی پی کی شرح کے تناسب 2016-17ء تک تیرہ فیصد تک بڑھایا جائیگا، پاکستان کے زرمبادلہ کے ذخائر کو 2016-17ء تک بائیس ارب ڈالر تک بڑھا دیا جائیگا، انہوں نے کہا کہ پہلے سال کی کارکردگی سے حوصلہ افزائی پا کر ہم پراعتماد ہیں کہ استقامت اور مسلسل جدوجہد کے ذریعے ہم یہ اہداف حاصل کرنے میں کامیاب ہو جائینگے ، انہوں نے کہا کہ اللہ تعالی نے پاکستان کو وافر آبی وسائل سے نوازا ہے پاکستان کے پاس آبپاشی کا بہت بڑا نیٹ ورک موجود ہے ملکی تاریخ کے ابتدائی سالوں میں ہم نے تربیلا اور منگلا جیسے پانی کے بڑے ذخائر تعمیر کئے جنہوں نے ہماری آبپاشی کی بڑھتی ہوئی ضروریات کو پورا کرنے میں بہت مدد دی لیکن بہت عرصے سے ہم نے پانی ذخیرہ کرنے کی صلاحیت میں اضافہ کرنا چھوڑ دیا ہے جبکہ موجودہ ڈیموں کی تہہ میں سالوں کی مٹی جمع ہو چکی ہے، انہوں نے کہا کہ ہمارے ترقیاتی پروگرام میں پانی اہم سب سیکٹر ہے جس میں ملک کے مختلف حصوں میں چلنے والے منصوبوں کیلئے 42 ارب روپے کی سرمایہ کاری کی جارہی ہے ان میں سب سے اہم منصوبہ دیا میر بھاشا ڈیم ہے جس میں 4.7 ملین ایکڑ فٹ پانی ذخیرہ کرنے کی گنجائش اور 4500 میگا واٹ بجلی پیدا کرنے کی صلاحیت ہے اس منصوبے کیلئے زمین حاصل کرنے کی خاطر رواں مالی سال میں دس ارب روپے فراہم کئے جاچکے ہیں اور اس عمل کو مکمل کرنے کیلئے مزید پندرہ ارب روپے رکھے گئے ہیں، ہم اس منصوبے کو عملی جامہ پہنانے کا پختہ عزم رکھتے ہیں اور جلد ہی اس کے تعمیراتی کام کا آغاز ہو جائیگا، بلوچستان میں پانی کے منصوبے اس شعبے کی دوسری اہم ترجیح ہیں جس کے تحت ڈیلے ایکشن ڈیمز اور فلڈ ڈسپرسل سٹرکچر، نہروں اورچھوٹے ڈیموں کی تعمیر عمل میں لائی جارہی ہے وہ منصوبے جو پہلے ہی کافی تاخیر کا شکار ہوچکے ہیں ان کی تکمیل پر ہماری خصوصی توجہ ہے ، انہوں نے کہا کہ ان میں کچھی کینال ، نولنک ڈیم (جھل مگسی)، پٹ فیڈر کینال کی ڈیرہ بگٹی تک توسیع اور شادی کوڑ ڈیم (گوادر) شامل ہیں، سندھ میں رینی کینال اور آر بی او ڈی کی سہون شریف سے سمندر تک توسیع کے منصوبوں پر سرمایہ کاری کی جائیگی، پنجاب میں گھابیر ڈیم (چکوال) اور آزاد جموں وکشمیر میں منگلا ڈیم ریزنگ منصوبے کیلئے فنڈز رکھے گئے ہیں، خیبرپختونخوا میں پلال، کنڈال اور صنم ڈیمز اور فاٹا میں کرم تنگی ڈیم (شمالی وزیرستان) اور گومل زام ڈیم (جنوبی وزیرستان) کیلئے بھی رقوم رکھی گئی ہیں اس کے علاوہ پنجاب، سندھ اور خیبرپختونخواہ میں سیلاب سے تحفظ اور پانی کے ضیاع کو روکنے کیلئے کھالوں کی پختگی اور ملک بھر میں نکاسی آب کے منصوبے شامل ہیں اس کے علاوہ پانی کے شعبے میں چند نئے منصوبے بھی شروع کئے جارہے ہیں جن کے تحت بلوچستان اور خیبرپختونخوا میں بہت سے چھوٹے ڈیم بنائے جائینگے ان میں اوڑماڑہ میں بسول ڈیم ، تھر میں مکھی فراش لنک کینال اور پنجاب میں نالہ ڈیک پر کام کیا جائیگا۔ انہوں نے کہا کہ توانائی کے شعبے پر ہماری سب سے زیادہ توجہ ہے، توانائی کے ملک گیر بحران نے ہمارے صنعتی شعبہ کو بری طرح متاثر کیا ہے اور ہمارے عوام کی تکالیف میں اضافہ کیا ہے ۔ وزیراعظم محمد نواز شریف توانائی کے شعبے میں اصلاحات اور سرمایہ کاری پر ذاتی توجہ دے رہے ہیں ، پاکستان میں توانائی کی فراہمی کی صورتحال کو بہتر کرنے کیلئے بہت سے اصلاحی اقدامات اٹھائے گئے ہیں ، بجلی کے ضیاع، بلوں کی وصولی کو بہتر بنانا، چوری کے خاتمے اور گردشی قرضے کا باعث بننے والے نظام کی خرابیوں کو دور کرنے کیلئے بہت سے اقدامات اٹھائے گئے ہیں تاہم ہماری توجہ توانائی کے اضافی وسائل پیدا کرنے پر ہے تاکہ اس مصیبت سے مستقبل طورپر چھٹکارا پایا جاسکے چنانچہ پچھلے سال کی طرح اس سال بھی ہم نے وسائل کا ایک بڑا حصہ توانائی کی صلاحیت میں کفایت کے حصول کیلئے مختص کیا ہے اس سال اس شعبے میں 205 ارب روپے کی خطیر رقم کی سرمایہ کاری کی جائیگی اس پروگرام میں درج ذیل منصوبے شامل ہیں، انہوں نے کہا کہ نیلم جہلم منصوبہ (969 MW)، دیا میر بھاشا ڈیم (4500MW)، تربیلا چوتھا توسیعی منصوبہ (1410 MW)، تھرکول گیسی فیکیشن منصوبہ (100MW)، چشمہ نیوکلیئر منصوبہ (600MW)، چین کی مدد سے کراچی کوسٹل پاور کے دو منصوبے (2200 MW)، کھیال کھوار منصوبہ (122 MW)، علئی کھوار منصوبہ (122 MW)، نندی پور (425 MW) اور چیچو کی ملیاں میں کمبائنڈ سائیکل پاور منصوبے (525 MM) ، منگلا پاور سٹیشن کے پیداواری یونٹ کی اپ گریڈیشن اور ریفربشمنٹ ، گدو پاور پراجیکٹ (747 MW) کی اپ گریڈیشن، مظفر گڑھ اور جامشورو کے پاور پراجیکٹس کی کوئلے پر منتقلی (3120mw) ، جھم پیر اور گھارو میں ہوا سے چلنے والے پاور پراجیکٹس کیلئے ترسیلی نیٹ ورک کا قیام، چشمہ نیوکلیئر III اور IV کا انٹرکنکشن ، تھرکول سے چلنے والے اینگرو (1200 MW) کا انٹر کنکشن اور بجلی کی تاروں، گرڈ سٹیشنوں اور تقسیم کے نظام کو بہتر بنانے کیلئے خطیر رقوم رکھی گئی ہیں، ہم نے داسو ہائیڈرو پاور پراجیکٹ کے خواب کو حقیقت میں بدلنے کیلئے غیر معمولی کوششیں کی ہیں ، ورلڈ بینک جلد ہی اس اہم منصوبے کیلئے تقریبا ستر کروڑ ڈالر کے فنڈ منظور کریگا اس منصوبے