عمران خان اعلان کر دیں تو حکومت 10 منٹ میں ختم ہو جائے،شیخ رشید ، ایک حلقے میں بھی جعلی ووٹ نکلے تو حکومت کو رہنے کا حق نہیں ہے،حکومت کا انجن دھواں دے رہا ہے، پسٹم ختم ہو چکے ،جس دن شیخ رشید اور نواز شریف کافی پئیں گے، قیامت کی نشانی ہو گی، تحریک انصاف کے جلسے سے خطاب

پیر 12 مئی 2014 07:35

اسلام آباد (اُردو پوائنٹ اخبار آن لائن۔12مئی۔2014ء)عوامی مسلم لیگ کے سربراہ شیخ رشید احمد نے کہا ہے کہ آج کے دن ڈی چوک التحریر چوک بن چکا ہے۔ تحریک انصاف کے چیئرمین عمران خان اگر ابھی اعلان کرے تو جعلی حکومت اور اسمبلیاں 10 منٹ میں ختم ہو جائے گی۔ اسلام آباد ڈی چوک پر انتخابات میں مبینہ دھاندلی کے خلاف پاکستان تحریک انصاف کے جلسے سے خطاب میں شیخ رشید نے کہا کہ اگر ایک حلقے میں بھی جعلی ووٹ نکلے تو حکومت کو رہنے کا حق نہیں ہے۔

عمران خان اگر اعلان کریں کریں تو یہ جعلی حکومت اور اسمبلیاں 10 منٹ میں ختم ہو جائے گئیں۔ انہوں نے کہا کہ پیپلز پارٹی سمیت جمعیت علماء اسلام نے بھی عام انتخابات میں دھاندلی کا الزام لگایا۔ سب سے پہلے این اے 55 میں دوبارہ ووٹوں کی گنتی کرائی جائے۔

(جاری ہے)

چار ان کے اور چار ہمارے حلقوں کی تصدیق کرا لی جائے۔ اگر ایک حلقے میں بھی جعلی ووٹ نکلے تو حکومت کو رہنے کا حق نہیں۔

دھاندلی ثابت ہو جائے تو عمران خان احتجاج کیلئے کال دیں۔ ان کا کہنا تھا کہ ملک میں لوٹ مار جاری ہے۔ ملک پر چند خاندانوں کا قبضہ ہے۔ ان کا کہنا تھا کہ حکومت کا انجن دھواں دے رہا ہے، پسٹم ختم ہو چکے ہیں، ان کے پلگ میں کچرا ہے۔ وزیر اعظم ایران بھاگ گئے ہیں۔ جس دن شیخ رشید اور نواز شریف کافی پیئں گے، قیامت کی نشانی ہو گی۔