پرویز مشرف غداری کیس کی سماعت،خصوصی عدالت نے اے ایف آئی سی کے ماہر ڈاکٹروں کو بورڈ بنانے کا حکم دیدیا،بورڈ 24جنوری تک اپنی رپورٹ دے گاپھر مزید استثنیٰ کے حوالہ سے فیصلہ کیا جائے گا ، پہلے عدالت کے اختیارات اور اسکی قانونی حیثیت کا فیصلہ کیا جائے،مشرف کے وکلاء کی استدعا، پراسیکیوٹر کی بار بار پیش نہ ہونے پر پرویزمشرف کے خلاف کارروائی کی استدعا،انسداد دہشتگردی کی خصوصی عدالت میں پرویز مشرف کو ایک دن کی عدالتی حاضری کی استثنیٰ کی درخواست منظور ، 27جنوری کو عدالت میں طلب ، اسلام آباد ہائی کورٹ نے پرویز مشرف کی خصوصی عدالت میں پیشی کے خصوصی عدالت کے حکم کو روکنے اور حاضری سے استثنیٰ دینے کی درخواست مستردکردی
جمعہ 17 جنوری 2014 07:21
اسلام آباد ( اُردو پوائنٹ اخبار آن لائن۔17جنوری۔2014ء)سابق صدر پرویز مشرف کے خلاف غداری کیس کی سماعت کرنے والی خصوصی عدالت نے ان کے میڈیکل چیک اپ کیلئے اے ایف آئی سی کے ماہر ڈاکٹروں کو بورڈ بنانے کا حکم دیا ہے جو 24جنوری تک اپنی رپورٹ دے گا اور اس کی روشنی میں مزید استثنیٰ کے حوالہ سے فیصلہ کیا جائے گا جبکہ سابق صدر کے وکلاء نے زور دیا ہے کہ پہلے عدالت کے اختیارات اور اس کی قانونی حیثیت کا فیصلہ کیا جائے کیونکہ خصوصی عدالت کے قیام کا قانونی طور پر اختیار صدر کو حاصل ہے جبکہ یہ عدالت وزیراعظم نے چیف جسٹس کے مشورہ سے بنائی ہے اور پراسیکیوٹر نے بار بار پیش نہ ہونے پر پرویزمشرف کے خلاف کارروائی کی استدعا کی ہے۔
جمعرات کے روز پرویز مشرف غداری کیس کی سماعت جسٹس فیصل عرب کی سربراہی میں تین رکنی خصوصی عدالت کے بینچ نے کی۔(جاری ہے)
اس موقع پر مقدمہ کے پراسیکیوٹرکرم شیخ نے دلائل دیتے ہوئے کہا کہ ملزم پرویز مشرف ایک بار پھر عدالتی حکم کے باوجود پیش نہیں ہوئے ،فوجداری ایکٹ 1976ء کی شق (2) 6کے تحت خصوصی عدالت کو یہ اختیار حاصل ہے کہ ملزم کی جانب سے عدالتی احکامات پر عمل نہ کرنے پر اُن کیخلاف ان کے خلاف کاروائی کا آغاز کیا جائے یا پھر عدالت حکم عدولی پر ملزم کے خلاف توہین عدالت کی کارروائی کرے۔
انہوں نے مزید کہا کہ وکلائے صفائی کی جانب سے عدالتی دائرہ اختیار کے بارے میں اسلام آبادہائی کورٹ کے فیصلے کے خلاف ایک نئی انٹرا کورٹ اپیل دائر کر دی گئی ہے حالانکہ قانون کے مطابق ایک اعتراض بیک وقت دو عدالتوں میں نہیں اٹھایا جا سکتا ،جبکہ خصوصی عدالت کو کینگرو کورٹ کا نام بھی دیا جارہا ہے جو شخص اس عدالت کے کارروائی کو نہ مانے تو عدالت اُس کے خلاف کارروائی کا حق رکھتی ہے ۔پراسیکیوٹر نے کہا کہ ملزم پرویز مشرف کو عدالت نے چھ مرتبہ طلب کیا لیکن وہ پھر بھی پیش نہیں ہوئے حالانکہ دنیا بھر میں عدالتی احکامات پر ہر صورت عمل ہوتا ہے ،مصر کے سابق صدر حُسنی مبارک کو سٹریچر پر لا کر عدالت پیش کیا گیا ،شطر الدین گاندھی کو بھی سٹریچر پر لا کر سندھ ہائی کورٹ میں پیش کیا گیا تھا ،ملزم کو یہ اختیار حاصل نہیں کہ عدالت اُس کا انتظار کرے اس کے بر عکس اگر کوئی شخص عدالت میں پیش نہیں ہوتا تو وہ اپنے حقوق کھو بیٹھتا ہے ۔