نواز شریف کی جائیدادیں اور کارنامے سامنے آنے چاہئیں،سابق وزیراعظم اور ان کا خاندان کرپشن کی بہت بڑی داستان ہے،فواد چودھری
اسحاق ڈار 6 ہزار کروڑ کی کرپشن میں ملوث ،انہیں شاہد خاقان عباسی نے اپنے طیارے میں فرار کرایا،سابق چیف جسٹس افتخار محمد چوہدری ہاؤسنگ سکیم کے سکینڈل میں ملوث ہیں، نیب انہیں فوری گرفتار کرے ،سابق جج ہونے کی بنیاد پر انہیں رعایت نہیں دی جا سکتی،بیورو کریسی میں ٹرانسفرز اور پوسٹنگ کو مسترد کرتے ہیں،تحریک انصاف کی ٹکٹوں کی تقسیم مکمل ہو چکی ہے،پولنگ کا وقت صبح 7 بجے سے رات 8 بجے تک کیا جائے، سیکرٹری اطلاعات پی ٹی آئی کی پریس کانفرنس
پیر 25 جون 2018 20:51
(جاری ہے)
انہوں نے کہا کہ نواز شریف کی نئی پراپرٹیز کے بارے میں انکشاف ہوا ہے، اینٹ اٹھاؤ تو نواز شریف کی جائیداد نکل آتی ہے۔انہوں نے کہا کہ نواز شریف کی برطانیہ، سوئٹزر لینڈ، متحدہ عرب امارات، قطر اور سعودی عرب میں جائیدادیں ہیں، نواز شریف اور ان کا خاندان کرپشن کی ایک بہت بڑی داستان ہے۔
سابق وزیراعلیٰ پنجاب کو تنقید کا نشانہ بناتے ہوئے فواد چودھری نے کہا کہ شہباز شریف نے کمپنیز کا ڈھکوسلا بنایا تھا، تمام کمپنیوں میں کرپشن سامنے آئی ہے۔انہوں نے کہا کہ عمران خان اور تحریک انصاف کلثوم نواز کی صحتیابی کے لیے دعا گو ہیں لیکن کیا ایک خاندان کو اجازت دی جا سکتی ہے کہ 30 ہزار کروڑ روپے اٹھا کر کے باہر لے جائے۔سابق وزیر خزانہ اسحاق ڈار کے حوالے سے بات کرتے ہوئے ترجمان تحریک انصاف نے کہاکہ اگر بے شرمی کی تصویر دیکھنی ہو تو اسحاق ڈار کو دیکھ لیں، اسحاق ڈار 6 ہزار کروڑ کی کرپشن میں ملوث ہیں اور انہیں شاہد خاقان عباسی نے اپنے طیارے میں فرار کرایا۔انہوں نے شاہد خاقان عباسی اور فواد حسن فواد کو طلب کر کے ملزم کو فرار کرانے کا مقدمہ درج کرنے کا مطالبہ بھی کیا۔سابق چیف جسٹس افتخار محمد چوہدری کو تنقید کا نشانہ بناتے ہوئے انہوںنے کہا کہ سابق چیف جسٹس ہاؤسنگ سکیم کے اسکینڈل میں ملوث ہیں، نیب انہیں فوری گرفتار کرے کیونکہ سابق جج ہونے کی بنیاد پر انہیں رعایت نہیں دی جا سکتی۔انہو ں نے کہاکہ احتساب کے عمل کی شفافیت کیلئے سب کا احتساب ضروری ہے، نجی ہاؤسنگ سوسائٹی میں فراڈ کا شکار ہونے والے دھکے کھا رہے ہیں۔انہوں نے الزام عائد کیا کہ سابق چیف جسٹس افتخار محمد چوہدری کا خاندان فراڈ میں ملوث ہے ،تحریک انصاف متاثرین کے ساتھ کھڑی ہے، اگر متاثرین کو انصاف نہ ملا تو نیب کو شک کی نظر سے دیکھیں گے۔ترجمان پی ٹی آئی نے بیورو کریسی میں ٹرانسفرز اور پوسٹنگ کو مسترد کرتے ہوئے کہا کہ اہم پوزیشنز پر تعینات افسروں کے بارے میں سب کو علم ہے۔انہوں نے کہا کہ نواز شریف کے گھر کے لوگوں سے مشورے لے کر تعیناتیاں کی گئیں، ڈی جی اینٹی کرپشن مظفر رانجھا کو ہٹایا نہیں گیا جب کہ رانا مقبول اور ذوالفقار چیمہ نواز شریف کے گھر کے لوگ ہیں۔انہوں نے کہا کہ زیادہ عرصے سے تعینات افراد کو دوسرے صوبوں میں نہیں بھجوایا گیا، سندھ اور خیبر پختونخوا میں بھی یہی حال ہے۔انہوں نے کہا کہ لگتا ہے نگراں حکومت نے تبادلوں سے قبل ہوم ورک نہیں کیا، کرپشن میں ملوث افسران کو ڈی سی لگا دیا گیا ہے۔انہوں نے کہا کہ تحریک انصاف کی ٹکٹوں کی تقسیم مکمل ہو چکی ہے ۔فواد چودھری نے کہا کہ ہم مطالبہ کرتے ہیں کہ پولنگ کا وقت صبح 7 بجے سے رات 8 بجے تک کیا جائے۔مزید اہم خبریں
-
عمران خان سمیت ہرقیدی بنیادی انسانی حقوق اور قانونی تحفظ کا حقدار ہے، امریکہ
-
گوادر میں حفاظتی باڑ لگانے کے سرکاری منصوبے پر خدشات
-
نسل پرستی اور غربت میں باہمی تعلق ہے، جرمن مطالعے کے نتائج
-
فرانسیسی دستے یوکرین بھیجے گئے تو روسی فوج کا جائز ہدف ہوں گے، ماسکو
-
ملک میں مایوسی کا عالم ہے، پی ٹی آئی اپنی پرامن جدوجہد جاری رکھے گی
-
اقتصادی رابطہ کمیٹی کی وزیراعظم آفس کی تزئین و آرائش اور ملازمین کو اضافی الاﺅنس دینے کے لیے147ارب روپے کی منظوری
-
حکومت پنجاب کا شہریوں کیلئے بڑا ریلیف، آٹے کے تھیلوں کے قیمت میں ریکارڈ کمی کردی
-
رفح حملے پر خدشات، اسرائیل کو امریکی بموں کی ترسیل معطل
-
عمران خان نے ہمیشہ درس دیا کہ قانون کی عملداری سے ہی ملک ترقی کرے گا
-
پاکستان کی تاریخ کے بدترین سانحہ 9 مئی کو کل
-
9 مئی پاکستان کی تاریخ کا سیاہ ترین دن ہے، یوسف رضا گیلانی
-
بطور اپوزیشن لیڈر میں ڈی جی آئی ایس پی آر کی پریس کانفرنس کو مسترد کرتا ہوں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.