کی تکمیل سے 4500 میگا واٹ سستی بجلی حاصل ہوگی ہم اس منصوبے کو کم سے کم مدت میں مکمل کرنے کیلئے ضروری رقوم کا بندوبست کرنے کیلئے انوشیٹو طریقے اختیار کررہے ہیں، انہوں نے کہا کہ پانی، کوئلے ، ہوا اور ایٹمی توانائی سے بجلی پیدا کرنے کے منصوبوں کی وجہ سے پاکستان میں انرجی مکس بہتر ہوگا جس سے عوام کو سستی بجلی میسر آئیگی، اسی طرح ترسیل وتقسیم کے نظام کی بہتری سے بجلی کا زیاں کم ہوگا جبکہ بجلی چوری کیخلاف چلائی جانیوالی مہم کی بناء پر بھی عام آدمی کا بوجھ کم ہوگا۔ انہوں نے کہا کہ پاکستان اس خطے میں ایک مرکزی اہمیت رکھتا ہے اور شمال سے جنوب اور مشرق سے مغرب کی طرف تین خطوں اور دنیا کی چند تیزی سے بڑھنے والی معیشتوں کو آپس میں ملاتا ہے تاہم اس قدرتی برتری سے فائدہ اٹھانے کیلئے ہمیں ریل، شاہراؤں اور پائپ لائنوں کا جدید ترین انفراسٹرکچر تعمیر کرنا ہوگا، ، انہوں نے کہا کہ دور اندیشی اور مستقبل شناسی قومی رہنماؤں کا خاص وصف ہوتا ہے ، وزیراعظم محمد نواز شریف نے 1990ء میں دور اندیشی کا مظاہرہ کرتے ہوئے یہ اندازہ لگا لیا تھا کہ ملک کے دور دراز مقامات کو آپس میں ملانے کیلئے موٹرویز کا وسیع نیٹ ورک قائم کئے بغیر پاکستان ترقی نہیں کرسکتا اس لئے انہوں نے جدید مواصلاتی نظام کا تصور پیش کیا جس پر پچھلی حکومتوں کی غفلت کی بناء پر پوری طرح عمل نہیں ہوسکا لیکن ہم نے اس تصور پر دوبارہ سے کام شروع کردیا ہے اور ہم اگلے چار سال میں شمال سے جنوب کی اکثر شاہراؤں کو مکمل کر لینگے، جدید مواصلاتی نظام کے تصور کو مزید وسعت دیتے ہوئے وزیراعظم نے اپنے چینی ہم منصب کے ساتھ مل کر پاک چین اقتصادی راہداری کا تصور تیار کیا ہے جس کے تحت کاشغر اور گوادر کو موٹرویز اور ریلوے کے ذریعے آپس میں ملایا جائیگا، اس تاریخ ساز منصوبے سے شروع ہونیوالی بے تحاشا معاشی ترقی کا اندازہ کرنا کچھ مشکل نہیں ہے، منصوبے کے مختلف حصوں پر اس برس سے کام کا آغاز ہو چکا ہے ، انہوں نے کہا کہ نارتھ ساؤتھ کوریڈور کے منصوبے کا اہم ترین جزو 1186 کلو میٹر لمبی کراچی، لاہور، موٹروے ہے جو سندھ کو تیز رفتارسڑکوں کے ذریعے ملک کے دیگر حصوں سے ملائیگی اس منصوبے کیلئے زمین حاصل کرنے کی خاطر رواں مالی سال میں پچیس ارب اور آئندہ مالی سال میں تیس ارب روپے رکھے گئے ہیں جس کے ذریعے منصوبے کیلئے مطلوب تمام زمین خریدی جاسکے گی 276 کلو میٹر لاہور سے خانیوال سیکشن، 387 کلو میٹر ملتان سے سکھر سیکشن، 296 کلو میٹر سکھر سے حیدر آباد سکیشن اور 136 کلو میٹر حیدر آباد