اکرم شیخ نے عدالت عظمی کے 2007ء کے ایک کیس کا حوالہ دینے کے علاوہ اس ضمن میں پانچ مقدمات کا حوالہ دیتے ہوئے کہا کہ پیش نہ ہونے والا ملزم اپنے بنیادی حقوق کا دعویٰ نہیں کر سکتا ،یہ مقدمہ 13دسمبر سے شروع ہوا اب تک کئی سماعتیں ہو چکیں کبھی سیکورٹی تو کبھی بیماری کو جواز بنا کر ملزم پیش نہیں ہو ا۔لہذا میر ی استدعا ہے کہ ملزم پر خصوصی قوانین کے سب سیکشن 2اور سیکشن 6کا اطلاق کیا جائے ،سمن جاری ہونے کے بعد اگر وکلاء کی جانب سے وکلالت نامہ جمع کرایا جائے تو عدالت کو یہ اختیار بھی حاصل ہے کہ وہ وکالت نامہ منظور نہ کرے۔انھوں نے یہ اعتراض بھی اٹھایا کہ خصوصی عدالت کے دائرہ اختیار کا معاملہ کتنی عدالتوں میں چیلنج ہو گا اس عدالت کے پاس محدود اختیارات ہیں اگر دائرہ اختیار کو چیلنج کرنا ہے تو پھر وہ بھی قانون کے مطابق ہو گا مشرف کو پہلے پیش ہونا چاہیے ،آئین خصوصی عدالت کو یہ اختیار دیتا ہے کہ وہ آئین کی پاسداری کرے۔سماعت کے دوران وکیل صفائی رانا اعجاز نے کھڑے ہو کر الزام لگایا کہ سابق صدر کو میڈیا میں غدار کہا جارہا ہے عدالت اس امر کو بھی مد نظر رکھے ۔وکیل صفائی انور منصور نے کہا کہ ٹرائل شروع ہونے سے پہلے ہی پراسیکیوٹر نے پرویز مشرف کا میڈیا ٹرائل شروع کر دیا تھا، اکرم شیخ پراسیکوٹر نہیں بلکہ پر سکیوٹر کے طور پر کام کر رہے ہیں ۔اس پر جسٹس فیصل عرب نے استفسار کیا کہ وکلائے صفائی کی جانب سے نئی درخواست دائر کی گئی ہے اس پر انور منصور نے کہا کہ عدالتی دائرہ اختیا ربارے پہلے فیصلہ ہونا چاہیے جس پر جسٹس فیصل عرب نے کہا کہ آپ نے زبانی کہا ہے کہ اس کیس پر ضابطہ فوجداری کا اطلاق نہیں ہوتا لیکن ہم نے اُس پر فیصلہ جاری کر دیا ہے ،اس پر انور منصور نے کہا کہ خصوصی عدالت کو یہ اختیار نہیں ،نہ ہی یہ عام معاملہ ہے بلکہ ایک فرد کے بنیادی حقوق کا معاملہ ہے اگر ایک شخص کو گرفتار کر لیا جائے اور جلد ہی یہ ثابت ہو جائے کہ خصوصی عدالت کا قیام غیر قانونی ہے تو پھر کیا ہوگا ؟اس لیے پہلے خصوصی عدالت کے دائرہ اختیار کا فیصلہ ہونا چاہیے۔اس پر جسٹس فیصل عرب نے کہا کہ ہم نے پہلے کہا تھا کہ دائرہ اختیار پہلے طے کیا جائے گا ۔انور منصور نے کہا کہ اگر دائرہ اختیار اور عدالت کی تشکیل ہی غیر قانونی ہو تو پھر اُس کے کیے جانے والے تمام احکامات کو منسوخ کیا جاتا ہے۔ اُن کا کہنا تھا کہ چوہدری اسلم کو بلٹ پروف گاڑی میں ہونے کے باوجود قتل کر دیا گیا سابق صدر پرویز مشرف ہسپتال میں ہیں جہاں اُن کا علاج ہو رہا ہے۔اکرم شیخ نے کہا کہ میں نے یہ بات میڈیا پر آکر نہیں کہی کہ پرویز مشرف غدارہے میں ایک سینئر وکیل ہوں ،میرے دو بیٹے بیرسٹر ہیں وکیلوں کا احترام کرنا چاہیے ۔