عمران خان نمبرگیم سے ہی وزیراعظم بن سکتے ہیں،شاہ محمود قریشی
خدا کوحاضرجان کرکہتا ہوں جہانگیرترین سےکوئی جھگڑا نہیں،جوالیکشن ہی نہیں لڑسکتا،اس سےکیوں جھگڑوں؟ احتجاجی کارکنوں کا احساس ہے،انکی ملاقاتیں کون کراتا ہے،وہ اون کیوں نہیں کرتے؟سکندربوسن کوکون لانا چاہ رہا؟عائشہ جٹ بی بی کو صوبائی ٹکٹ کس نےدلوایا؟ پریس کانفرنس
ثنااللہ ناگرہ جمعہ 22 جون 2018 16:47
(جاری ہے)
جوکھیل میں ہی نہیں، الیکشن ہی نہیں لڑسکتا، الیکشن گیم سےباہرہے اس سے کیوں جھگڑوں؟ مجھے ان کارکنوں کا احساس ہے جو احتجاج کررہے ہیں۔ احتجاج کارکن کررہےہیں میں تو نہیں کرارہا۔
ایسا کون کررہا ہے؟ کون انکی سفارش کررہا ہے؟ کون ملاقاتیں کراتا ہے،وہ کیوں اون نہیں کرتے؟ ان میں اتنی اخلاقی جرات کیوں نہیں کہ مانیں کہ ہم سکندر بوسن کو لارہے ہیں؟ انہوں نے کہا کہ میں اپنے کسی رشتہ دار کو اپنے نظریے پر فوقیت نہیں دوں گا۔حق مانگنا ہر کسی کا حق ہے فیصلہ کرنا پارٹی کا حق ہے۔ انہوں نے کہا کہ پارٹی فیصلہ کرےگی۔ عمران خان فیصلہ کریں گے خوا وہ میرےعزیزکے حق میں ہویا خلاف ہو۔ درخواست دینا، دلائل دینا ہر کسی کا حق ہے، فیصلہ تسلیم کرنا پارٹی کا ڈسپلن ہے۔ کہنے کا حوصلہ ہونا چاہیے کہ سکندربوسن کوکون لانا چاہ رہا ہے۔ انہوں نے کہا کہ عائشہ جٹ بی بی کو صوبائی ٹکٹ کس نےدلوایا، کیا میں نے دلوایا؟ عائشہ جٹ کو ضمنی الیکشن کس نے لڑوایا؟ کیا میں نے لڑوایا؟ شاہ محمود نے مزید کہا کہ میں تو عائشہ کے ضمنی الیکشن میں بھی موجود نہیں تھا۔ حقائق کو حقائق بنا کر پیش کریں۔ نذیر جٹ نے اگر بات کی ہے تو اپنے بل بوتے پر کی ہے۔ نذیرجٹ کی اپنی ایک سوچ،سیاسی حیثیت اور ایک نام ہے۔ میری اس میں کوئی شرارت نہیں ہے۔ نہ بدنیت ہوں نہ شرارتوں کا عادی ہوں،سازشی مزاج کا بندہ نہیں ہوں۔ انہوں نے کہا کہ میرا ایمان ہےاللہ دلوں کے رازجانتا ہے،اللہ حقائق پہچانتا ہے۔ میں آپ سے فریب کرسکتا ہوں،کیا اللہ سے کرسکتا ہوں؟ کیا میں اللہ سے جعلسازی کرسکتا ہوں؟ اس سے قبل شاہ محمود قریشی نے میڈیا سے گفتگو کرتے ہوئے کہا کہ ٹکٹوں کے معاملے پر ہم نے دیانتداری سے بیٹھ کر تین اصولوں کو آسان بنایا ہے۔ ٹکٹوں کا معاملہ آسان بنایا ہے ہم نے ٹکٹوں کے معاملے میں دیانتداری‘ وفاداری کو دیکھا۔ ہم نے دیانتداری سے میرٹ کو فوقیت دی ساڑھے چار ہزار سے زائد درخواستیں موصول ہوئی ہیں دوسری کسی جماعتوں کو اتنی درخواستیں نہیں ملیں۔ عوام جانتے ہیں کہ تحری کانصاف ایک مقبول جماعت ہے۔ ہر حلقے میں آج درخواستوں پر درخواستیں آرہی ہیں۔ بعض ارکان کی ٹکٹوں کے معاملے میں دل آزاری ہوئی ایک ایک نمائندے کو اسلام آباد بلا کر ان کی باتیں سنیں گئیں۔ عمران خان کا فیصلہ ہے کہ وہ دیانتداری سے پارٹی کے فیصلے کریں گے ہم چاہتے ہیں کہ عوام کو حقائق سے آگاہ کریں آج ایک حلقے میں کئی کئی امیدوار ہیں بنی گالہ میں کارکن اپنا نقطہ نظر پیش کرنے کے لئے بیٹھے ہیں۔ نمبر گیم سے ہی عمران خان وزیراعظم بن سکتے ہیں۔ انسان عقل کل نہیں نیک نیتی سے فیصلہ کرسکتا ہے میں دیانتداری سے بات کررہا ہوں میں جو بات کررہا ہوں عمران خان جانتے ہیں۔ دوسری جانب پی ٹی آئی رہنماء جہانگیرترین نے اپنے ردعمل میں میڈیا سے گفتگو میں کہا کہ تحریک انصاف میں بطورعام کارکن کام کررہا ہوں۔ میرا کوئی ذاتی مفاد نہیں ہے۔ ہرحلقے سے جیت کرعمران خان کووزیراعظم بنانا ہے۔ انہوں نے کہا کہ سپریم کورٹ کے فیصلے پر دکھ ہوا لیکن فورا فیصلہ تسلیم کیا۔ پی ٹی آئی میں نہ کوئی عہدہ مل سکتا ہےنہ میں کوشش کررہا ہوں۔ پی ٹی آئی میں ویسے کھڑا ہوں جیسے پہلے کھڑا تھا اور محنت کررہا ہوں۔ انہوں نے کہا کہ میں کسی کیخلاف بات کرنا پسند نہیں کرتا،شاہ محمود قریشی کی پریس کانفرنس نہیں دیکھی، پریس کانفرنس دیکھ کرجواب دوں گا۔ جہانگیرترین نے کہا کہ دھرنے کی سیاست ہم نے پاکستان میں شروع کی۔ہم دھرنے کی سیاست کوبرا نہیں سمجھتے ہیں۔ جہانگیرترین نے کہا کہ الیکشن کمیشن کاکام ہے کہ اثاثوں کی تصدیق بھی کرے۔ نوازشریف سرکاری جہازاستعمال کرتے تھے۔ عمران خان جس جہازمیں عمرےپرگئے وہ سرکاری نہیں تھا۔مزید اہم خبریں
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
مریم نواز نے پولیس یونیفارم پہن کر پنجاب پولیس کی عزت وقار میں اضافہ کیا
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.