Live Updates

نامکمل اورٹمپرنگ شدہ کاغذات جمع کرانے پرشاہد خاقان عباسی کو نوٹس

این اے 57 مری سے شاہد خاقان عباسی کے نامکمل اورٹمپرنگ شدہ کاغذات منظورکرنے پرریٹرننگ افسر کے اختیارات واپس

ہفتہ 23 جون 2018 15:26

نامکمل اورٹمپرنگ شدہ کاغذات جمع کرانے پرشاہد خاقان عباسی کو نوٹس
اسلام آباد(اُردو پوائنٹ اخبارتازہ ترین - این این آئی۔ 23 جون2018ء) این اے 57 مری سے شاہد خاقان عباسی کے نامکمل اورٹمپرنگ شدہ کاغذات منظورکرنے پرریٹرننگ افسر کے اختیارات واپس لے لئے۔میڈیا رپورٹ کے مطابق جسٹس عبادالرحمن لودھی نے این اے 57 مری سے سابق وزیراعظم شاہد خاقان عباسی کے نامکمل اورٹمپرنگ شدہ کاغذات منظورکرنے پرریٹرننگ افسرکے اختیارات واپس لے لئے ،ْ سابق وزیراعظم کو نوٹس جاری کرتے ہوئے 25 جون کو طلب کرلیا۔

(جاری ہے)

جسٹس عبادالرحمن لودھی نے اپنے ریمارکس میں کہا کہ سابق وزیراعظم شاہد خاقان عباسی 25 جون خود یا بذریعہ وکیل پیش ہوں ،ْ اگرنامکمل اورٹمپرنگ کاغذات منظورہوں تو شفاف انتخاب کیسے ہوسکتے ہیں، ریٹرننگ افسر بتائیں آ پ کیسے شفاف انتخابا ت کرائیں گے، بادی النظرکاغذات کی منظوری غیر قانونی ہے۔دوسری جانب این اے 67 جہلم پربھی تحریک انصاف کے ترجمان فواد چوہدری کو بھی 25 جون کو طلب کرلیا گیا ،ْ فواد چوہدر ی کی انتخابی عذرداری کی درخواست خارج کرنے کی درخواست مسترد کردی گئی جب کہ چیلنج ہونے والے کاغذات کو سوموٹو میں تبدیل کردیا گیا۔
Live پاکستان تحریک انصاف سے متعلق تازہ ترین معلومات