انور منصور نے عدالت کو بتایا کہ پرویز مشر ف کے علاج کیلئے بیرون ملک ڈاکٹرز سے علاج کیلئے وقت لیا ہے ہم یہ بھی کہتے ہیں کہ پراسیکیوٹر کی تقرری غیر قانونی ہے اور جب پراسیکیوٹر کی تقرری چیلنج کی جائے تو وہ دلائل نہیں دے سکتا ۔یہ عدالتی دائرہ اختیار پر ایک اور حملہ ہے ،پہلے یہ آپ ہی کا فیصلہ تھا کہ پہلے عدالتی دائرہ اختیار بارے فیصلہ دیا جائے ۔انور منصور نے کہا کہ میری درخواست کے تین پہلو ہیں جن میں ججز پر اعتراضات کے ساتھ ،پراسیکیوٹر کی تقرری اور خصوصی عدالت کے نوٹیفیکیشن کا اجراء شامل ہے جس پر عدالت نے اُن سے کہا کہ آپ تینوں پہلوؤں پر دلائل دے چکے ہیں ۔انو ر منصور نے کہا کہ میری درخواست پر دلائل مکمل ہیں لیکن خالد رانجھا کے دلائل ابھی باقی ہیں جبکہ میں نے اپنی درخواست پر مزید دلائل دینے ہیں ہمیں خصوصی عدالت کے 9جنوری کے فیصلے کی کاپی بھی فراہم نہیں کی گئی اس پر جسٹس فیصل عرب نے کہا کہ آپ کی یادداشت مجھ سے زیادہ ہے آپ نے خود کہا تھا کہ 9جنوری کے فیصلے کی کاپی رجسٹرار سے وصول کر لیں گے ،پرویز مشرف کی حاضری بارے تحریری درخواست دیں گے تو عدالت اُس پر عدالت مناسب فیصلہ کرے گی ۔ عدالت نے کہا کہ دو دن ماحول بہتر رہا لیکن آج پھر بد مزگی ہوئی اس پر اکرم شیخ کا کہنا تھا کہ بد مزگی میری طرف سے نہیں ہوئی کیونکہ میرا ایک گواہ پراسیکیوٹر اور دوسری عدالت ہے ۔ ایک اور وکیل صفائی ابراھیم ستی نے عدالت کو بتایا کہ ہم نے 31جولائی 2009ء کے عدالتی فیصلے پر نظر ثانی کیلئے سپریم کورٹ میں درخواست دائر کر دی ہے لہٰذا استدعا ہے کہ مقدمے کی سماعت ایک ہفتے کیلئے ملتوی کی جائے کیونکہ اگر درخواست پر فیصلہ ہوتا ہے تو 3نومبر کا اقدام موثر ہو جائے گا، درخواست پر نمبر لگ گیا ہے ،چیف جسٹس سے بھی استدعا کی گئی ہے کہ درخواست کی پہلے سماعت کی جائے عدالت خود کہہ چکی ہے کہ اُسے جلدی نہیں ،قانون کے مطابق اگر سپریم کور ٹ کے ٹیبل پر کوئی درخواست پڑی ہے تو دوسری عدالتوں کو سپریم کورٹ کا احترام کرتے ہوئے ایسے مقدمات کی سماعت کرنے سے گریز کرنا چاہیے۔ اس پر جسٹس فیصل عرب نے کہا کہ خصوصی عدالت کی کارروائی کے خلاف حکم امتناعی لے آئیں تو ہم تمام پہلوؤں کا جائزہ لیں گے اگر حکم امتناعی نہیں ملتا تو بتائیں کہ تب کیا ہوگا؟ اس پر ابراھیم ستی نے کہا کہ ایسی صورت میں خصوصی عدالت اپنی کارروائی جاری رکھے ، سپریم کورٹ کے 14رُکنی لارجر بینچ نے 3نومبر 2007ء کے اقدام پر فیصلہ دیا ہے جس میں کہیں بھی غداری کا لفظ استعمال نہیں ہوا ،ایمرجنسی وزیر اعظم کے انتہائی خفیہ خط کے بعد لگائی گئی اس پر عدالت نے کہا کہ ہم 31جولائی کے فیصلے کے خلاف نظر ثانی کی درخواست نہیں سُن رہے ۔