سے کراچی سیکشن کی تعمیر کا کام عنقریب شروع ہو جائیگا اور اس پر پبلک پرائیویٹ پارٹنر شپ کے ذریعے عملدرآمد کیا جائیگا، انشاء اللہ ہماری حکومت کے موجودہ دور میں یہ منصوبہ مکمل ہو جائیگا، دوسری طرف 892 کلو میٹر گوادر رتو ڈیرو موٹروے کے باقی حصوں پر کام کی رفتار کو تیز کر دیا گیا ہے اور دو سو کلو میٹر گوادر تربت ہوشاب سیکشن کی تمام مالی ضروریات کو پورا کرتے ہوئے اس کام کو ترجیحی بنیادوں پر مکمل کیا جارہا ہے اسی طرح راہداری کے شمالی حصے کی تکمیل کیلئے 460 کلو میٹر طویل رائے کوٹ حویلیاں اسلام آباد سیکشن پر بھی جلد کام شروع ہو رہاہے اور قراقرم ہائی وے کے خنجراب رائے کوٹ سیکشن کی توسیع کیلئے بھی وسائل مختص کئے گئے ہیں۔ انہوں نے کہا کہ ترقیاتی پروگرام میں اس کے علاوہ بھی بہت سی شاہراؤں کے منصوبے شامل ہیں ان میں ایم فور کے فیصل آباد سے خانیوال تک 184 کلو میٹر سیکشن اور 57 کلو میٹر خانیوال سے ملتان سیکشن شامل ہیں، علاوہ ازیں دور دراز کے علاقوں تک رسائی کو بہتر بنانے کیلئے انتہائی اہمیت کے حامل بہت سے پلوں اور سرنگوں کیلئے بھی وسائل رکھے گئے ہیں ان میں لواری ٹنل کی تیزی سے تکمیل ، وادی لیپا ٹنل، سلطان باہو کے نزدیک دریائے چناب پر پل، ، پاک پتن کے نزدیک بابا فرید پل ، ننکانہ صاحب کے نزدیک دریائے راوی پر سید والا پل اور دریائے سندھ پر این 5 اور این 55 کو ملانے کیلئے ایک پل شامل ہے، انہوں نے کہا کہ شہر میں ٹریفک کے دباؤ کے مسئلے کو حل کرنے کیلئے بائی پاس بنانے کے مختلف منصوبوں کیلئے بھی وسائل مختص کئے گئے ہیں ان میں پشاور نادرن بائی پاس ، کراچی نادرن بائی پاس ، لیاری ایکسپریس وے ، سکھر بائی پاس کا ڈیولائزیشن اور لاہور ایسٹرن بائی پاس شامل ہیں اس کے علاوہ ترسیل کو بہتر کرنے کیلئے رتو ڈیرو ، دادو سہون روڈ اور دیگر سڑکیں تعمیر کی جارہی ہیں، انہوں نے کہا کہ حکومت موٹرویز، شاہراؤں، پلوں، سرنگوں اور علاقائی سڑکوں کے 74 منصوبوں پر سرمایہ کاری کررہی ہے ، شاہراؤں کے شعبے کیلئے اس بجٹ میں 113 ارب روپے رکھے گئے ہیں ان منصوبوں پر عمل پیرا ہونے سے روزگار کے لاتعداد مواقع پیدا ہونگے، انہوں نے کہا کہ ریلوے سفر کا ایک باکفایت ، تیز رفتار اور آرام دہ ذریعہ ہے باوجود اس کے کہ ہمیں پاکستان میں پھیلا ہوا ریلوے کا ایک بہت بڑا نیٹ ورک ورثے میں ملا ہم نے بد انتظامیوں کی بدولت اس کا وہ حشر کیا کہ اب کوئی بھی اس کو پہلی ترجیح نہیں دیتاجب پچھلے سال مسلم لیگ ن کی حکومت آئی تو ریلوے کا شعبہ تباہی کے نزدیک تھا ، ریلوے کی یہ حالت ہمارے لئے بالکل ناقابل قبول تھی کیونکہ پوری دنیا میں یہ شعبہ اپنا کھویا ہوا مقام حاصل کررہا ہے اس میں زیادہ سے زیادہ سرمایہ کاری ہو رہی ہے اور مسافروں اور اشیاء کی نقل وحمل کیلئے تیز سے تیز تر ٹرینیں چلائی جارہی ہیں۔