طاقت سے کبھی مسائل حل نہیں کیے جا سکتے ،مذاکرات ضروری ہیں،سید منورحسن ،ملک میں قیامِ امن کے لیے حکومت دہشت گردی کے خلاف امریکی جنگ سے باہر آئے،علم اور دہشت گردی ایک دوسرے کی ضد ہیں،جہاں علم ہوگا وہاں دہشت گردی کو فروغ نہیں مل سکتا،حکیم محمود احمد برکاتی نے پوری زندگی انسانیت کی خدمت کی ہے،تعزیتی جلسہ عام سے خطاب

جمعرات 16 جنوری 2014 04:17

اسلام آباد(اُردو پوائنٹ اخبار آن لائن۔16جنوری۔2013ء)امیرجماعت اسلامی پاکستان سید منورحسن نے کہا ہے کہ طاقت سے کبھی مسائل حل نہیں کیے جا سکتے ،دہشت گردی کو مذاکرات نے ہی شکست دی ہے،ملک میں قیامِ امن کے لیے ناگزیر ہے کہ حکومت دہشت گردی کے خلاف امریکی جنگ سے باہر آئے،علم اور دہشت گردی ایک دوسرے کی ضد ہیں،جہاں علم ہوگا وہاں دہشت گردی کو فروغ نہیں مل سکتا،حکیم محمود احمد برکاتی نے پوری زندگی انسانیت کی خدمت کی ہے۔

ان خیالات کا اظہار انہوں نے گزشتہ روز علامہ حکیم ڈاکٹر سید محمود احمد برکاتی شہید کی یاد میں جمعیت الفلاح صدر میں منعقدہ تعزیتی جلسہ عام سے خطاب کرتے ہوئے کیا۔تعزیتی جلسہ سے جمعیت الفلاح کے صدر مظفر احمد ہاشمی ،نائب صدر پروفیسر ڈاکٹر وقار احمد زبیری،،سیکریٹری حکیم مجاہد محمود برکاتی،جناح یونیورسٹی کے وائس چانسلر ڈاکٹر عبد الوہاب،ہمدرد یونیورسٹی کے سربراہ ڈاکٹر عبد الحنان،معروف ادیب پروفیسر ڈاکٹر معین الدین عقیل،دانشور راشد شیخ،شکیل خان،پروفیسرمنورشیخ، اور دیگر نے خطاب کیا۔

(جاری ہے)

اس موقع پر جماعت اسلامی کراچی کے امیر حافظ نعیم الرحمن،سیکریٹری عبد الوہاب ،سابق امیر محمد حسین محنتی اور دیگر بھی موجود تھے۔تعزیتی جلسے سے خطاب کرتے ہوئے مقررین نے علامہ حکیم ڈاکٹر سید محمود احمد برکاتی شہید کی حیات و خدمات پر تفصیلی روشنی ڈالتے ہوئے شہید کی خدمات کو زبردست خراج تحسین پیش کیا اور کہا کہ محمود احمد برکاتی شہیدعلم کا چشمہ اور فیض کا دریا تھے، انہوں نے طب کے شعبے میں جو خدمات انجام دی ہیں انھیں تادیر یاد رکھا جائے گا۔

وہ ایک وسیع القلب انسان تھے۔ دہشت گردوں نے انہیں شہید کر کے علم کے ایک روشن چراغ کو گل کیا ہے ۔المیہ یہ ہے کہ ایک سال گزرنے کے باوجود اب تک ان کے قاتل گرفتار نہیں کیے جا سکے۔سید منورحسن نے خطاب کرتے ہوئے کہا کہ سید محمود احمد برکاتی نے پوری زندگی انسانیت کی خدمت کی اور 90سال کی عمر میں شہید کر دیئے گئے،ان کا قتل ایک فرد نہیں ایک روایت اور عہد کا قتل ہے،جس کی جتنی مذمت کی جائے کم ہے۔

انہوں نے کہا کہ اس وقت پورا ملک دہشت گردی کی لپیٹ میں ہے ،دہشت گرد کھلے عام دندناتے پھر رہے ہیں،جب کہ دوسری جانب یہ بحث چھڑی ہوئی ہے کہ مذاکرات کیے جائیں یا نہیں،حقیقت یہ ہے کہ پوری دنیا کے تجربے کا نچوڑ یہ ہے کہ مذاکرات ہی سے معاملات حل کیے جاتے ہیں،طاقت سے مسائل حل نہیں ہوتے ،بڑی سے بڑی جنگ بھی مذاکرات کی میز پر ہی ہاری یا جیتی گئی ہے۔

کسی زمانے میں نیلسن منڈیلا اور یاسر عرفات بھی دہشت گرد تھے مگر ان سے مذاکرات کیے گئے،خود برطانوی حکومت نے آئرش آرمی سے مذاکرات کیے اور آج وہاں امن ہے۔سید منورحسن نے کہا کہ پاکستان میں فوجی آپریشن سے ہمیں جو تجربہ ہوا ہے وہ کم ہی کسی قوم کو ہواہوگا۔ ہم نے بنگلہ دیش میں طاقت کے استعمال کا نتیجہ دیکھ لیا اس کے باوجود آج بلوچستان میں پانچواں فوجی آپریشن جاری ہے ،سوات اور فاٹا میں آپریشن کیا گیا،اگر سوات میں آپریشن کامیاب ہوگیا ہے تو وہاں سے فوج واپس کیوں نہیں بلائی جاتی۔انہوں نے اس کہا کہ پاکستان میں دہشت گردی کو ختم کرنے لیے دہشت گردی کے خلاف جاری امریکی جنگ سے باہر آنا ہوگا۔

Facebook Twitter Google + Share on Whatsapp

مزید متعلقہ خبریں پڑھئیے‎ :

میری تو خواہش تھی یہاں پر عوامی اجتماع سے خطاب کرتا ،کچھ وجوہات کی بناء پر ایسا ممکن نہیں ہو سکا‘ ابراہیم رئیسی

منگل 23 اپریل 2024 - 16:38

ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ

منگل 23 اپریل 2024 - 16:27

نیا آئی ایم ایف بیل آؤٹ جولائی تک متوقع، پاکستانی و زیر خزانہ

منگل 23 اپریل 2024 - 16:20

کسی سے کوئی خفیہ مذاکرات نہیں ہورہے‘ مذاکرات کا کوئی پیغام آیا تو سب کو آگاہ کریں گے.بیرسٹر گوہر

منگل 23 اپریل 2024 - 16:12

امریکی محکمہ خارجہ نے دنیا بھر میں انسانی حقوق کی صورتِ حال پر سالانہ رپورٹ جاری کر دی

منگل 23 اپریل 2024 - 15:22

ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ

منگل 23 اپریل 2024 - 14:56

مزید متعلقہ خبریں پڑھئیے‎ :

متعلقہ عنوان :

جمعرات 16 جنوری 2014 کی مزید خبریں