اس الیکشن میں غریب ملک کے امیر لیڈروں کے اثاثے سامنے آگئے ہیں،سابق ممبر قومی اسمبلی عائشہ گلالئی

جمعہ 22 جون 2018 17:18

اسلام آباد ۔ (اُردو پوائنٹ اخبارتازہ ترین - اے پی پی۔ 22 جون2018ء) سابق ممبر قومی اسمبلی عائشہ گلالئی نے کہا ہے کہ اس الیکشن میں غریب ملک کے امیر لیڈروں کے اثاثے سامنے آگئے ہیں۔ان خیالات کا اظہار انہوں نے جمعہ کو اسلام آباد ہائی کورٹ کے باہر صحافیوں سے گفتگو کرتے ہوئے کیا ۔عائشہ گلا لئی نے کہا کہ ان لیڈروں کے پاس سینکڑوں ایکڑ زرعی زمینیں ہیں اور ان لیڈروں کے پاس کروڑوں اربوں کی جائیدادیں ہیں۔

انہوں نے کہا کہ اگر پاکستان کے لیڈر غریبوں کے ہمدرد ہوتے تو وہ آدھی جائیداد غریبوں کے نام کر دیتے۔۔

(جاری ہے)

عائشہ گلا لئی نے کہا کہ پاکستان تحریک انصاف کے چیئرمین عمران خان اور مجھ میں زمین اسمان کا فرق ہے میں نے ہمیشہ سے ہر ادارے کا احترام کیا۔انہوں نے کہا کہ عمران خان زلفی بخاری کے جہاز میں کروڑوں کے عمرے کرتے ہیں۔انہوں نے کہا کہ سارے کرپٹ حکمران مل کر سابق صدر پرویز مشرف کو نشانہ بنا رہے ہیں۔انہوں نے کہا کہ پرویز مشرف تین کمروں کے گھر میں رہتے تھے اور پرویز مشرف کے دور میں پھل اور سبزیوں کی قیمتیں کم تھیں۔انہوں نے کہا کہ سابق صدر پرویز مشرف کے دور میں ڈالر کی قیمتیں کم تھی بیرونی قرضے بھی کم تھے ۔انہوں نے کہا کہ میں پرویز مشرف کے اچھے کاموں سے متاثر ہوں۔