بجٹ2014-15ء میں خانیوال سے لالہ موسیٰ تک ریلوے ٹریک کوڈوالائز کرنے کیلئے فنڈز رکھے گئے ہیں اس میں نرتھ ساؤتھ مین لائنز کابڑاحصہ شامل ہوجائے گا آنیوالے سالوں میں باقی پٹریوں کو بھی ڈوالائز کردیاجائیگا اسی طرح کراچی سے خانپور اورخانپور سے لودھراں ٹریک کی بحالی کیلئے بھی فنڈز رکھے گئے ہیں ریلوے کے159 ک�
مزید متعلقہ خبریں پڑھئیے :
متعلقہ عنوان :
بدھ 4 جون 2014 کی مزید خبریں
-
آئی سی سی کی کرکٹ کمیٹی کا2 روزہ اجلاس انیل کمبلے کی سربراہی میں شروع ہوگیا ،ون ڈے قوانین میں پھر تبدیلوں کا امکان ، دونوں اینڈ سے الگ گیندوں کے استعمال اور فیلڈرز کی پوزیشن پر بھارتی اعتراضات پر ... مزید
-
قومی ٹیم کے سپن بولنگ کوچ مشتاق احمد نے سمر کیمپ جوائن کرلیا ، بابر اعظم اور رضا حسن سمیت کیمپ میں شریک دیگر بولرز کو مفید مشورے دیے
-
فرنچ اوپن ٹینس ٹورنامنٹ : رافیل نڈال، اینڈی مرے، گیل مونفلز اور ڈیوڈ فیرر کوارٹر فائنل میں پہنچ گئے ، ویمنز سنگلز میں ماریا شراپووا، سیمونا ہالیپ اور سارا ایرانی نے اگلے راؤنڈ میں رسائی حاصل کی ... مزید
-
کھلاڑیوں کے سینٹرل کنٹریکٹ کا معاملہ ، ٹیم آفیشلز سر جھوڑ کر بیٹھ گئے ، قومی کرکٹرز کے نئے سینٹرل کنٹریکٹ کو کھلاڑیوں کی فٹنس سے مشروط کرنے کا فیصلہ،25 ناموں کو حتمی شکل دینے کا فیصلہ ، وقار یونس ... مزید
-
قومی اسمبلی بجٹ اجلاس : وزیراعظم نواز شریف اسحاق ڈار کے ہمراہ ایوان میں آئے ، خورشید شاہ کا خوشگوار انداز میں وزیراعظم سے مصافحہ ،اچکزئی کو ملنے نواز شریف خود ان کی نشست پر گئے خیریت دریافت کی ، ہاشمی ... مزید
-
وزیراعظم آج اسلام آباد میں یوتھ لون سکیم کے تحت کامیاب نوجوانوں میں قرضوں کے چیک تقسیم کریں گے
-
خسرہ مہم میں ٹیکے لگانے میں غفلت کے مرتکب ہونے پر محکمہ صحت کے بارہ ٹیکینشن کو ملازمت سے معطل کرنے کی سفارشات
-
ملک بھر میں بجلی کا شارٹ فال 3300 میگاواٹ ہوگیا‘ شہروں میں 6‘ دیہی علاقوں میں 8 سے 10 گھنٹے کی لوڈشیڈنگ جاری
-
شیڈول سے ہٹ بجلی کی بندش کرنے کے الزام میں گرفتارلیسکوچیف ارشدر فیق اورڈائریکٹر آپریشنز محبوب علی کوچاردن کے جسمانی ریمانڈ پرایف ائی اے کے حوالے کردیا گیا
-