انو ر منصور نے خصوصی عدالت کے دائرہ اختیار سے متعلق دلائل دیتے ہوئے مزید کہا کہ وفاقی حکومت کوئی بھی انتظامی اقدام صدر کے نام سے کرتی ہے لیکن خصوصی عدالت کی تشکیل کے حوالے سے جاری نوٹیفیکیشن میں صدر مملکت کا کہیں ذکر نہیں بلکہ صرف یہ کہا گیا ہے کہ وزیر اعظم نے چیف جسٹس سے مشاورت کے بعد خصوصی عدالت قائم کرنے کے احکامات دیئے ۔ وفاقی حکومت اپنی ذمہ داریاں وزیر اعظم سمیت وفاقی وزراء پر مشتمل پوری کابینہ کے ذریعے سرانجام دیتی ہے صرف وزیر اعظم وفاقی حکومت نہیں ہوتا ،جس پر جسٹس فیصل عرب نے کہا کہ کیا وہ یہ کہنا چاہتے ہیں کہ وفاقی حکومت نے نوٹیفیکیشن کی منظوری نہیں دی ۔انور منصور نے کہا کہ خصوصی عدالت کے قیام کیلئے پہلے کابینہ منظور ی دیتی ہے پھر سمری منظور ی کیلئے صدر مملکت کو ارسال کی جاتی ہے جس کے بعد اُس کا نوٹیفیکیشن جاری کیا جاتا ہے لیکن اس میں صدر مملکت کا نام تک شامل نہیں اور نہ صدر نے منظوری دی ہے ۔بعدازاں سماعت (آج) جمعہ تک کیلئے ملتوی کر دی گئی ۔ادھرانسداد دہشتگردی اسلام آباد کی خصوصی عدالت نے سابق صدر پرویز مشرف کو ایک دن کی عدالتی حاضری کی استثنیٰ درخواست منظور کرتے ہوئے انہیں 27جنوری کو عدالت میں طلب کر لیا ہے۔عدالت نے مختصر فیصلے میں قرار دیا ہے کہ آئندہ سماعت پر ملزم پرویز مشرف کی عدالت میں حاضری کو ہر صورت میں یقینی بنایا جائے۔جمعرات کے روز مقدمہ کی سماعت انسداد دہشتگردی اسلام آباد کی خصوصی عدالت کے جج عتیق الرحمن نے کی۔اس موقع پر سابق صدر کی جانب سے ان کے وکیل الیاس صدیقی ایڈووکیٹ عدالت میں پیش ہوئے جبکہ مدعی مقدمہ اسلم گھمن اور ان کے ساتھی وکلاء بھی عدالت میں پیش ہوئے۔سماعت کے موقع پر عدالت نے سابق صدر کی پیشی سے متعلق وکیل صفائی سے استفسار کیا جس پر الیاس صدیقی نے عدالت کو بتایا کہ سابق صدر اے ایف آئی سی میں زیر علاج ہیں جس کے باعث وہ عدالت میں پیش نہیں ہو سکتے جس پر مدعی مقدمہ چودھری اسلم گھمن کے وکیل نے مخالفت کرتے ہوئے کہا کہ سابق صدر کا کوئی میڈیکل سرٹیفکیٹ عدالت میں پیش نہیں کیا گیا اور دوسری جانب پرویز مشرف کے خلاف غداری کے مقدمہ کی سماعت کرنے والی خصوصی عدالت نے بھی انہیں میڈیکل کی بنیاد پر عدالتی استثنی دینے کی درخواستیں مسترد کر دی ہیں،ان کی بیماری اس نوعیت کی نہیں کہ وہ عدالت میں پیش نہ ہو سکیں، اس پر الیاس صدیقی ایڈووکیٹ نے فاضل عدالت کو بتایا کہ سیکیورٹی انتظامات سے بھی ان کے موٴکل مطمئن نہیں لہذا نہیں بیماری اور سیکیورٹی وجوہات کی بناء پر استثنی دیا جائے جس پر فاضل جج نے کہا کہ ابھی سیکیورٹی انتظامات کی ہدایات جاری کر دیتے ہیں جس کے بعد عدالت نے وفاقی پولیس کے افسران اور وزارت داخلہ کے حکام کو ہدایات جاری کیں کہ وہ سیکیورٹی انتظامات مکمل کرکے ملزم کی عدالت میں حاضری کو یقینی بنائیں۔اس کے بعد عدالت نے ساڑھے بارہ بجے تک سماعت ملتوی کرتے ہوئے وقفے کے بعد پرویز مشرف کو عدالت میں پیش کرنے کے احکامات جاری کیے۔