یوتھ فیسٹیول میں اس بار سو ورلڈ ریکارڈز بنائے جائیں گے،صوبائی وزیر کھیل رانا مشہود

جمعہ 3 جنوری 2014 07:40

لاہور(اُردو پوائنٹ اخبار آن لائن۔3جنوری۔2014ء) صوبائی وزیر کھیل رانا مشہود کا کہنا ہے کہ یوتھ فیسٹیول میں اس بار سو ورلڈ ریکارڈز بنائے جائیں گے۔

(جاری ہے)

نیشنل ہاکی اسٹیڈیم لاہور میں پریس کانفرنس کرتے ہوئے رانا مشہود کا کہنا تھا کہ اس بار یوتھ فیسٹول کے پہلے مرحلے میں بارہ لاکھ شہریوں نے حصہ لیا جو گزشتہ برس محض اڑھائی لاکھ تھے۔ انہوں نے کہا کہ انٹرنیشنل کرکٹ کی بحالی کے لیئے انٹرنیشنل کرکٹرز کو بھی فیسٹیول میچ میں بلایا جائے گا۔ رانا مشہود کا کہنا تھا کہ بسنت کے حوالے سے قانون سازی کی جا رہی ہے اور حکومتی منظور شدہ ڈور کے علاوہ ڈور استعمال کرنے والے کو دس سال قید کی سزا بھی ہوسکتی ہے۔

متعلقہ عنوان :