نائب امیر جماعت اسلامی کراچی نصر اللہ خان شجیع کے ہمراہ مطالعاتی دورے پر بالاکوٹ جانے والے طلبہ و اساتذہ کراچی پہنچ گئے،،ائر پورٹ پر انتہائی رقعت آمیز مناظر، طلبا میڈیا کے سامنے اپنے جذبات پر قابو ... مزید
-
بلوچستان کے حالات بہتر ہو رہے ہیں ،ڈاکٹر عبدالمالک بلوچ،الجھے مسائل کو سلجھانے کی جدوجہد میں مصروف ہیں ، وزیر اعلیٰ کا تقریب سے خطاب
-
بشام،دو کمسن بچیوں کو سورہ کی بھینٹ چڑھا دیا گیا،جر گہ کر نے والے عما ئدین کے خلاف پولیس کی کا روا ئی ، نکاح پڑ ھانے والے دو علماء سمیت 19جر گہ ممبران گرفتار
-
دریائے کنہار میں نصر اللہ خان شجیع اور طالبعلم سفیان عاصم کی تلاش جاری
-
یمن: حوثی باغیوں اور حکومتی فورسز میں لڑائی، 120 ہلاک
-
جہادیوں کے معاون ملک شام میں خمیازہ بھگتیں گے،آیت اللہ علی خامنہ ای
-
افغانستان سکیورٹی فورسز کے حملوں میں 34طالبان ہلاک ، پانچ زخمی
-
روس، طیارہ گر کر تباہ،15 افراد ہلاک ہوگئے
-
بی بی سی کے سابق ٹی وی پریزینٹر جمی سیول: جنسی شکایات 500 ہوگئیں،جمی سیول نے 50 سال کے دوران بچوں اور کم سن لڑکیوں سمیت بہت سی خواتین کو جنسی جارحیت کا نشانہ بنایا
-
دوسری زبان سیکھنے سے دماغ پر اچھا اثر پڑ سکتا ہے، تحقیق،دوسری زبان سیکھنے سے دماغ پر اثر کو سمجھنے کے لیے یہ تحقیق پہلا اہم قدم ہے: ڈاکٹرالوارو پاسکوال لیون، ’دنیا میں لاکھوں لوگ بڑی عمر میں دوسری ... مزید
-
نائیجیریا‘مغوی طالبات کے لیے مظاہروں پر پابندی عائد ،مظاہرین نے فیصلے کو مسترد کردیا، پابندی کے خلاف عدالت سے رجوع کرنے کا فیصلہ
-
دبئی میں قیدی خا تو ن نے دورا ن حرا ست قرآن مجید حفظ کر لیا ،عرب کی مشہو ر انٹر ٹینمنٹ کمپنی کا مذکو رہ خا تو ن پر فلم بنانے کا اعلان،دبئی میں قرآن مجید حفظ کرنے والے قیدیوں کو قبل از وقت رہا کردیا جاتا ... مزید
-
روسی گیس کی بندش کا امکان موجود ہے، یورپ کیلئے سپلائز میں بھی تعطل آسکتا ہے،یوکرائنی وزیر اعظم
-
میکسیکو سے امریکہ پہنچنے والے بچوں کو انسانی ہمدردی کی بنیادوں پر خصوصی امداد دی جائیگی،صدر اوبامہ
-
ارجنٹائن ،فرانسیسی خواتین سے زیادتی کے ملزم کو 30سال قید کی سزا
-
بھارت کے وزیر دیہی ترقی گوپی ناتھ منڈے کار حادثے میں ہلاک
-
ایم کیو ایم کے قائدالطاف حسین منی لانڈرنگ کیس میں گرفتار ،سکاٹ لینڈ یارڈ نے بھی گرفتاری کی تصدیق کر دی،درخواست ضمانت مسترد ،شواہد مضبوط ہونے کے باعث درخواست مسترد کی گئی ہے ، ذرائع، گرفتاری بارے ... مزید
-