وقفے کے بعدجب دوبارہ سماعت شروع ہوئی تو پرویز مشرف کے وکیل الیاس صدیقی ایڈووکیٹ نے عدالت کے روبرو پیش ہو کر استدعا کی کہ انہیں کچھ وقت دیا جائے تاکہ مناسب انتظامات مکمل کر لئے جائیں جس پر عدالت نے ان کی استدعا منظور کرتے ہوئے مقدمہ کی سماعت 27جنوری تک ملتوی کرتے ہوئے ہدایات جاری کی ہیں کہ آئندہ سماعت پر ملزم کو ہرصورت عدالت میں پیش کیا جائے۔جبکہ اسلام آباد ہائی کورٹ نے سابق صدر پرویز مشرف کی خصوصی عدالت میں پیشی کے بارے میں خصوصی عدالت کے حکم کو روکنے اور انہیں حاضری سے استثنیٰ دینے کی درخواست مستردکردی ہے ، جسٹس ریاض احمد خان نے سماعت کی۔درخواست گزار نے موقف اختیار کیا تھا کہ سابق صدر پرویز مشرف شدید علیل ہیں اور بیماری کے باعث وہ عدالت میں حاضر نہیں ہوسکتے اس لئے استثنیٰ دی جائے جس پر کیس کی سماعت کرتے ہوئے جسٹس ریاض احمد خان نے ریمارکس دیتے ہوئے کہا کہ خصوصی عدالت کے احکامات ہائی کورٹ میں تبدیل نہیں ہوسکتے جس پر مشرف کے وکیل چوہدری فیصل نے کہا کہ سیکشن 12 کے تحت خصوصی عدالت کے احکامات تبدیل نہیں کئے جائیں ۔ سابق صدر پرویز مشرف کے وکلاء کی ٹیم نے انٹرا کورٹ اپیل بھی دائر کی تھی جس میں خصوصی عدالت کی تشکیل اور پراسکیوٹر جنرل کی تقرری کو چیلنج کیا گیا تھا اور تین رکنی ججز بینچ پر بھی اعتراض اٹھائے تھے جس کی سماعت ہائی کورٹ کے دو رکنی بینچ کررہا تھا جس میں جسٹس شوکت عزیز صدیقی اور جسٹس نور الحق قریشی تھے ۔ مشرف کے وکلاء کی جانب سے اعتراض اٹھائے جانے پر جسٹس شوکت عزیز صدیقی نے بینچ سے خود کو علیحدہ کردیا ۔بعد ازاں حاضری سے استثنیٰ کی درخواست پر عدالت نے حکم دیا کہ خصوصی عدالت سے ہی رجوع کیا جائے، سیکشن 12کے تحت ہائی کورٹ خصوصی عدالت کا کوئی حکم نامہ منسوخ نہیں کرسکتی جبکہ دوسری جانب مشرف کے وکلاء نے موقف اپنایا کہ خصوصی عدالت کے حکم نامے کو ترمیم کیاجاسکتا ہے جس پر جسٹس ریاض احمد خان پر مشتمل سنگل بینچ نے فیصلہ سنایا کہ خصوصی عدالت سے ہی رجوع کریں کیونکہ خصوصی عدالت کے معاملات میں ہائی کورٹ مداخلت نہیں کرسکتی ۔ مشرف کے وکلاء نے میڈیا کو بتایا کہ اسلام آباد ہائی کورٹ میں چیف جسٹس کی عدالت میں اپیل دائر کی جاسکتی ہے ۔جمعہ 17 جنوری 2014 کی مزید خبریں
-
شارجہ :پاکستان اور سری لنکا کے درمیان آخری اور فیصلہ کن ٹیسٹ کا پہلا دن ، سری لنکا نے 5وکٹوں پر 220رنز بنا لئے ، سنگاکارا کی ففٹی ، سعید اجمل کی 2وکٹیں ، کھیل کے اختتام پر کپتان میتھیوز 24اور بی جے وردھنے ... مزید
-
ایشیا کپ بنگلہ دیش میں کھیلا جائے گا ، ا ے سی سی نے حتمی فیصلہ کرتے ہوئے شیڈول کا اعلان کردیا ،پاکستان اپنا پہلا میچ سری لنکا کیخلاف 25 فروری کو کھیلے گا جبکہ روایتی حریف بھارت سے قومی کرکٹ ٹیم کا ٹاکرا ... مزید
-
