گزشتہ مالی سال کے ابتدائی گیارہ مہینوں میں ٹیکسٹائل کی برآمدت کاحجم 11 ارب 23 کروڑ 30 لاکھ ڈالر ریکارڈ

پیر 25 جون 2018 15:10

اسلام آباد(اُردو پوائنٹ اخبارتازہ ترین - آن لائن۔ 25 جون2018ء) مالی سال 2017-18 کے پہلے گیارہ ماہ کے دوران ٹیکسٹائل کی قومی برآمدات میں مجموعی طورپر 9.8 فیصد کے اضافے سے برآمدات کا حجم 12 ارب 23کروڑ 60 لاکھ ڈالر سے بڑھ گیا جبکہ گزشتہ مالی سال کے ابتدائی گیارہ مہینوں میں ٹیکسٹائل کی برآمدت کاحجم 11 ارب 23 کروڑ 30 لاکھ ڈالر ریکارڈ کیا گیا تھا۔

(جاری ہے)

ادارہ شماریات پاکستان کے اعداد وشمار کے مطابق گزشتہ مالی سال کے مقابلہ میں جاری مالی سال کے دوران ٹیکسٹائل گروپ کی برآمدات میں سب سے زیادہ اضافہ نیٹ ویئرز کی برآمدات میں ہوا جو 16.8 فیصد کے اضافہ سے 2ارب 10کروڑ 70 لاکھ ڈالر کے مقابلہ میں 2 ارب 46 کروڑ 10 لاکھ ڈالر تک بڑھ گئیں۔

اسی طرح تیار ملبوسات کی برآمدات میں بھی 13 فیصد کے اضافہ سے برآمدات 2ارب 34 کروڑ 60 لاکھ ڈالر تک پہنچ گئیں جو گزشتہ مالی سال میں 2 ارب 7کروڑ 60لاکھ ڈالر رہی تھیں۔ پی بی ایس کے مطابق رواں مالی سال میں سب سے کم اضافہ تو لیہ کی برآمدات میں ریکارڈ کیا گیا اور تولیہ کی برآمدات میں 1.7 فیصد کا اضافہ ہوا اور برآمدات کی مالیت 72 کروڑ 50لاکھ ڈالر کے مقابلہ میں 73 کروڑ 70لاکھ ڈالر تک پہنچ گئی۔۔