39کھرب 45ارب روپے کا بجٹ پیش ، خسارے کا تخمینہ 1422 ارب روپے رکھا گیا،سرکاری ملازمین کی تنخواہوں میں 10فیصد ایڈہاک ریلیف اور پنشن میں10فیصد اضافے ، مزدور کی کم سے کم اجرت 10 ہزار سے بڑھا کر 12 ہزار اور کم ... مزید
-
بجٹ بہت اچھا ہے کوئی حکومت اپنے بجٹ کوبرا نہیں کہتی،نواز شریف، وزیر خزانہ اسحاق ڈار نے محنت کرکے اچھا بجٹ دینے کی کوشش کی ہے حکومت مشکل ترین اہداف کے قریب پہنچنے تک کامیاب رہی ہے یہ سوچ کی بات ہے ... مزید
-
کراچی ، بلدیہ یوسف گوٹھ میں پاک فضائیہ کا تربیتی طیارہ گر کر تباہ ، پائلٹ و معاون پائلٹ سمیت5افراد جاں بحق، 3 افراد زخمی ، ٹرمینل پر کھڑی متعدد بسوں میں آگ لگ گئی، قریبی آبادی کو خالی کرا لیا گیا ، ... مزید
-
کرم ایجنسی، بارودی سرنگ کا دھماکہ مسافر گاڑی تباہ ، آٹھ افراد جاں بحق ، خاتون اور دو بچوں سمیت سات افراد ز خمی ، فوری طور کسی گروہ نے واقعے کی ذمہ داری قبول نہیں کی
-
رینٹل پاور کیس میں راجہ پرویز اشرف ، شوکت ترین سمیت 12ملزمان پر فرد جرم عائد،ساہیوال اور پیراں غائب ریٹنل پاور پراجیکٹ میں خرد برد اور اختیارات کے ناجائز استعمال سے قومی خزانے کو نقصان پہنچانے کے ... مزید
-
جج جسٹس جواد ایس خواجہ کی اہلیہ نے کبھی حکومت پنجاب کو اراضی فروخت کرنے میں دلچسپی کا اظہار نہیں کیا،ریونیو بورڈ نے جبراً رِنگ روڈ کیلئے اراضی حاصل کی،وکیل ، دی گئی رقم پر بھی فاضل جج اوران کی اہلیہ ... مزید
-
الطاف حسین کی گرفتاری، کراچی کے مختلف علاقوں میں کشیدگی پھیل، کاروبار بند ہونا شروع ہوگیا ،مختلف علاقوں میں 11گاڑیاں اور 5چنگچی رکشوں کو آگ لگا دی گئی، فائرنگ اور تشدد کے واقعات میں 9افراد ززخمی ،کراچی ... مزید
-
بجٹ اعدادوشمارکاگورکھ دھندہ و وقت کاضیاع ہے ،اپوزیشن ،حکومت نے اس سال بھی اہداف پورے نہیں کئے ،سرکاری ملازمین کیلئے دس فیصداضافہ کچھ بھی نہیں ،عوامی خواہشات کے برعکس بجٹ پیش کیاگیا،یہ صرف سرمایہ ... مزید
-
وفاقی حکومت کا الطاف حسین کی حراست کے بعدکراچی میں ردعمل پرافسوس کااظہار
-
بیس ہزاربجلی کابل دینے والاماہانہ 12لاکھ سیل کرتاہے اسحاق ڈار،بل ایک لاکھ ماہواربل ہے توساڑھے سات ہزارٹیکس دینے میں حرج نہیں،امیدہے ہم اہداف حاصل کرلیں گے ،الطاف حسین کی حراست افسوسناک ہے ،حکومت ... مزید
-
الطاف حسین کی گرفتاری سے حکومت کا کوئی تعلق نہیں ،حکومت انہیں ہر طرح کی قانونی مدد فراہم کرنے کے لیے تیار ہے‘عرفان صدیقی، حکومت لندن میں اپنے سفارتخانے سے اس واقعے کی تفصیلات جاننے کی کوشش کر رہی ... مزید
-
