ہماری فیلڈ میں منافقت اور حسد بہت زیادہ ہے‘نگار چوہدری

جمعہ 22 جون 2018 14:49

لاہور(اُردو پوائنٹ اخبارتازہ ترین - آئی این پی۔ 22 جون2018ء) فلم، ٹی وی اور اسٹیج کی نامور اداکارہ نگار چوہدری نے کہا ہے کہ ہماری فیلڈ میں منافقت اور حسد بہت زیادہ ہے، ہماری فلم انڈسٹری کی تباہی کی بڑی وجہ بھی یہی ہے کیونکہ ہم اپنا جتنی ٹائم دوسروں سے حسد کرنے اور ٹانگیں کھینچے میں گزارتے ہیں اگر وہی ٹائم اپنے کام کو دیا جائے تو ہو سکتا ہے کہ ہم پہلے سے بھی بہت آگے نکل جائیں۔

(جاری ہے)

اپنے ایک انٹر ویو میں نگار چوہدری نے کہا کہ میں نے اپنی پوری توجہ ہمیشہ اپنے کام پر دی ہے یہی وجہ ہے کہ اللہ تعالی نے آج مجھے ایک مقام دیا ہے‘ میں اپنی ساتھی فنکارائوں کو بھی یہی مشورہ دونگی کہ میری طرح دل لگا کر اپنے کام پر توجہ دیں تاکہ وہ بھی اپنی محنت کی وجہ سے کوئی مقام حاصل کر سکیںمیں نے فیلڈ میں ہمیشہ اپنے سینئرز کی عزت کی ہے ۔