سینٹ میں فرحت اللہ بابر کا ڈی جی ملٹری لینڈز کے عہدے پر فوجی افسر کو متعین کرنے پر اظہار تشویش،آئندہ فوجی افسر تعینات نہ کرنے کے وزیراعظم کے حکم پر عمل ہوگا ،راناتنویر، حکومت قانون کی حکمرانی پر توجہ دے رہی ہے ، موجودہ ڈی جی کے دور میں بہت بہتری آئی ،توجہ دلاؤنوٹس کا جواب
اسلام آباد(اُردو پوائنٹ اخبار آن لائن۔21مئی۔2014ء) وفاقی وزیر دفاعی پیداوار رانا تنویرحسین نے کہا ہے کہ وزیراعظم کی جانب سے ڈی جی ملٹری لینڈ کے عہدے پر آئندہ فوجی افسر تعینات نہ کرنے کا حکم پر عمل ہوگا ، حکومت قانون کی حکمرانی پر توجہ دے رہی ہے ، موجودہ ڈی جی ملٹری لینڈ کے دور میں بہت سی چیزوں میں بہتری آئی ۔ منگل کو سینٹ میں سینیٹر فرحت اللہ بابر نے توجہ مبذول کرانے کے نوٹس پر 1999ء سے کیڈر عہدوں پر نان کیڈر افسران کے مسلسل قبضے کے باعث ملٹری لینڈز اینڈ کنٹونمنٹ محکمہ جات کے سول افسران کی طرف سے ظاہر کردہ تشویش کا ذکر کرتے ہوئے کہا کہ 1924 سے سویلین کیڈر کی پوسٹ رہی ہے 1999ء میں مشرف نے ملٹری لینڈز اینڈ کنٹونمنٹ پر میجر جنرل کو تعینات کیا گزشتہ سال وزیراعظم نے حکم جاری کردیا تھا کہ آئندہ کسی حاضر سروس فوجی افسر کو ڈی جی ملٹری لینڈ پر نہیں لگایا جائے گا سپریم کورٹ نے بھی پچھلے سال فیصلہ دیا کہ کیڈر پوسٹ پر کسی فوجی افسر کو تعینات نہیں کیا جائے گا اس عہدے پر دوبارہ فوجی افسر کو تعینات کیا جارہا ہے ۔
(جاری ہے)
مزید متعلقہ خبریں پڑھئیے :
متعلقہ عنوان :