میری بحالی ملک میں آزاد عدلیہ ہونے کا ثبوت ہے ، چوہدری ذکاء اشرف ، نواز شریف نے مجھے نہیں ہٹایا ، پیٹرن چیف ہیں ان کے ساتھ مل کر کام کرونگا ، کرکٹ میں کوئی سیاست نہیں ہوتی ، مستعفی نہیں ہونگا ، کوشش ... مزید
-
حکومت نے 2کروڑ روپے کی مالی گرانٹ جاری نہ کی تو پاکستان اذلان شاہ ہاکی کپ میں شرکت نہیں کر سکے گا ، ایشین گیمز میں شرکت کے حوالے سے حتمی فیصلہ حکومت کرے گی، اولمپین رانا مجاہد ،مالی بحران کے خاتمے ... مزید
-
پاک بھارت جوڑی آسٹریلین اوپن کے دوسرے راؤنڈ میں پہنچ گئی ،اعصام الحق اور روہن بھوپنا کی جوڑی نے فرانس اور آسٹریلوی کھلاڑیوں پر مشتمل جوڑی کو 2-1 سے شکست دی
-
سابق ورلڈ چیمپئن روس کی ماریہ شراپوا آسٹریلین اوپن کے تیسرے راوٴنڈ میں پہنچ گئیں
-
خیبر پختونخوااولمپک ایسوسی ایشن کی آئینی کمیٹی نے صوبائی اولمپک ایسوسی ایشن کے آئین میں کچھ ضروری ترامیم کرکے نئی آئین کی کاپیاں خیبر پختونخواکے تمام کھیلوں کی ایسوسی ایشنز کو ارسال کردی ،منظوری ... مزید
-
صدر مملکت نے سلمان بٹ کو نیا اٹارنی جنرل آف پاکستان تعینات کر دیا
-
وفاقی کابینہ میں تین وفاقی وزراء شامل،صدر مملکت سے وزراء اور وزیر مملکت سے حلف اٹھا لیا
-
صدر سردار یعقوب کی آزاد کشمیر کو پاکستان کا چھٹا صوبہ قرار د ینے سے متعلق خبروں کی تردید،حکومتی سطح پر ایسی کوئی تجویز زیر غور نہیں، آزاد کشمیر اور گلگت بلتستان اور مقبوضہ کشمیر اقوام متحدہ کی قرار ... مزید
-
صہبا مشرف نے ڈاکٹروں سے اجازت حاصل کرلی،نحوست ٹالنے کا نسخہ جلد استعمال کریں گی،ذرائع
-
سابق چیف جسٹس افتخارچوہدری کوبلٹ پروف گاڑی مہیاکردی گئی
-
پھالیہ،خون سفید ہوگیا، حصہ مانگنے پر بڑے بھائی کو اینٹوں اور ڈنڈوں کے وار کرکے موت کے گھاٹ اتار دیا
-
نواب شاہ، حادثے کامقدمہ 30گھنٹے تاخیرکے بعدڈمپراوروین ڈرائیورکے خلاف درج
-
ایم ڈی سوئی نادرن کی وضاحت کے بعدپی اے سی نے شریف فیملی کی شوگرمل میں گیس چوری کامعاملہ نمٹادیا
-
کراچی ،وفاقی وزیر خزانہ نے ایف آئی اے کے رویئے سے پریشان ایکسچینج کمپنیوں کی شکایت کا نوٹس لے لیا ،جو بھی تحقیقات کی جائیں اس میں قواعد و ضوابط کا مکمل خیال رکھا جائے اور اسٹیٹ بینک کے اہلکاروں کی ... مزید
-
اسلام آباد ہائی کورٹ نے اکاؤنٹنٹ جنرل آف پاکستان طاہر محمود کو ان کے عہدے پر بحال کردیا ،سیکرٹری اسٹیبلشمنٹ ، سیکرٹری فنانس اور آڈیٹر جنرل سے چودہ روز میں جواب طلب
-
سپریم کورٹ نے کراچی میں رحمان قتل کیس میں کمیشن بنانے سے انکار کردیا ،کمیشن کا قیام حکومت کا کام ہے ، عدالت کا نہیں ، کراچی جیسے پرامن شہر میں لاقانونیت بڑھنے سے عوام میں عدم تحفظ کا احساس بڑھنا فطری ... مزید
-
کراچی میں ٹارگٹیڈ آپریشن ہر حال میں جاری رہے گا ،شرجیل میمن،جرائم پیشہ عناصر و دہشتگردوں کے خاتمے تک سندھ حکومت چین سے نہیں بیٹھے گی،صوبائی وزیر اطلاعات
-