سندھ حکومت آئندہ مالی سال کا بجٹ عوام دوست بنائے، آصف علی زرداری،بجٹ میں انفرااسٹرکچر، بنیادی سہولیات کی فراہمی اور خواتین واقلیتوں کو مزید بااختیار بنانے کے لئے زیادہ سے زیادہ ترقیاتی منصوبے ... مزید
-
طاہر القادری کی کل پاکستان آمد متوقع ، پاکستان پہنچنے کے بعد ہی موجودہ حکومت اور نظام کیخلاف انقلابی تحریک کا اعلان کرینگے، اپوزیشن کے مختلف رہنماؤں اور مذہبی جماعتوں کے رہنماؤں سے بھی ملاقاتیں ... مزید
-
سینٹ کمیٹی کی سعودی جیلوں میں قید پاکستانیوں کی رہائی کیلئے کمیونٹی ویلفیئر فنڈ میں اضافہ کی سفارش،تارکین وطن اربوں ڈالر زرمبادلہ بھیجتے ہیں ان کے مسائل ترجیحی بنیادوں پر حل کرنیکی ہدایت،کنوینئر ... مزید
-
غداری کیس ،تحقیقاتی رپورٹ سمیت مقدمہ سے متعلق دیگر دستاویزات پرویز مشرف کے وکلاء کو فراہم کردی گئیں، اگر کوئی گواہ عدالت میں پیش ہونے سے گریز کرے گا تو عدالت سمن جاری کرے ،جسٹس فیصل عرب
-
الطاف حسین کو حراست میں لے کر تھانے منتقل کر دیا گیا ، ترجمان ایم کیو ایم کی تصدیق ، قائد تحریک کو گرفتار نہیں کیاگیا بلکہ ان کے گھر پر ان کا بیان قلمبند کیا گیا ہے، رابط کمیٹی لندن کا موقف
-
تحریک انصاف کی بڑھتی ہوئی مقبولیت سے ن لیگ بوکھلاہٹ کا شکار ہے، عمران خان
-
جوہری سلامتی قومی ذمہ داری ہے،پاکستان اسے تمام پہلوؤں سے اہم ترجیح دیتا ہے،جنرل راشد محمود ، اس حوالے سے ہمارا معیار انتہائی قابل تحسین ہے،چیئرمین جوائنٹ چیفس آف سٹاف کمیٹی کا پی سی ای این ایس کا ... مزید
-
سیکرٹری پانی وبجلی نرگس سیٹھی عہدے کاچارج سنبھالتے ہی متحرک ،بھاگاشیخاں،روات سب ڈویژن اورکلرسیداں سب ڈویژن کے اچانک دورے،غیرحاضرملازمین اورشکایات رجسٹرکی عدم دستیابی پرملازمین کی سرزنش
-
امریکا کا ٹیکنالوجی کی بنیاد پر معاشی ترقی کیلئے پاکستان کے ساتھ سائنس وتکنیکی تعاون مشترکہ کاوشیں پاکستان معیشت کو مزید مستحکم ،فعال اور ٹیکنالوجی اور جدت سے روشناس کرنے میں مدد یں گی
-
الطاف حسین کی گرفتاری کی خبردنیا بھر کے میڈیا پر بریکنگ نیوز کے طور پرجاری کی گئی، بی بی سی نے بھی گرفتاری کی تصدیق کی، آج ضمانت کرائے جانے کا امکان
-
سپریم کورٹ کا فیصل آباد میں سرکاری زمین کے نجی ملز اور فیکٹریوں کو انتقال پر سخت ردعمل کا اظہار،حکومت پنجاب نے دو ہفتوں کی مہلت مانگ لی، مقدمہ انتہائی اہم ہے‘ ضروری ہوا تو سماعت روزانہ کی بنیاد ... مزید
-
لاہور ہائیکورٹ ، فرزانہ بی بی قتل بارے سی سی پی او لاہور سے رپورٹ طلب
-
وزیر اعظم کی زیر صدارت وفاقی کابینہ کا اجلاس، وفاقی بجٹ کی منظوری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.