ملک میں ایڈز ‘ ٹی بی اور ہیپاٹائٹس کے خاتمے کیلئے گلوبل فنڈ جون 2014 ء تک صوبوں کو منتقل ہوجائے گا ، بلیغ الرحمن ، پروگرام کے تحت اگلے ایک سال کے دوران 9.8 ملین ڈالر ایڈز کے خاتمے کیلئے فراہم کئے جائیں گے،سینیٹ میں وقفہ سوالات کے دوران اظہار خیال
اسلام آباد (اُردو پوائنٹ اخبار آن لائن۔5فروری۔2014ء) وزیر مملکت برائے امور داخلہ بلیغ الرحمن نے کہا ہے کہ ملک میں ایڈز ‘ ٹی بی اور ہیپاٹائٹس کے خاتمے کیلئے گلوبل فنڈ جون 2014 ء تک صوبوں کو منتقل ہوجائے گا، پروگرام کے تحت اگلے ایک سال کے دوران 9.8 ملین ڈالر ایڈز کے خاتمے کیلئے فراہم کئے جائیں گے۔ منگل کے روز سینیٹ میں وقفہ سوالات کے دوران وزیر مملکت نے کہا کہ ایڈز ایسی بیماری ہے جو ملک میں پھیل رہی ہے اور اس کو صرف آگاہی سے ہی کم کیا جاسکتاہے حکومت اس کے خاتمے کیلئے آگاہی پھیلا رہی ہے تاکہ عوام کو اس کے بارے میں آگاہ کیا جاسکے انہوں نے کہا کہ بین الاقوای سطح پر قائم گلوبل فنڈز ایڈز کے تدارک کیلئے مالی معاونت فراہم کررہا ہے انہوں نے بتایا کہ اس فنڈ کے تحت نہیں پروگرام شروع کئے گئے جن سے ایڈز ٹی بی اور ہیپاٹائٹس کے خاتمے کی لئے اقدامات کئے جائیں گے اس پروگرام کو مزید ایک سال تک بڑھایا گیا ہے انہوں نے کہا کہ چونکہ صحت صوبائی معاملہ ہے اس لئے حکومت یہ پروگرام اب صوبوں کو منتقل کررہی ہے بلیغ الرحمن نے بتایا کہ اس وقت ملک میں ایک لاکھ بیس ہزار ایڈز کے مریض ہیں جن میں سے صرف آٹھ ہزار رجسٹرڈ ہیں اور ان کو علاج فراہم کیا جارہا ہے ملک میں ایڈز کے مریضوں کے علاج کیلئے بلوچستان میں دو سینٹر موجود ہیں پنجاب میں ان سینٹرز کی تعداد دس سندھ میں پانچ جبکہ خیبرپختونخواہ میں دو سینٹر کام کررہے ہیں وفاقی وزیر برائے نیشنل ہیلتھ سروسز سارہ افضل تارڑ نے بتایا کہ ایڈز کے ساتھ ایک سٹگما اٹیچ ہے جس کی وجہ سے مریض خود کو رجسٹرڈ نہیں کرواتا تاہم حکومت اس کے لئے اقدامات کررہی ہے دوران اجلاس وفاقی وزیر برائے مواصلات ریاض پیرزادہ نے ایوان کو بتایا کہ بلوچستان میں ہائی ویز پر 113 کانٹے لگنے ہیں حکومت اقدامات کررہی ہے مگر ٹرک ایسوسی ایشن نے ہڑتال کردی انہوں نے اعتراف کیا کہ ملک میں قوانین کو نظر انداز کیا جاتا ہے اور سیاست کے دائرے میں عناصر کو رعایت دی جاتی ہے انہوں نے کہا کہ قوانین کو نظر انداز کرنے کی وجہ سے آج ہم دہشت گردی کا شکار ہوئے ہیں۔
(جاری ہے)
مزید متعلقہ خبریں پڑھئیے :