نواز شریف مریم نواز نے ہمیں یقین دہانی کروائی تھی کہ 2014ء کا سورج ڈاکٹر عافیہ پاکستان دیکھیں گی ، مشرف نے عافیہ کو ایک بار بیچا تھا جبکہ جمہوری حکومتوں نے بار بار بیچا،فوزیہ صدیقی اور آمنہ مسعود جنجوعہ ... مزید
-
عراق میں جنگ کے باقاعدہ خاتمے کا بل امریکی سینیٹ میں پیش،جنگ حصہ رہنے والوں کی اجرت کے معاملات پر حکام کا اختیار ختم ہو جائے گا،بل ریپبلکن سینیٹر رانڈ پاول نے پیش کیا
-
ریاض، 2014ء کیلئے شاہ فیصل انٹرنیشنل پرائز کا اعلان ،سائنس (میتھمیٹکس) میں شاہ فیصل انعام جرمنی کے پروفیسر گرڈ فالٹنگز کو دیا گیا
-
طالبان کے ہاتھوں مغوی امریکی فوجی کی ویڈیو برآمد،زندہ ہونے کی تصدیق
-
آسٹریلیا میں شدید گرمی سے لوگ بلبلا اٹھے ، سینکڑوں مقامات پر آگ لگ گئی
-
مشرقی لبنان میں کار بم دھماکہ،تین افراد ہلاک،20زخمی
-
بھارت ، نئی دہلی میں غیر ملکی خاتون اجتماعی زیادتی کیس میں پولیس کے مزید 6افراد کی تلاش کیلئے چھاپے
-
نیوزی لینڈ کی چوٹی ماؤنٹ کک سکڑنے لگی
-
اردنی شاہ کی اسرائیلی وزیر اعظم سے ملاقات ، مشرق وسطیٰ امن عمل پر تبادلہ خیال
-
یمن،القاعدہ کے حملے میں 10فوجی ہلاک ،متعدد حملہ آور بھی ہلاک
-
وسطی افریقین جمہوریہ،تشدد میں 7افراد ہلاک
-
انڈونیشیا ، بارشوں اور لینڈ سلائیڈنگ کے نتیجے میں 13افراد ہلاک ، ہزاروں بے گھر ،بے گھر افراد کو محفوظ مقامات کی جانب منتقل کیا جارہا ہے ،لاپتہ افراد کی تلاش جاری ہے ، ترجمان
-
بھارت اور سری لنکا نے چار سو ماہی گیر رہا کرنے پر اتفاق کرلیا ، اتفاق رائے سری لنکن وفد کی حالیہ دورہ بھارت کے دوران بھارتی وزیر زراعت اور وزیر خارجہ سے ملاقات کے دوران ہوا
-
پشاور،تبلیغی مرکز پر بم دھماکہ، 9افراد جاں بحق ،50 زخمی ،دھماکے کی شدت سے مرکز کا گیٹ تباہ،دیواروں و عمارت کو نقصان ، دھماکہ ٹائم ڈیوائس کے ذریعے کیاگیا ، پانچ کلوگرام بارودی مواد کا استعمال ہوا،میں ... مزید
-
پرویز مشرف غداری کیس کی سماعت،خصوصی عدالت نے اے ایف آئی سی کے ماہر ڈاکٹروں کو بورڈ بنانے کا حکم دیدیا،بورڈ 24جنوری تک اپنی رپورٹ دے گاپھر مزید استثنیٰ کے حوالہ سے فیصلہ کیا جائے گا ، پہلے عدالت کے ... مزید
-
وزیر اعظم سے وزیر داخلہ کی ملاقات ، کراچی سمیت ملک میں امن وامان کے حوالے سے بریفنگ دی ،وزیر اعظم محمد نوازشریف کا کراچی میں امن وامان کے قیام کیلئے جاری آپریشن پر اطمینان کا اظہار ، طالبان سے مذاکرات ... مزید
-
سپریم کورٹ آئین وقانون کی محافظ ہے،چیف جسٹس ،آئینی اور قانونی امور کی تشریح سے متعلقہ ایم مقدمات کی خصوصی طور پر سماعت کی جارہی ہے،معاشرے کی پیدا ہونے والی نئی ترجیحات اور حقائق کو مدنظر رکھتے ہوئے،سپریم ... مزید
-
قومی سلامتی پالیسی تیاری کے آخری مراحل میں ہے: چوہدری نثار
-
طالبان سے مذاکرات کا فیصلہ متفقہ ہے،اپوزیشن طالبان سے مذاکرات میں مثبت کردار ادا کرے،امن قائم کرنا حکومتوں کی ذمہ داری ہے،پرویز رشید
-
