طارق خوشحال نوشہروی کا نیا آڈیو کیسٹ،،قبراں تے روئیے دیوے بال کے،،مکمل ہوگیا

اتوار 24 جون 2018 13:30

لاہور(اُردو پوائنٹ اخبارتازہ ترین - آئی این پی۔ 24 جون2018ء) مشہور زمانہ گیت ،،کتھے اج چلی ایں گلابی سوٹ پاکے،،کو گا کر شہرت حاصل کرنے والے نوجوان نسل کے نمائندہ گلوکار طارق خوشحال نوشہروی کا نیا آڈیو کیسٹ،،قبراں تے روئیے دیوے بال کے،،مکمل ہوگیا۔جس کی ریکارڈنگ گزشتہ روز مقامی ریکارڈنگ اسٹوڈیو میں کی گئی ۔

(جاری ہے)

اس آڈیو کیسٹ کے لئے گیت ایم اے تبسم،ارشاداحمدانصاری ،سروربیگ پوری،نزاکت علی گورائیہ ،ساحرقریشی نے لکھے ہیں۔

جبکہ اس آڈیوکیسٹ کی موسیقی استاد مبشر علی نے مرتب کی ہے۔اس آڈیوکیسٹ میں دکھی گیتوں کیساتھ ساتھ رومانٹک گیت بھی شامل کئے گئے ہیں۔جو فوک موسیقی سننے والوں کے لئے ایک اچھا اضافہ ہے۔جو عوام کو بہت پسند آئینگے۔معروف گلوکارطارق خوشحال نوشہروی نے بتایا کہ میرا نیا آڈیوکیسٹ میری کامیابی میں اہم سنگ میل ثابت ہوگا۔انہوں نے بتایا کہ مجھے اپنے نئے آڈیو کیسٹ سے بہت سی امیدیں وابستہ ہیں۔