خو ش رہنے والی اقوام کی فہرست جاری ، پاکستان 117نمبر ہے، گیلپ سروے

اتوار 25 مئی 2014 08:25

واشنگٹن(اُردو پوائنٹ اخبار آن لائن۔25مئی۔2014ء ) گیلپ انٹرنیشنل نے دنیا بھرمیں خوش رہنے والے ممالک کی فہرست جاری کردی ہے جس میں پیراگوائے کا پہلا جبکہ پاکستان کا 117 نمبر ہے۔گیلپ انٹرنیشنل کی جاری کردہ فہرست میں حیران کن طور پر پہلی 10 خوش رہنے والی اقوام میں سے 9 کا تعلق لاطینی امریکا سے ہے، خوش رہنے لوگوں کی اس فہرست میں گزشتہ 2 سال سے براجمان پیراگوائے اس سال بھی پہلے نمبر پر ہے جبکہ اہل پاناما دوسرے اور گوئٹیمالا کے باسی تیسرے نمبر پر ہیں۔

(جاری ہے)

فہرست کے مطابق متحدہ عرب امارات کا 15واں، کینیڈا کا 16واں، آسٹریلیا کا 18واں، دنیا میں سب سے زیادہ خوش سمجھے جانے والے امریکیوں کا 24واں اور چین کا 31واں نمبر ہے۔گیلپ کے اس تازہ سروے میں بھارت کو خوش رہنے والی قوم میں 78ویں نمبر پر ٹھہرایا گیا ہے لیکن افسوس کی بات یہ ہے کہ پاکستان اس فہرست میں افغانستان سے بھی پیچھے چلا گیا ہے اور خوش رہنے والی اقوام میں افغانی 92ویں نمبر پر ہیں۔ دنیا میں سب سے کم خوش رہنے والی قوم شام بتائی گئی ہے جہاں جاری کشیدگی نے اہل شام کی زندگی عذاب بنادی ہے اور 138 ممالک کے سروے میں اس کا آخری نمبر ہے۔

متعلقہ عنوان :