پاکستان مسلم لیگ (ن)سوشل میڈیا ورکرز کنونشن کے انتظامات کو حتمی شکل دیدی گئی

ہفتہ 23 جون 2018 14:51

پاکستان مسلم لیگ (ن)سوشل میڈیا ورکرز کنونشن کے انتظامات کو حتمی شکل ..
گلگت۔ (اُردو پوائنٹ اخبارتازہ ترین - اے پی پی۔ 23 جون2018ء) سپیشل کو آرڈنیٹر برائے وزیر اعلیٰ گلگت بلتستان و صوبائی صدر یوتھ ونگ شہزادہ حسین مقپون کی زیر صدارت منعقدہ اجلاس میں 26جون پاکستان مسلم لیگ سوشل میڈیا ورکرز کنونشن کے انتظامات کو حتمی شکل دیتے ہوئے سوشل میڈیا کنونشن کو تاریخی بنانے کا فیصلہ کیا ، پاکستان مسلم لیگ (ن) سنٹرل سیکریٹریٹ گلگت میں منعقدہ اجلاس کنونشن کی تیاریوں کا جائزہ لیا گیا اور مختلف امور کی انجام دہی کیلئے کمیٹیاں تشکیل دی گئی ۔

(جاری ہے)

اس موقع پر دعوت نامے بھی جاری کئے گئے اور گلگت بلتستان کے تمام اضلاع میں دعوت ناموں کی تقسیم اور کارکنوں کی شرکت یقینی بنانے کیلئے ضلعی عہدیداران کو ذمہ داری سونپ دی گئی ۔ اجلاس میں اس عزم کا اظہار کیا گیا کہ گلگت بلتستان کے اپنی نوعیت کے پہلے سوشل میڈیا ورکرز کنونشن کو شایان شان طریقے سے منعقد کرنے کیلئے کارکن اپنی صلاحیتیں بروئے کار لائینگے ۔