پاکستان نے بھارتی آرمی چیف کے پاکستان کے خلاف بیان کو اشتعال انگیزقرار دیدیا، اس قسم کے بیانات اور دعوے کرنے سے حالات خراب ہوتے ہیں،ہم لائن آف کنٹرول پر امن چاہتے ہیں،توقع ہے کہ بھارت کنٹرول لائن ... مزید
-
ای سی سی کا یوریا کھاد کے ہر بیگ پر 741روپے سبسڈی دینے کا فیصلہ ،کسانوں کو یوریا کھاد 1786روپے فی بیگ دستیاب ہوگی، 10سالہ رعایتی مدت کے دوران جتنے دن سوئی نادرن نے گیس فراہم نہیں کی اتنے دنوں تک مزید رعایت ... مزید
-
اسلام آباد،جرمن چانسلر انجیلا مرکل کا وزیراعظم نواز شریف کو ٹیلی فون،باہمی دلچسپی کے امور پر تبادلہ خیال ،جرمنی کے دورہ کی دعوت
-
پی اے سی کا اسٹیبلشمنٹ ڈو یژن کی جانب سے بعض کیسز کا ریکارڈ پیش نہ کیے جانے پر برہمی کا اظہار، ریکارڈ جان بوجھ کر جلا دیا جاتا ہے،، ریکارڈ نہ ہونا مجرمانہ غفلت ہے، رولنگ دینے کا فیصلہ، 37 ارب کا منصوبہ ... مزید
-
توانائی بحران کا حل ایل این جی کی درآمد میں ہے ، شاہد خاقان عباسی ، ملک میں گیس کی پیداوار اور استعمال کے حوالے سے جائزہ رپورٹ تیار کی جارہی ہے جو جلد پیش کردی جائے گی،ایل این جی درآمد سے ملک میں سو ... مزید
-
پاک فضائیہ کا فائٹر معراج طیارہ پھالیہ کے نزدیک آگ لگنے کی وجہ سے فضا میں پھٹ گیا،دو مرد مجاہد جوانوں نے جام شہادت نوش کر لیا
-
پاکستان کی امداد شکیل آفریدی کی رہائی سے مشروط کی جا ئے، امریکی کانگریس میں بل پیش ،شکیل آفریدی کی رہائی اور اسامہ بن لادن کی تلاش میں ان پر امریکہ کی مدد کرنے سے متعلق عا ئد الزامات واپس لیے جانے ... مزید
-
نواب شاہ ،ٹریفک حادثے میں جاں بحق 21 بچوں ، دو اساتذہ اور وین ڈرائیور کی نماز جنازہ دولت پور کے مین بازار میں ادا کی گئی، دولت پور شہر مکمل طور پر بند رہا، ہزاروں شہری نماز جنازہ میں شریک ہوئے، رقت ... مزید
-
نیپرا نے بجلی کی قیمتوں میں ایک روپے ایک پیسے فی یونٹ بجلی مہنگی کرنے کی منظوری دیدی،اضافے کا اطلاق یکم فروری سے ہوگا،اطلاق کے ای ایس پیسکو اور 50 یونٹ استعمال کرنے والے گھریلو صارفین پر نہیں ہوگا
-
سپریم کورٹ کا کنٹونمنٹ بورڈز کے انتخابات نہ کرانے پر وفاقی حکومت کے جواب پر عدم اطمینان کا اظہار، وزارت قانون سے تحریری جواب طلب،قانون سازی میں تاخیر کا معاملہ وزیراعظم کے فوری طور پر نوٹس میں لانے ... مزید
-
اسلام آباد،پاکستان تحریک انصاف کی مرکزی مجلس عاملہ کا اجلاس ،پشاور تبلیغی مرکز پر دہشتگردی سمیت صوبے میں دہشتگردانہ کاروائیوں کی مذمت ،سابق ایس پی، سی آئی ڈی چودھری اسلم اور اعتزاز حسن کو زبردست ... مزید
-
پرویز مشرف کے ذاتی معالج کا سابق صدر کو تحریری خط ، فوری طور پر امریکہ بھجوانے کی تجویز ،2006ء کو مشرف کے دل کا معائنہ کیا گیا تو وہ نارمل تھی مگر اب آنے والی رپورٹس کی روشنی میں حالت انتہائی تشویشناک ... مزید
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.