جتنے بھی ازخود اقدامات لیے ہیں وہ سب بنیادی حقوق سے متعلق ہیں، جسٹس میاں ثاقب نثار
بنیادی حقوق کا نفاذ آئین کے آرٹیکل 184(3)کے تحت اعلیٰ عدلیہ اور عدالت عظمیٰ کے حقیقی دائرہ کار میں آتا ہے، عوامی مفادات کیلئے ازخود اقدامات لے رہے ہیں، کوئی یہ نہ سمجھے کو ہم کسی کو شکار بنا رہے ہیں، سندھ ہائی کور ٹ بار سے خطاب
ہفتہ 23 جون 2018 21:06
(جاری ہے)
انہوں نے کہا کہ پانی کے مسئلے پر سندھ کے سپوت امیر ہانی مسلم کے کام کے مثبت اقدامات تین چار ماہ میں سامنے آجائیںگے، منچھر جھیل پر پانی کے مسئلے کے متعلق حکومت نے 14ارب روپے کا تخمینہ لگایاتھا، خوشخبری دے رہا ہوں کہ سپریم کورٹ اور امیر ہانی مسلم کی کوششوں سے ایک پیسہ بھی خرچ کئے بغیر مسئلہ حل ہوچکا ہے۔
چیف جسٹس نے کہا کہ دنیا میں قوموں نے تعلیم، لیڈرشپ کوالٹی اور غیرجانبدار عدالتی نظام کو فوکس کرتے ہوئے ترقی کی ہے اور سپریم کورٹ آف پاکستان نے آج تک جو بھی ازخود اقدامات لئے ہیں وہ انہیں تین چیزوں سے منسلک ہیں۔انہوں نے کہا کہ عدلیہ کا ایک سیکٹر قانونی اصلاحات کیلئے کام کررہا ہے کیونکہ بہت سارے قوانین آج شاید وقت کی ضروریات کو پورا نہیں کررہے، فوری انصاف اور عدالتی اصلاحات صرف ججز کا کام نہیں، بار اور عدلیہ ایک جسم کے دو لازم ملزوم حصے ہیں، بار کو بھی اپنا کردار ادا کرنا ہوگا۔ چیف جسٹس میان ثاقب نثار نے اپنے خطاب میں مزید کہا کہ الیکشن قریب ہے وہ کسی سیاسی بیان بازی یا سیاسی تاثر نہیں دینا چاہتے، آر اوز عدلیہ سے اس لئے نہیں دیے کہ ان کی تذلیل ہو، ہم غیرجانبدار ہیں اور کسی سے سیاسی غرض نہیں، تنبیہ کر رہا ہو کہ ججز کے خلاف غیرضروری شکایات اور بیانبازی سے گریز کیا جائے، ہم عزت کرتے ہیں تو سیاسی لوگوں کو بھی چاہئے کہ وہ عدلیہ کی عزت کریں، کسی آر او کے خلاف شکایات ہو تو وہ تحریری طور پر دیں کسی بھی جڈیشل افسر نے بطور رٹرننگ آفیسر کے فرائض بہتر نہیں نبھائے تو ان کے خلاف کاروائی کی جائیگی، البتہ اس قسم کی بیان بازی برداشت نہیں کی جائیگی۔ چیف جسٹس نے کہا کہ ان سے ام رباب نے ملاقات کے جس کے خاندان سے بڑا سانحہ پیش آیا ہے، ام رباب کے ساتھ اپنی بچیوں کی طرح انصاف کیا جائیگا، انہوں نے اے ٹی سی کورٹ کے جج کو ام رباب کیس کو 2ماہ کے اندر مکمل کرنے کی ہدایت کی۔ چیف جسٹس آف پاکستان جناب جسٹس میاں ثاقب نثار نے کہا کہ سکھر میں اتنا مان اور مرتبہ ملنا میرے لئے اعزاز کی بات ہے اس کے ساتھ سکھر بار کیلئے بھی یہ اعزاز ہے کہ چیف جسٹس آف پاکستان اگر کسی بار میں گئے ہیں تو سکھر وہ پہلی بار ہے۔ قبل ازیں چیف جسٹس سندھ ہائی کورٹ مسٹر جسٹس احمد علی ایم شیخ نے یقین دہانی کرائی کی آئندہ ایلیویشن میں سکھر ہائی کورٹ بار کو نظرانداز نہیں کیا جائیگا اور وہ بہت جلد ترقیاتی کمیٹی کے ہمراہ سکھر پنہچ کر کورٹ رومز میں اضافے اور بار روم کا مسئلہ حل کریگا۔ استقبالیہ خطاب میں سکھر ہائی کورٹ بار کے صدر قربان ملانو نے کہا کہ ہائی کورٹ کیلئے نئی عمارت اور بار کیلئے پلاٹ دیا جائے، ججز کی بھرتی میں سکھر بار کو نظرانداز نہ کیا جائے۔ تقریب میں سندھ ہائی کورٹ کے سینئر ججز مسٹر جسٹس نعمت اللہ پھلپوٹو، مسٹر جسٹس صلاح الدین، مسٹر جسٹس محمد اقبال مہر، مسٹر جسٹس عبدالرشید سومرو، مسٹر جسٹس فہیم احمد صدیقی، مسٹر جسٹس عدنان اقبال چوہدری، رجسٹرار سپریم کورٹ ارباب محمد عارف، کمشنر سکھر ڈویژن منظور علی شیخ، ڈی آئی جی سکھر ذوالفقارلاڑک، سیکریٹری صحت محمد عثمان چاچڑ، ڈی سی سکھر رحیم بخش میتلو، ایس ایس پی سکھر شیراز احمد، بڑی تعداد میں وکلا برادری اور معززین بھی موجود تھے۔#مزید اہم خبریں
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
-
پی ٹی آئی نے اسلام آباد میں جلسے کی اجازت کیلئے اسلام آباد ہائیکورٹ سے رجوع کرلیا
-
صدرزرداری کی پیوٹن کو روسی صدرمنتخب ہونے پر مبارکباد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.