فیفا ورلڈ کپ میں پاکستانی بچے نے میچ کے ٹاس کا اعزاز حاصل کر لیا

پاکستانی نوجوان احمد رضا نے برازیل اور کوسٹاریکا کے درمیان میچ میں ٹاس کیا

جمعہ 22 جون 2018 20:34

فیفا ورلڈ کپ میں پاکستانی بچے نے میچ کے ٹاس کا اعزاز حاصل کر لیا

ماسکو(اُردو پوائنٹ اخبارتازہ ترین - آئی این پی۔ 22 جون2018ء) فیفا ورلڈ کپ کے کھیلے گئے برازیل اور کوسٹاریکا کے درمیان میچ میں پاکستانی نوجوان احمد رضا نے ٹاس کیا۔ عالمی مقابلوں کے لیے گروپ ای میں شامل برازیل اور کوسٹاریکا کی ٹیمیں مدمقابل ہیں۔

(جاری ہے)

15سالہ نوجوان احمد رضا کا تعلق پاکستان کے شہر سیالکوٹ سے ہے اور وہ پہلے پاکستانی بن گئے ہیں جنہیں عالمی کپ میں پاکستان کی نمائندگی کرنے کا اعزاز حاصل ہوا ہے۔

مشروبات بنانے والی نجی کمپنی کے تعاون سے احمد رضا روس پہنچے ہیں جن کے والد شبیر احمد سیالکوٹ میں فٹبال بنانے کا کام کرتے ہیں اور ان کا خاندان یہ کام گزشتہ کئی دہائیوں سے کر رہا ہے۔دوسری جانب سماجی رابطے کی سائٹ ٹوئٹر پر صارفین پاکستانی نوجوان کا نام ٹاس کے لیے آنے پر احمد رضا کو مبارکباد کے پیغامات دینے کے علاوہ انہیں خوب سراہ رہے ہیں۔